America Baptist Church aading Pasian hong zatsak Zomi Khangno khat

Pasian khuavaak i san zawh, tu ma kum zakhat lai a ki pan, Pasian in ei Zomi te ih pianna Zogam pan in Kawlgam, Vaigam leh mun tuamtuam (Regional) ah hong puak khia hi. Hih bang a i ki thehthaang na pen tu ma kum sawmnih kim aki pan hong tangzai (a mimal leh a munGlobal) semsem in, tu ni in leitung mun tuamtuam ah a ki zel khin phial ih hi ta hi. Tu ta dih in Pasian hong puak na na mun leh gam ciat ah ih bulkip theih nang in a hanciam lai a tam zaw i hi phial zong in, a bulkip khinsa ih mipih te zong damdam in hong ki behlap sem sem ta hi. (A bulkip: ih tun na gam ciatah tua gammi te bangin pilna, siamna nei a, liangko kikim a, a nung ta zo te). Gentehna in, USA gam sung bang ah, a gammi tampi te nangawn a ngah zawh mengmeng loh uh, Professor, Physician, Engineer, Lawyer, Nurse cih dan a, siamna tawh nasep (professional occupation) a nei te zong ei Zomi te sungah, hong om kiukiu ta hi. Lungdam huai mah mah ka sa a, ih minam bup aading in Pasian in thupha hong piak sak leh hong zatsak mi te hi ci in ka um hi.

Tua bang thuhoih te lak pan in, tu nai a thu piang khat kong gen nuam hi. America Baptist Churches te tawh a ki zom a hi, Exton Community Baptist Church, PA in August 01, 2011 ni a ki pan ih  Zomi khangno khat ahi, Joseph Thang Cin Sum a Pastor ding un hong zatsak uh hi. A sep a ki pan tu ni ciang dong Pasian in ompih in, lawhcin na pia a, October 30, 2011 ni, nitak nai 3 in America Baptist Churches-USA (ABC-USA) te vai hawmna tawh Blue Bell khua, PA a om Grace Baptist Church ah ordination piakna hong neih sak uh hi. Rev. Joseph Sum pen Kawlgam sung pan ABC-USA te ordination piak na a ngah masa pen a hi hi. Tuma kum zanih kim a Kawlgam ah hong pai American missionary te a hi, Rev. Dr. Adoniram Judson (1813), tu ma kum za val deuh a Zogam ah missionary a hong pai a hi Rev.Dr. J.H.Cope te a ki pan sangmang tampi te hong ki piak khiat na hang in, Kawlgam minam tuamtuam te sung ah Pasian khuavaak hong tang in thu um mi tampi hong om khia hi. Tu ni in ih biak Pasian in ei khuavaak hong puak khia a hi America thu um mi te sung ah Tuu cing a sem kik ding in ih sanggam pa, Rev. Joseph Sum, hong zat sak a hih man in, Ama min i phat hi.

 Rev. Joseph Sum pen tulaitak a Global Zomi Alliance (GZA) makaipi leh Tedim Baptist Church, Yangon (TBC-Y) i senior Pastor a hi Rev. Dr. S. Pau Khan En leh Sianu Zen Khaw Don te ta pa nihna a hi hi. Rev. Joseph Sum in Eastern University pan in M.Ed. leh Palmer Theological Seminary pan M.Div. degrees te a ngah hi. Eastern University pan mah in Health Services lam tawh M.Sc. zo a, Nurse a sem Anna tawh ki pumkhat na nei uh a, ta nei nai lo uh hi.

Rev. Joseph Sum i a Pawlpi ah a hunzat masakna hih a nuai a link pan ki ngai thei hi. http://extoncommunitybaptistchurch.blogspot.com/2011_08_01_archive.html Pasian in mai lam ah Rev. Joseph Sum a tang zaizaw in hong zat sak lai hen la, hih lai a sim ei te zong ei tatna mun ciatpan Ama min a thang sak zoding in thupha hong pia hen!

Lungdam pihna leh deihsakna tawh,

 

Thangboi

[Blessed Zomi: blessedzomi@yahoogroups.com]

 

Behlapna:

Naupangte tawh hunbawl khopna (MP3):

http://www.thetechstewart.com/church/2011-08-07-Children.mp3

http://www.nationalministries.org/front_center_asian_american_bapti...

Views: 732

Attachments:

Reply to This

Replies to This Discussion

Grace Music Institute (GMI)

Yangon khuapi sunga om, Rev.Go Lian Suum (a) David Suum (President/ Director, GMI & Senior Pastor, Grace A.G, Yangon) makaihna tawh Studio hoih mahmah khat hong neih zawh manun i lungdampih mahmah hi. Tunung US pan a hong puak ahi, Drumset hoih mahmah khat hong neihbeh lai uh hi. Tua pen Kawlgam sumin teng 50 val leh a bulhna, a koihna bawlna teng tawh 70 mahmah bei ci uh a, tamlah man kasa a, hoih mahmah kasa mai hi. Ka velvel, ka zuutzuut kha liang hi. Tua lo a vandang dangte ahih leh a hoih vive a neih khit ngen uh hi a, la tamsim mah hih studio panin kikhum khin zo hi. Tu-in drumset thak set khat kibehlap ahih manin mailamah Zomite hi-in tapidaw tuamtuam lakhum ding te'n i zat pih thei ding hi, cih lungdamhuai thu kong pulak hi.

Nov.17,2011, 1:00 Pm hunin Siate leh sangnaupangte akipan music tuamsiam pawlkhat tawh Pasian' tung apna hun thupitakin nei uh hi. Tu-in a Photo tawh hong khak kik thei pan hi ing. Na na etsak un.

STUDIO ADDRESS:-

No.49, 8 Floor-Right
40th Street (Lowest Block)
Kyaukthada Township, Yangon
(Tel: 01-253737)

Hih "Grace Music Institute" (GMI)ah music lah hoihin a tumte lah deihsakna a nei vive leh a siam ngait te ahih manun la khum dingte in zuat huai mahmah ahihna kong pulak hi. Topa'n a sem abawlte leh a zangkhate thupha hong pia ta hen.

Lungdampihna tawh,

Peter Khampu.
Yangon, tawmvei


Find more photos like this on Zomi Social Network

Reply to Discussion

RSS

© 2024   Created by Zomi Community Network.   Powered by

Badges  |  Report an Issue  |  Terms of Service