Gmail kisiate ngahkik ta

[Zomi Daily]

Gmail kisiate ngahkik ta

Gmail ngahkik ta

Update (3/1/11, 12:20 PM PST): Gmail Account kihongtheilo ahi 0.012% tengpen Tape khui Backup abawl panin ki Restore khinta hi. Nai 2 sungin a Data teng Gmail sungah kihoihkik tading a, laitam aomte kaizaw dinghi.

Update (3/2/11, 10:55 PM PST): Hih nawngkaina hangin asukkhak Gmail Account tengpen zatngei bangin kingahta dinghi. A lemlohna aomleh [e-mail] pan Support Team tekiang huhna kingenthei hi.

ZomiDaily :: Zomi te leh adiakdiakin Kawlgampan Free Email akilimzat mahmahkhat ahi Gmail Account 150,000 valpen zanni kihongtheilo cih ihzaksak ahihi. Alungdamhuai mahmahkhatah tua aki hongtheilo Google Account tengpen Google Engineer te'n hanciam takin ong bawlphatsakkik laitak hi cihi. Lamet nasangin hunsawt lato zaw a, bangtanvei sawtlaiding cihzong kigenthei lianlo hi. Ahihhang amanglangh theipenin kibawlkik dinga, asawtlo in Virus in asukkhak Account khempeuh ki hongkik theita ding ci uhhi.

Google thuneite genna ah Data Backup pen thuaptampi akibawl hi-in, ahihhang Virus thak namkhatin tua Account sunga lai omtengpen abanbanin naphiatsak tothei cihi. Online ah omleh abanbanin naphiat khatheiding ahih manin, Tape khui na ngawntawh kongna Backup sak uh cilianghi. Zanni akipat akipan nai 30 sungbang buaipihkhin uha, zosiang theinailo uhhi. Email Data tengpen Offline ah Tape khui tawh a Backup uh ahih manin, Online ah akoihkik dingzong zekaituam mahmah ahih manin, hun asawt tototuam ci uhhi.

Storage Software thakkhat abawlna panin lametloh Bug (virus) namkhat omkha ahih manin, Gmail zangkhempeuh ii 0.02% tengin Account uh lutthei nawnlo uhhi. Google te'n atheihphet un, tua Software thak zangngam nawnlo a, aluitawh laihkikpah uhhi. Athu akicianin theihzawkna aomleh Google te'n abanbanin ongzasak totoding cihi.

Hih Gmail buaina hangin Account akihong theilote in February 27 nitak 6:00 PM PST leh February 28 nitak 2:00 PM PST kikal ongkikhak laitezong na Email sungah nalutlo dinghi. Ahihhang Email ongkhakte kiangah "na email khak tunglo hi" cih theihsakna lai nalehlut kikkhading cihi. Zomi Daily www.zomidaily.com