Suu Kyi inzong Twitter & Facebook zangnuam

Suu Kyi inzong Twitter & Facebook zangnuam

ZomiDaily :: Egypt leh Tunisia gamte ah mipi lungphona aomciang khatlekhat kithu zaktuahna in Twitter leh Facebook azatbangin, Aung San Suu Kyi inzong mipi tawh twitterkithuzak nadingin zangnuam hi ci-in AFP pan genkhia hi. Ih theihsatek mahbangin abeisa kum 20 sungbang innsungah aki khumcip hi a, tu in apualam gamtuamtuam tawh kizop nadingin Global Online Community tawh kizomnuam ing ci-in, Canada's Globe and Mail te'n telephone tawh interview abawl lai-in genkhia hi.

 

Suu Kyi in $1000 valbang kabeikhitteh tupetpet in ka inn ah Internet zangtheita ing cihi. Ahihhang a Internet Speed pen ziakailua mahmah cihi. "Megabyte" nacihcihte uh akikhantheih ahihleh khanto nuam ing. Tuakhitciang ka internet amanlangh zawkdeuhleh Facebook leh Twitter te kazangnuam cihi.

 

USA gampan ongki pankhia ahi hih Facebook leh Twitter te hangin Egypt leh Tunisia gamte ah mipi lungphona aneihsungun thukizakna manlanghsak mahmah tuam hi. Hosni Mubarak leh Zine El Abidine Ben Ali tezong hih Social Networking te hangin atutna pan aki sawnkhiazo panhi zong ci uhhi.

 

"Egypt galkapte'n mipi hizah lungphona ah thau khatveizong alotloh, mipi akaplohmah ka phat hi" ci-in Suu Kyi in genkhia hi. "Ih ki lamdanna lianpi pen tua ahihi" ci-in genbeh lai hi. Zomi Daily

Views: 56

Comment

You need to be a member of Zomi Community Network - Your Network to add comments!

Join Zomi Community Network - Your Network

Comment by Zomi Community Network on February 20, 2011 at 8:34pm
A tua ding mah lau ahih man in tungsiah lamte in 2007 in vai buaipi hun lai in (communication shut down) internet leh telephone ong khaktan a kipan a mit kik suak hi. Tua hi kei leh ei pawl in nuam a samahmah ding dan hi leng kilawm hi :)

© 2020   Created by Zomi Community Network.   Powered by

Badges  |  Report an Issue  |  Terms of Service