Oklahoma City ah mawtaw hawlte theihding thuthak

[Zomi Daily]

Oklahoma City ah mawtaw hawlte theihding thuthak

Tulsa, Oklahoma

ZomiDaily :: USA gamsungah ei Zomi te atam teenpen namun ahi Oklahoma City sungah zukhamsa in mawtaw hawlte akidoptheih nading deihnatawh thukhunthak khat nei uh cih TulsaWorld pan kizasawn hi. Tuapen zukhamsa in mawtaw hawlkhat a khatveina akimatleh danpiakna in kum 2 sung a mawtaw tungah Ignition Device thuahsakding cihi. Ignition Device acihpen sisan sungah zu kihelte theihciannading sittelna vannokhat hi a, mawtaw hawlpan tuapen kamtawh mutmasak lohin a mawtaw ki Start theiloding cihi.

A nihveina akimatleh danpiakna in kum 5 sung tua Ignition Device kithuahsak dinga, a thumveina akimatleh kum 8 sung ki thuahsakding ci hi. Zukham annkhamsa in mawtaw hawllohding khamna hi a, zuizoleng ei ading supna aomloh banah, kidopkholhna vive hizawding ahih manin ihzuihzawh tekding khatlekhat kihanthawn ciatni. Zomi Daily www.zomidaily.com