A khatveina Mandalay Barcamp 2011

[Zomi Daily]

A khatveina Mandalay Barcamp 2011

 

Mandalay Barcamp

ZomiDaily :: February 12 - 13, 2011 ninihsung Mandalay ah a khatveina Barcamp nuamtak kibawlthei hi. Hih Mandalay Barcamp bawltheih nading kiginkholhna in kumkhat dekphial hunkabei uh ci-in Organizers te'n genhi.

 

Weekly Eleven te genna ah hih ninih akibawl Mandalay Barcamp ah mi 3100 bang kihelthei cihi. Amasa ni Feb 12 ni-in thubulpi (topic) 56 bang kikumnawi dikdek thei a, akikni Feb 13 niciang inzong thubulpi 52 bang kikupbeh theihi. Barcamp ah adiakdiakin Information Technology (IT), Literature, Language, Society, Economics, Health and Education cihbangin thulela tampi bucingtakin kikumtuah theiuh cihi.

Mandalay Barcamp bawlnading agel masakna pen Innwa Hotel ahihhang lemlohna tuamtuam hangin 78th Street aom Poppa Hotel ah laihkik uhhi. Yangon ICT Park dan Mandalay ah kinei nailo ahih manin Barcamp bawlnading amun mahmahzong hamsa mahmah hi ci-in Organizers te thumthum hi.

Mandalay Barcamp makaikhat ahi Mg Hla in"a masa penpen ahi Mandalay Barcamp pen ninihsung nuamtak kizothei ahih manin lungdamhuai hi. IT tawh kisaibek hilo, adang Topics tuamtuamzong kikumna omthei ahih manin tha kingah mahmah hi. Mi 1000 khawngbek aphading aki lamen pen, 3100 bang ongpha ahih manin amun ongkicing phalo hi. Ahihhang hih Barcamp ongpiantheih nadingin ongmakaih MCPA leh MICA te tungah kalungdam mahmah hi" ci-in a Blog ah at khia hi.

Wikipedia (http://en.wikipedia.org/wiki/BarCamp) te gelhna ah leitungah Barcamp mi atampenpen 2011 kum Yangon kibawlpen hi-in, mimal 4700 pha cihi. 2010 Yangon Barcamp lai-in mi 2700 bek pha hi. Zomi Daily www.zomidaily.com