Zomi leh Zogam itzia a tuamtuam

[Tg. Thangno]

A masa in Zomi khatkimciat in Zomi leh Zogam ki-it kim ciat hi. Sum leh paai, neih leh lamh kinei kim lo a hih man in i-it na te kilangkim lo hi. I-it zia leh i kipiakkhiat zia zong khat leh khat kibangkim lo hi. 

Mi khat in Zogam/mi ka it ci leh pawlkhat in "Zogam/mi ka it ci bangmah lah seem ngeei lo" cihdan in kam kipau thei ciat hi.

Gentehna:

• Zomi galkap lam te-in "Tuanu, Tuapa in Zogam/mi ka it ci napi- a galkap te lah huhlo" ci
• Political lam te-in "Tuanu, Tuapa in Zogam/mi ka it ci napi- a political lam kinlo" ci
• Information Technology lam te-in "Tuanu, Tuapa in Zogam/mi ka it ci napi- a mipih te' website ah lah hawhngeilo, Services man ding zong hongpiak pihlo" ci
• Pasian thu taangko lam te-in "Tuanu, Tuapa in Zogam/mi ka it ci napi- cimawh, meigong-daaipaam te lah huh ngeilo" ci
• Sangsia lam te(sanglam te) in "Tuanu, Tuapa in Zogam/mi ka it ci napi- a khankhiatna a sang ah huhna zong pia ngeilo" ci
• Lasa lam te-in "Tuanu, Tuapa in Zogam/mi ka it ci napi- Zola Album khat zong leingeilo" ci
• Adang tuamtuam...

cih bang in Zomi (net tuamtuam) sung ah pauna zong omthei hi.

 

Bangmah sepzawh i nei kei zong in Zomi/Zogam i-it ding nambat khat ah a thupi pen hi. Tua bang in i-it na pan in sum leh paai themthem i neih teh eima kivakna, i lunggulhna ciat ah huhna a kipianuam hizaw hi. 

 

Zomi leh Zogam sung ah i kitaangsap khatbek hilo a hihman in eima kivak na. eima uukna lam ciat ah i septheih a om leh sepding a hihi. I septheih- i bawltheih, i huh theih-i panpih theih a om naikei leh zong "Zomi ka it" i cih limlim pen a thupi penpen kammal in ka ngaihsun hi.

 

Cina ngeilo khat in cina te hehpih thei lo a, Dongtuak ngeilo khatin- dongtuakmi te hehpih lo uhhi.

Tua a hihman in cina ngeilo te in cina te a hehpih kei leh a lamdang hilo a, 

Cina ngei khat in cina khat hehpih lo-in om theilo hi. Zomi sung ah zong political lam uuk te in political lam mah ah ma hongpang lel ding a, IT lam uuk te in IT lam mah ah ma hongpang lel ding hi.

 

Mikhat i Zomi leh Zogam a itna pen nang/ei kamtam theih omlo hi. Bangmah sepzawh a/i nei nai kei zong in i-it limlim pen a nu-a pa a thasawm tapa/nu tawh ki tehkaak thei nai tuanlo hi.

 

i muhna ciat kaaikhawm dih niai....

[Taang Sianpu]

Zawl pen a gamla mun khat pan ki gal ngaih thei a, itna icih pen i omkhopciang bek a it hilo mah hi. A gal khat pan zong ki-it thei mah hi. Online ngaihno (online lover) natawm om thei sam h ven. Ahi zong in kiten taktak ding ahih leh bel online bek pen sim tak zo lodeuh tawh kibang maw :)