Internet Explorer 6 zat huai nawnlo

[Zomi Daily]

Internet Explorer 6 zat huai nawnlo

Internet Explorer 6

ZomiDaily :: Microsoft Company te'n tuma kum 10 vallai petpan abawluh ahi Internet Explorer pen zatding awi nawnlo uhhi. Tua Internet Explorer 6 ahih keileh IE6 ci-in akithei website etna Browser pen luimahmah taleh azang tammahmahlai hi.  Tu in IE6 khit ah athakzawtham IE7, IE8 cihbang aomkhit banah, IE9 na ngawn RC (Release Candidate) tawh akizangthei hita hi. Tua IE6 zatnawnlohding mipi theihnadingin website IE6countdown.com cihbang bawlliang uh a, tua website pan IE6 akizatlaina gamleh azang miphazahzong suaksakpah uhhi. Tuabanah "Moving the world off Internet Explorer 6" ci'n thulukhat neisakliangh uh a, IE6 nusia in a Version thakzaw zatding onghanthawn mahmah uhhi.

Tua website ah agimna uh ahihleh IE6 pen leitungah azang mi 1% sang atawmzawk nading lunggulhna hi a, February 2011 ciangciang leitungah 12% bangin zanglai uhhi. Tuabanah a website tungah banghangin IE athakzaw zat huai cihleh ahoihzawkna thute banah website neite'nzong a website pan mipitung taangko nading huhna genphialmawk uhhi. Sumtawh leiding hisamlo, a Version thakte zong ahoihzaw leh amanlanghzaw, amuanhuaizaw banah ongki mawkpiakngeu lawmlawm akizatnoploh bilbelpen lamdangkik phialmawk hi. Ahihhang Company pawlkhatte ah a Software zatdangtetawh IE Version thakte kituaklo cihkhawngzong omthei samhi.

Decade-old acihliangh uh kum 10 val pekpan akizangkhin dikdek ahi IE6 pen adiakdiakin Sengam leh adang South Korea, India, Taiwan, Saudi Arabia, Vietnam cihte ah kilimzatlai mahmah hi. Ih website etna Browser te sittelkik in, tuni March 05, 2011 ciangciang Internet Explorer ihzatleh 8.0.7600.16385 hihenla, Firefox ihzatleh 4.0b12, Google Chrome ihzatleh 9.0.597.107 cihbangin athaktheithei zangleng hoihpen hi. Ih Browser tepen abawlkhia te in akisapna, thanemna aomciangin puahpha toto in, a Version zong akhangtoto ahih manin a Latest theithei ihzatmanin ei adinginzong Security lamah muanhuaizaw, to zaw, manglanghzaw leh Graphic, Video tuamtuam akihel website te etnadinginzong lemzawtham hi cih ihki hilhsawnzel hi. Zomi Daily www.zomidaily.com