Zomi Innkuan USA 2011 Khawmpi Lawhcing

[Zomi Community Network]

Zomi Innkuan USA, Inc.

ZOMI COMMUNITY USA

Oklahoma, Florida, Washington DC, Illinois, Texas, Ohio, Oregon, Iowa, Indiana, Utah, Georgia, Arizona, Missouri, Kansas, Michigan, New York, W. Virginia, Pennsylvania

 

2011 Kumcin Khawmpi

Atlanta, Georgia, U.S.A.

 

THUPULAKNA

 

1.      Zomi Innkuan USA (ZIUSA) kipawlna, 2011 Kumcin Khawmpi pen Ngeina Dante zui-in, July 2~3, 2011 ni (July 4th Week-end) sung tengin, Atlanta Zomi Innkuan kipawlna innteekna tawh, Georgia State, Atlanta khuapi, Clarkston Community Hall leh Zomi Laizom Christian Fellowship biak-inn ah lawhcing takin kibawl zo hi.

 

2.      Khawmpi ah ZIUSA kipawlna sung a kihel Zomi Innkuan kipawlna (12) panin Makaite leh Tangmite hong kah uh a, Zomi Innkuan kipawlna (5) in Khawmpi thukimpihna thu hong puak hi. Zomi Innkuan kipawlna a om nailohna mun tuamtuam panin zong muan leh suan Zomi makaite hong kahthei uhhi. Khawmpi sung a thu kikupna hun sung khempeuh ah thu kum thei mimal vekpi (70) val kiphaden a, US gam sung mun tuamtuam panin zin leh leeng mimal (50) val hong kah hi. US gam sung a om Zomi-te tangthu ah Zomi thukum thei mimal atam pen kikaikhawm a, thu kikupna a lianpen dingin kiciamteh hi.

 

3.      Innteek Atlanta Zomi Innkuan kipawlna Makaite leh Pawlmite, khuanu khuapate, nungak tangvaalte in zin leh leengte leh Khawmpi akah mimal khempeuh, Khawmpi hun sung teng annek tuidawn kicing takin hong vaak uh a, zin tunna ding kician takin hong vaihawmsak uhhi.

 

4.      Khawmpi sung ah anuai a thulupite tawh kisai thute kicing takin kikupna kibawl hi.

• Zomi Innkuan USA kipawlna dinmun etkikna leh mailam kalsuan ding mabante
• US gam sung a om Zomi-te dinmun sittelna leh Zomi-te khantohna ding thute
• US gam sung a Zomi-te donghu vai
• Kawl gam sung a om Zomi-te tawh kisai thute
• Kipawlna Khawmpi bawl dan ding leh US gam sung a om Zomi-te kikaihkhopna ding vai
• Thu tuamtuam

 

5.      ZIUSA kipawlna dinmun etkikna sung ah thahatna leh thanemnate kisittel a, kipawlna tha sanpha in, thahatna leh pankhopna tungtawn in maban kalsuan theih ding thute kikupna kibawl hi. Khawmpi akah mipi in a lunggulh mailam kalsuan ding mabante pen a kiteelthak Executive Committee in ma ahong patna dingun thu kipia a, thu kingetsak hi.

 

6.      US gam sung a om Zomi-te dinmun sittelna panin biakna vai leh minam vai kikaal thute, kampau leh khuapau abulphuh kipawlnate thu, pianna khamkhua abulphuh kipawlnate thu, gam ki-ukna tawh kisai kipawlnate (Political Parties) thute tawh kisai Zomi-te sandan namkim kisungkhawm hi. Zomi Innkuan USA kipawlna in Zomi-te minam khat, si khat sa khat, sanggam unau laizom khat hihna a siksan ahih bangin, US gam sung a om Zomi khempeuh in biakna leh upna, kampau leh khuapau, beh leh phung, pianna khua leh tui, gam ki-ukna thumeilet leh sandan, nasep silbawlna cihte tawh kideidanlo a, Zomi taangpi taangta khempeuh huamkim in, KI-ITNA leh kikhualna tawh kipawlsiam zawhna dingin hanciam dingin kilunggulh hi.

 

7.      Donghu vai tawh kisai in, US gam leitang tung ah sihna atuak, luangman (Life Insurance) aneilo, a luangpham ding leh a vui ding kipawlna kician khatpeuh ahihkei leh, pawlpi thahat khatpeuh aneilo, Zomi khat peuhpeuh pen ZIUSA kipawlna in ahi theizah in a luangpham in vuibawl dingin kikhensat hi.

 

8.      Kawl gam sung a om Zomi-te panpihna ding thu kikupna sung ah, A (6) Veina ZOFA Cup bawlung kidemna panpih dingin kithukim hi. ZOFA makaite in ahong ngetna tungtawn in, 2011 kum sung a kibawl ding ZOFA Cup bawlung kidemna ah sum bei ding vekpi Ks. 1,000,000.00 (Kyat Lakh 10 or One Million Kyats) pen ZIUSA kipawlna min tawh sik dingin kikhensat hi.

 

9.      ZIUSA kipawlna a thahatna dingin Fund kisam mahmah ahih manin, tu Khawmpi panin thathak san-a, pankhop dingin Khawmpi Chairman in mipi hong to/zawn a, Khawmpi akah mipi sung panmah in Fund a kikaihkhop (Fund Raise) ciangin $3,510.00 kingah hi.

 

10.  Thu tuamtuam kikupna sung pan, mailam hun ah ZIUSA Kumcin Khawmpi pen thu leh la a kipan, pawi tuamtuam, kimawlna tuamtuam ban-ah, gam leh minam vai holimna hunte dongin bukin takin bawl zawhna ding, a kisam Budget ding geelkhol in, lampi tuamtuam pan zong a, kiging sa in neih ding cih thute kicing takin kikupna kinei a, Makaite in ahong vaanna dingun thu kipia hi.

 

11.  Khawmpi sung ah Kiteelpi zong kibawl a, ZIUSA kipawlna 2011~2013 kum sung Executive Committee panmunlen dingin anuai a Makaipite a panmun uh tawh kituak in, kiteelkhia hi.

 

2011~2013 Executive Committee (Elected Officers)

Teelcing Makaipite

(i)             Pa Go Sawm Khup, Tulsa, OK                     : President

(ii)           Dr. Chin Do Kham, Jenks, OK                     : Vice President

(iii)          Dr. Do Khan Khup, NYC, NY                     : General Secretary

(iv)         Dr. Thuam Chin Khai, Syracuse, NY : Asst. General Secretary

(v)           Nu Ngai Zen Cing, Niagara Fall, NY : Treasurer

(vi)         Pa Thang Cin Pau, Columbus, OH                : Internal Auditor

(vii)        Pa Thang Suan Mang, Hollywood, FL           : Member

(viii)      Pa Thang Do Hang, Miami, FL                      : Member

(ix)         Pa Thang Suan Gin, Atlanta, GA                   : Member

 

12.  ZIUSA kipawlna mailam maban kalsualna ding vaite pen teelcing Executive Committee in ahun zui in hong taangko ding hi.

 

 

 

(Chin Do Kham, Dr.)

Chairman

2011 Kumcin Khawmpi