ZYA Makaite Cidam in Malaysia hong tung

[Taang Sianpu]

ZYA Makaite Cidam in Malaysia hong tung

Pasian geelsakna leh lamlahna tawh ZYA makaite August 13, 2011, nitak nai 10:00 in Kuala Lumpur, Malaysia hong tung ta uh hi.

Kawlpi, Zogam pan in Singapore lam tawn in Malaysia ah Zomi-te tawh kithuah ding leh, Zomi leh Zogam aa ding in ma pan khop theih na ding lunggulhna tawh hong pai makai teng (3) cidam in hong tung thei ta uh hi.

Sia teng thum pen i gam a zat ding, a diakdiak in Zomi sung Sisan hopsawnna tawh kivai in akisam van zat leh zum vai ding tawh kisai in mapan khop theih na ding in (fund raise) in hong pai uh ahi uh hi.

I minam a ding in khat leh khat khut kilen in mapan khop theih na ding lunggulh pi in nei a hong pai ahih mah bang un, Malaysia a om Zomi a kuamah peuh tawh thu kiza, kikum khawm ding lunggulh mahmah uh hi.

Mindam leh Gam a ding in a kipia khia Zomi Khangno Kipawlna makaite tawh kiho khopna leh, hun ngah khop nopna i neih leh Sia Pauno Phone: [phone] kihopih thei hi.

Tu laitak in ZCF (Canaan Sia Innpi) ah tung uh hi. Pawlpi tuamtuam leh, kimuhkhopna tuamtuamte ah zong hong vaknuam uh ahih hang Malaysia hong paiciil uh ahih man in, mapanpihna, vai vanpihna, vaksuk vak toh ah kithuhpihna kisam ding uh ahih man in, ahi thei zah in, i hun leh, thatang, sum leh paai leh thu leh la tawh mapang khawm ciat ni.

Zomi Khangno Kipawlna ah (ZYA) i sep leh bawl vai pawl puak pawl khat zong internet website pan in et theih ding in om hi.

http://www.zomiyouth.org/

Siate hong zin sung in amau nasepnate thapia in, vaihawm khawm i, ma panpih ciat ni.

Sia Pauno Phone: [phone] ah kizop thei ta hi