Zomi te refugee ki piangnuam, hoih zaw maw, hoih lo zaw?

[Chin Kim]

Tu hun ciang in leh Zomi te mun tuamtuam ah ki tung ta hi.

Tunai gam dang tungte i muh ciang a tam zaw pen Refugee vai tawh a tung na hi zaw tawh kibang hi. Tua hi leh refugee piang ding hoih mo, hoih lo?

 

Zomi leh Zogam a it tampi te in Zogam paisan kei ni ci a, tua la i sak sak kawm mah in, Zogam tawh aki gamlatna lam ki zuan tektek hi. Mimal in bang cih i ngaihsut diam aw? Ngaihsutna hoih te kikum thei leng zaw manpha tak ding hi.

[MC Khaipu]

Kei muhna pan in

I gam ah' nuntakna ding hamsa mah mah hi, i veng i pam, i khuapihte khat gam dang hong tung ciang. A innkuante nuntakna zong hong kikhelpah hi. I innsung sum leh pai muhna nuam hi leh ki sam tuanlo hi. Ta man in a kua mah peuh ki lunglut hi.

Zogam it ing ci'n i Zogam ah nuntakna ding sum leh pai muzo kei leng bang cih mawk ding i hiam? Mun dang gamdang khat ah i om hang hang, i Zogam a ki mangniglh tuan dingte hi lo hi. Zangkong khong ah zong Zomite ki tam mah mah hi, Delhi khuapi ah zong Zomite ki tam mah mah ta hi. A maute zong a nek muhna hang un a om uh hi lel hi, Zogam a khua leh tui mangngilh liangte bel thei khang in, sum leh pai zong in i gam taisan photni. Nuntakna ding khop sum leh pai i muh zo ciang i gam ah ciah kik ni in, i gam zuun ni.

[do sawm kim]

Refugee vai tawh kisai in ci leng,eimi sungah zong gamdang ut in refugee alut tampi mah aom mah bangin refugee taktak zong omhi cih theihuai sa ing.Gamdang paizong pen ahoih mah hi,kawlgam a Phakan,Maishue khawng a sum zong in,No4,zu,ahikei leh natna tuam tuam genteh na-Malaria,HIV cih te tawh i sih sang in hoih zaw tham hi.EImi tampi mah hih teng tawh sikhin hi hanga,khang thak te in,i muhna a sangding kisam mahmah ta hi.gamdang i tunhang in i gam ,i lei itlona hilo a,gamdang tungten sumtha,pilna tha tawh na tampi mah hong semzo bek hi.ataktak in ci leng gamdang a om teng in hahkat mahmah in,sum leh pilna tampi hong zong in,gam leh minam,Pasian a ding hong pia khia in nasem tek le hang,mi i batkei zong in,i lungleng loding hi.I omna tek ,i sep na tek a Pasian mah zatak in,hanciam tek in,i mipi ading,leh i gam ading sem ciak leng,i gam nibang hong tang ding hi.

[Zomi Community Network]

Zogam it ingh ci in tai san tektek aci lahom, pawl khat in lah Zomi leh Zogam it ihih man in i puah zawh na ding in i gamsung omsa (resources) tawh ki zolo ahih man in gamdang pai khia in tua pan in i gam puah ding cih ngaihsutna zong lah om. A tatak in a hih tuaktuak vive hi sa ingh. I gam i puah nuam zong in i gamsung ah kua mah om kei leh ki puah theih tuanlo, puaktak lo suak ding a, tua tawh kizui mah in gamsung vive ah om khin leng sum leh paai, i gam hong puah ding pen i gamsung sumlut, khasum tawh hi zolo ahih man in, gampua sumlut mah tawh i puah ding kisam hi. Tua ahih man in Zogam sung ah a om lai mah zong a om ding thupi a, gamdang pai in pilna, siamna, sum leh paai a zong khia mah zong a om ding thupi hi. Pasian' hong piakna leh ama ong koih dandan mah in a piang ahi zaw hi.