Kong it Group member te,
                                Gentehna leh a om takpi thu khat! Nungak khat in, Kawlgam pan in, Parcel tawh Malaysia ah ong tung in, a lawmpa pen, U.S tungkhin-in, a tun' zawh bang, a kumkhua-a sawt khin hi. Citciat khollo khat ah, a lawmpa'n UN te kiang ah zinei nailo-a na' ten hi. Tua dan hi leh, hih nungak nu'n bang hih huai hiam? Bangcileh, a lawmpa kiang ah tung thei mengmeng pen ding a'i hiam? Hehpihna tawh nong Explain ding kong thum hi.
                                 Thanks in advance

Views: 81

Replies to This Discussion

Hih tawh kisai pen kuppihna neih na ding ah a nuai a teng theih ding kisam kha ding hi.

1. Hih nupa tegeel a ki-it takpi, akingai takpi mah hiam cih hi masa ding hi.
-Zomi tampi in US/ Gamdang tun theihna ding hi peuhleh ci in nupalo nupa dan in a gen a om mahbang in, nupalo, sanggam khat na tawm zi leh pasal dan mah in a lut om a US bel tung thei mah ding hi. Ahih hang in a sawtsawt ciang a ding in hoih masa khollo hi. Tua ahih man in UN/ US sangin nupa suahna, ki-itna No. 1, ah koih zawk ding kisam kha ding hi.

2. A zom ngaihsut ding ah tua nungaknu in UN a ngah khin nai hiam cih dotna ahi hi.
-UN a ngah nailo bang hi leh lem zaw lai kha ding hi. Bang hang hiam ci leh tua nungaknu in alut in pasal nei bang in ana ten kha hi zenzen leh, a lawmpa in zinei in a ten loh tawh kileh bulh bek thamlo in, a lawmpa vai a buai ban ah, ama vai zong vaipi khat hi lai ding ahih man hi.
Ahih hang a zenzen in tua nungaknu in pasal nei in ten nailo or UN ngah nailo ahih leh hoih zaw hi.

3. Tua nungaknu in UN ngah nailo ahih leh a lawmpa ding in UN zum ah "zi nei ta ingh ei..." cih theihsakna leh ngetna kisam hi.
-Tua tangvalpa in a beisa kum 2/3/4 hun lai pawl in zi nei nailo mah hi, ahih hang in tun neita ahih man in UN zum ah "zi nei ta igh" ci-in zasak in, theihsakna pia leh tua zawh kum 1 khit ciang a process dangte kipan thei ding hi. Tua pen UN tungtawn zong hi thei ahih kei leh Embassy tungtawn in zong hi thei hi. Embassy tungtawn ahih leh Visa 92/93 tepawl ding ahi hi. "Visa 92/93" tawh ahih leh UN ngah masak kul selo in, UN card ngah lo in zong gamdang kipai thei hi. Visa 92/93 icih pen US genna bek hi.

Tua ahih man in hih nupa thak ding tegeel' vai ah a lawmpa koi gam ah om, kum bang zah om khin, a lawmnu in UN ngah khin maw, bang ciang tung etc. tung ah kinga hi. Idea pawl khat leh geelna ding ah phatuam ding in i lamen hi. Akisam leh kikup nopte suakta tak in kikum toto ni. Lungdam.
Hello ZIRC,
Lungdam, na hong laithukna tungtawn in. Dotnop khat nei behbeh lai ing. Visa 92/93 tawh US Embassy ah a lutciang in, tua Nungaknu in, bang Documents teng a kisam kha tam? A Lawmpa, US pan ong ciah in, hih teng(Malaysia) ah kitenna man(photo) khawng a kilak ding uh, a kisam kha ding hiam? Nungaknu leh a Pasal pen, innlam pan in, a ki awi takpi leh a nih un,a lungkim' takpi ciangbek in, pi' na, a ki nei uh a hihi.
LungDam SawnSawn
A thupi pen ah, nupa ahihna kiciantak, kicing tak in lah theih ding kisam hi. Tua ahih man in nupa hi takpi maw, hi takpilo cih pen USCIS/ DHS i nasep pi hong hi ding ahih man in tua lawmta (nupate) nupa takpi ahihna pen kan cihtak in ong kan ding hi. Evidence tuamtuam zong lah theih ding kigin kul hi. Tua te lak ah photo ki zaihna cih te, sum khakna cih te, address, veng lem pam etc. cih bang zong hi thei hi.
Visa 92/93 akicihna a hang pen Visa 92 pen Gambelsiau (Asylee) te a ding hi a, Visa 93 pen Galtai (Refugee) te a ding ahi hi.

Malaysia, Thai, India mun khat pan US a tungte i zat (siauh ding) ding pen Visa 93 ahi hi.

Visa 92 leh 93 leh Refugee in UNHCR ah lut pen a ngeina refugee te mah tawh a kibang phial in hamphatna a ngah uh ahi hi. A ki lamdang ah bel Visa 92/93 te in OPE kantan kul seselo uh hi. Tua ban ah refugee hi ungh cih masak se kullo hi. Cih nopna ah Principal applicant (petitioner) pen US ah om a, a sap ding a lawmnu/ lawmpa/ ta (kum 18 nuai siah) pen Kawlgam ah zong om hi thei, gam nihna (country of asylum) ah a om (Malaysia/ Thai/ India) ah zong hi thei, US gam sung mahmah ah zong lah hi thei veve hi.

UNHCR pan in bem tawh kipat tawh akibatloh man in, refugee khat in sawt a ngak pen ahi RSD (Refugee Status Determination) ahih kei leh, Refugee tatak hi maw, hilo cih sittelna kantan kulselo in, a tunglam ah kah suak thei hi. Tua ahih man in Visa 92/93 tawh innkuanpihte a sam dingte in IOM (khualzinna) Vanleng saap man (air ticket) leh Medical exam fee amau leh amau a piak uh kul hi. Refugee min tawh UNHCR tungtawn a pai te in ahih leh vanleng saap sum tawh lei masak kul selo in IOM in vaihawm pih uh a, sum leibat tawh vanlengsaap leisak uh in, medical exam zong free mah in ki bawl sak hi.

Tua ban ah theih ding a thupi mahmah khat ah Visa 92/93 tawh innkuan pih khat peuh a samnuamte in tua a innkuanpih tawh ama kizopna (family relationship) pen, US a tung khin Refugee/ Asylee pa in gamthumna a tunma hi kha hamtang ding hi.

Gentehna in 2008 kum in US a tung pasal khat in a lawmnu pen Visa 92/93 tawh a sap nop leh amau geel i kiteen hun pen 2008 ma ahih limlim kul hi. 2008 ma in aki teng khin, refugee a ngahma, asylee US ah a ngahma limlim in akiteng khin uh ahih kul hi. Tua ahih kei leh pen UNHCR tawn in DS (Derivative status) akici Family Inclusion (Innkuan khumna) sung ah a pai kul a, RSD, OPE, DHS, IOM a ban ban mah in a kah toh ngekngek kul thei kha ding hi.

Family (Innkuan)= Pasal ahih kei leh Zi ahih kei leh Tate (kum 18 nuai siah) ahih kei leh nutek, patek cihna ahi hi. Kum 18 tungsah tate leh sanggamte kihel theilo hi.
Lungdam mahmah ei! U Sian Pu
Lungdam mahmah ei! ZIRC

RSS

© 2024   Created by Zomi Community Network.   Powered by

Badges  |  Report an Issue  |  Terms of Service