Japan ah 2010 sung Refugee asiau kiam


 

Japan

ZomiDaily :: Japan gamah gamdangmi Refugee asiau pen 2010 sungin mi 1202 pha a, kum 2009 laisangin mi 186 bangin tawmzawdeuh hi ci-in Justice Ministry in genkhia hi. Tua Refugee asiau mi 1202 lakpan mi 39 bek Refugee taktakin kiciamteh a, kum 2009 sangin mi 9 in tamngahzaw cih JapanToday pan kizasawn hi.

 

Tua Refugee siaute sungah atampenpen ahi Kawlgam mipen nungkum sangin mi 226 in tawmzaw hi. Ahangpen Kawlgam Immigration Bureau te gendanleh 2007 kum lutolte buaikhit akipan Kawlgamah hun onghoihkik zawdeuh ahih manin, Japan gamah Refugee siau atawmzaw hiding hi ci uhhi. (adang gamtepan ki siau zaw hikhading hi)

Kum 2010 sung Japan gamah Refugee asiau pen Kawlgampan mi 342, Sri Lanka pan 171, Turkey pan 126, Nepal pan 109 leh India pan 91 pha hi. Nepal tepen nungkum sangin azahnihin tamzaw cihi.

Kum 2010 sung Japan gamah Asylum akipia gamdangmi avekpi-in mi 402 pha a, tualak ah Kawlgammi 356 pha cihi. Refugee ciaptehna a ngahlo gamdangmi tepen Japan gamah Humanitarian Grounds tawh omsakthei veve sam a, tuadanin aompen nungkumin 138 aphapen 2010 kumciang 363 pha ci uhhi. Zomi Daily www.zomidaily.com

Views: 80

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2020   Created by Zomi Community Network.   Powered by

Badges  |  Report an Issue  |  Terms of Service