Malaysia Galtaite' nasep theihna ding vai Zuih ding leh Kidop ding thu (3)

[Zomi Community Network]

Malaysia ah tu laitak a minthang mahmah ahi (P6) program ahih kei leh "Amnasty" akici hotkhiat, suahtaksakna vai ah UNHCR pan in galtaimi ciaptehna a ngahkhinsa Galtaite a ding in theih huai mahmah thu i suut pha kikik nuam hi.

Tom kim tak in gen ding ci leng:

1. UNHCR Card neisa leh min khumsa khat nahih nak leh suakta tak a nasep theihna bawl nai kei in

 

UNHCR Card ngah khinsa hi napi in Passport vai, Kumpi leh Company Bosste, Puaisa (Agent) te tungtawn in nasep theihna bawl loh ding UNHCR in hong gengen khinzo hi. Tua kawmkal ah a bawl teitei te pen Zumpi lam pan in galtai hihna ciaptehna pan in UNHCR min tawh mailam hunte ah panpihna ki pia nawlo ding hi. Panpihna leh ciaptehna pia lo icih ciang in, gamthumna pai zong kul nawnlo, Zumpi lam pan in zong ki vaihawm sak nawnlo ding cihna hi mai hi.

2. Suakta tak in nasep theihna in hong kembit, humcip zo tuanlo ding hi

Malaysia i thukhunpi leh thubulphuhpi sung ah illegal worker, migrant worker te huhna, kepbitna (protection) pia ding cihbang omlo ahih man in, sum bei in a bawl teiteite amau leh amau tuisa kibuak suak ahih man in mailam hun ah kuamah mawhsak theih hilo ding hi.

UNHCR i ciaptehna sung ah galtai mi kician khat hi khin gige napi in sum deihman leh, lauthawng sakna tawh puaisa (agent) te in Boss (nasepna pute) tawh kiho sim/ siam in sum bei theih na ding, sum hong nget leh UNHCR tung ah zong kiko thei  hi.

3. UNHCR i makaihna leh lamlahna ngak bawl in, dotbawl den in

UNHCR in ama mite, akpi in a tate a huai bit mah bang in hong huai nuam in, kumpi la, a diakdiak Palik te tawh hong kiho sak in, galtai mite hong panpihna sung ah amau deihloh thu khat leh nih, amau lehpannate a bawllo ding in galtai mimal khempeuh pilvang ciat ding kisam hi.