ZOFOP MAGAZINE KI-HAWMKHIA TA: (Photo 3 tawh)

[Taang Sianpu]

Dear Muan tuamtuam a om Zomi akuamapeuh;

Ih biak Zeisu Khazih min tawh Kawlpi panin kong nohset uh hi. A beisa
2005 kum, Tidim khuapi ah “Zomi bup Pasian Phatna Pawipi” lungkimhuai
takin I bawl khin hi. Tua tawh kizui-in a mang ngei lo ding leh mun
tuamtuam a om Zomite in I muh I sim theih ding lunggulhna tawh
“Magazine” a bawl khiat ding cih geelna leh lunggulhna lianpi om hi.

Tutungin Zofop hong piankhiat nading a maa hong hong masapi, Convenor
– Sia David Go Lian Suum leh Committee te hanciamna tawh a laibu a sim
theih, et theih dingin a hawmkhia zo ta suak I hih manin Pasian’
tungah lungdamna I puak masa hi. Hih laibu tawh kisai-in Zomi sungah
lailam ah I muan mahmah khat ahi, Tedim BAG panin Sia Gin Sian Pau
(GSPau) leh Sia David Suum mah I hong sepkhiatna uh tawh a munmun ah
Pasian’ tung apna tawh a kihawmkhia ziahziah hi ta hi.

Sia David Suum leh mapanpanpih pawlkhat pen Zogam lam hong zinto in,
Mizo gam Champhai leh Aizawl dong va pha uh a, Aizawl ah Music lam
tawh kisai thusinna a piak kawmun ih Magazine hong khia uh hi. Tedim
ah zong Committee leh TCF makaihna tawh lungkimhuai takin apna leh
hawmkhiatna a neih uh banah, Tonzang pen pai man lo uh ahih manin TCF
te’ tavuan ap uh hi.

Kawlpi ah zong Zofop Committee leh biakna lam makaite’ tawh May 27,
2010 (Thursday) AM.8:00 hunin Pinlong 8, Bogyoke Road a om, Galilee AG
Biakinn ah “ZOFOP MAGAZINE” Topa tung apna leh hawmkhiatna kinei ding
hi. Tua munah sapna zong kibawl ahih manin sapna ngah teng peuhmah
paiciat dingin ki-lunggulh hi. Tua panin Magazine bu khat teh,
Ks.1,500/-tawh lei theih hong hi ta ding hi.

( Tutunga Zomi bup a huam, I nasep khopna ahi, Magazine pen hoih
mahmah mai hi. Maan zong pong 260 bang a color tawh kiciantakin om
ahih manin kipawlna tampi kihel a, sinop leh muhnop mah mah mai hi. Na
kan ciat ta un, cih zong kong vaikhak nuam uh hi).

ZOFOP MAGAZINE Laibu kawm tuamna leh a nunglam limte attachment ah
hong khak ung. Na na etsak un.

Magazine Committee’ taangin;

Peter Khampu.
Kalaymyo.

[§ʋѦ¶♪Δиɢ]

Lung dam mahmah hang ei, hih bang a, laibu hoih khat ong bawl khiat uh, Gamtuam tuam ah ong tunnang ngak lah peuh mah hang ei....