Google Account 150,000 val ki zangtheilo

[Zomi Daily]

Google Account 150,000 val ki zangtheilo

 

Gmail pawlkhat kisia

ZomiDaily :: Ei Zomi sungah akihelkha ihomdiam, tuni-in Google Account 150,000 valpen ki Login theilo cih thuthak kiza hi. Tua akihelkhate Account pen ki Login theivetlo ahih manin kumtampi azat akep uh Email, Files, Chat khempeuh avekin manggai cihi.

 

Google Technician te gencianna ah hihpen Bug namkhatin nasusia a, Account pen na Reset sakkha cihi. Gmail azang khempeuh ii 0.08% Account tengin hihdan tuak hi cihi. Tuni na Gmail na hontheih a, nalaite a ngeibang in aomleh nang Account bangmah cikhalo ahih manin nalungdam in.

Aki Reset kha Account neite ading lungnop huaikhat ah Google Engineer te'n avekin Restore sakkikding cihi. Tulaitak asepsan laitak hi-in, amanlangh theipenin ongbawlkik sakding cihi. Sumtawh ihlei a ihzat hihetlo, Free vivetawh atamzaw in Gmail akizang ahih manin, ong Restore sakthei keilehzong hehtheih hilo mawk a, ongpuahsakding cih ihzakkhak bekzong lungdamhuai mahmahkhin cihding hibilbel hi. Tuciangciang akizakhateng kong hopsawnna uhhi. Zomi Daily www.zomidaily.com