Zomi icih ciang in

[Taang Sianpu]

Zomi nam sung ah a bang teng kigawm khawm a hiam icih ciang in:-

1. A ut teng ki gawm khawm (Zomi hi ingh aici nuamlo te pen cih teitei ding hiloh hi cih Theory).
-Tua ahih man in Zomi a kici nuamlote Zomi hi lo hi ci in thukhen bawlna leh, midangte a ding en a khiatna va bawlsak. Minam khat i hihna en thukhenna bawl tawm sak (common sense leh common understanding tungtawn in).

2. Minam ihihna pen Sisan i thugen hi in, a ut khempeuh (Zomi lopi) Zomi hi thei tuanlo in, a utlo te zong Zomi hilo kici thei tuanlo hi cih Theory
-Nationality of a country, citizenship pen CHOICE hi mah hi, ahi zong in minam hihna (sisan vai ah) eima deih loh man in a ki nial thei thu zong hi kei, i deih man in ahilopi khat lah deih bawl theih ding hi tuan kei cih sandan.

3. Zomi icih pen Single idendity, Single Ethnic, Single language hikei, shared value, shared sub ethnics, sub dialects akigawm khawm hi. Leitung ah minam khempeuh in, mimal khempeuh in Multiple realities, multiple identity (Biakna ahi a, thu dang ahi zong in) cih Theory a len kip zong om.

-Zomi icih ciang in multiple identities i.e, Khua khat bek zong hi kei, beh khat bek zong hi kei, "bang e" bek hi kei "ai e te zong hi" etc. leh township tuamtuam te zong hi, India bek lah hi kei, Myanmar zong lah hi etc. cih upna leh pomna. Zomi bup sung ah a tung a dan in muhna pi tuamtuam om hi leh kiawm hi.