GZA Central Committee & Yangon aa Om Standing Committee Member te Kimuh Khopna Om

[Zomi Community Network]

Zomi a Kuama Peuh,

June kha 25, 2011 ni sunnung nai 1:00-4:00pm sung GZA Central Committee Member a om thei teng (Dr. Pau Khan En, Dr. Gin Khan Khual, Dr. Do Suan Mung leh Dr. Chin Do Kham) in Committee 15 sung aa mapang ding aa a kiseh sungpan Yangon khuasung aa om thei teng tawh kimuh khopna nei uh hi. Tua sung ah mimal 28 hong kihel thei uh aa, Central Committee member 4 te tungpan Global Zomi Alliance ii ngimna leh tupna te a tom in genna a neih khit uh ciang in, local committee member te tungpan in zong ngaihsut dan pulak na nei uh hi. Holim na hun man ciang in innteek ahi Dr. Do Suan Mung te sang Faith Baptist Theological Seminary pan in an leh tui hong vak uh hi. 

Tua madeuh June kha kipat lam in Dr. Do Suan Mung in Tedim aa om Standing Committee member te tawh holim na hun nuamtak va zangthei aa, meeting kah mimal ten zong thangah in lawp thei mahmah cih thu kiza hi. 

June 28 nitak in zong Dr. Pau Khan En leh Dr. Chin Do Kham omtheih hunsung ci in Singapore aa om pa Pau Za Mung te inn ah Zomi makai pawlkhat tawh holim na hun nuamtak vazang thei uh hi.

A sawtlo in Dr. Gin Khan Khual leh Bishop Felix Lian Khen Thang te'n makaih in Kawlpi aa om Standing Committee member teng tawh kimuh khopna omding hi. Mun tuam gam tuam aa om Standing Committee ding a akiseh te a banban aa a ki contact laitak hi aa, a sawtlo in Standing Committee 15 sung aa om member teng ii list zong hong ki taangko ding hi.     

A nungta Pasian bulphuh aa, Zomi khempeuh ki pumkhat nading leh a bucing khantoh nading ngimna tawh ih kalsuan na te ah ih pa Pasian in thupha hong pia aa na lian tampi ih sepkhiat zawh nading in thungetna tawh ih omna ciat pan mapang khawm ni. 

Yangon aa meeting kah thei teng ii group photo na en in. Lungdam.


Chin Do Kham
GeneralSecretary
Global Zomi Alliance

 

Photo Sitting left to right,
Rev. Khoi Lam Thang, Rev. Smith Ngulh Za Thawng, Rev.Dr. Go Chin Zam, Rev.Dr. Gin Khan Khual, Rev. Dr. Simon Pau Khan En, Rev. Dr. Chin Do Kham, Rev. Dr. Do Suan Mung, Dr. C Thang Za Tuan, Dr. Gin En Cin, Rev. Suak Za Go, Rev. Dr. Dam Khaw Nang.

Standing left to right,
Rev. Ngul Cin Thang, Rev. Dr. Mang Do Thang, Sia Neng Hau, Sia Vial Khan Mang, Sia Cin Khan Lian, Rev. Suan Za Pau, Sia Thang Khan Tuang, Sitni Kam Khan Dim, Sia Pau Lian Mang, Rev. Go Lian Sum, Sia Kap Khen Pau, Sia Suan Za Lian, Steven Gin Lal Mang, Tg. Zam Dong, Tg. Chin Suan Kap, Steven Cin Za Khai, Sia Do Khan Khup.