ZIUSA : Zolai Taangkona - thugenna kibawl ding

[Zomi Center]

Zomi Innkuan USA

Oklahoma, Florida, Washington DC, Illinois, Texas, Ohio, Oregon, Iowa, Indiana, Utah, Georgia,

Arizona, Missouri, Kansas, Michigan, New York, W. Virginia, Pennsylvania, Nebraska, California, Colorado, Washington, North Carolina

 

Zolai Taangkona

 

Zomi Innkuan USA kipawlna vaihawmna leh Zomi Innkuan Oklahoma kipawlna inteekna tawh anuai a hun-geelna bangin “Zolai Taangko” (Zolai/Zomi Literature Campaign) thugenna kibawl ding hi.

 

A Ni                : December 21, 2012 (Friday)

A Hun             : Nitak nai 6:30PM (CST)

A Mun            : Fellowship Hall, Full Gospel Assembly, Tulsa, Oklahoma, USA

Online             : UStream Video tawnin Live Webcast kisuaksak ding hi.

 

Zolai Taangkona sung ah thugenpi dingin Pu Pau Lian Mang, Ph.D. (Candidate), Yale University a kicial ahi hi. Pu Pau Lian Mang (Sia Mangno) in Zolai a thupi’tna, a manpha’tna thute hong suutkhia ding a, Zolai gelh zia tawh kisai thupatna (Introduction) thugenna khatzong hong nei ding hi.

 

Zolai Taangkona pen Tulsa khuapi a om, Zomi thu-um mite neihsa, Full Gospel Assembly biak-inn ah a kibawl ding hi a, mun leh mual ban-ah Internet Service a kipan vanzat khempeuh ahong phal Pawlpikem Siapite, Siate, Pawlpi Upate, Pawlmi khempeuh tung kilungdam mahmah hi.

 

Zolai Taangkona thu angai ding, akum dingin khuanu khuapate, Pawlpikem Siapite, Sia leh Siamate, Zolai a it u leh nau leh gualte, nungak tangvalte khempeuh kisam hi. Adiak in Pawlpi sung hita leh, kipawlna khatpeuh sung hita leh, Computer Internet tawh kizopna ah hita leh, Zolai a zang laizom u leh nau khempeuh deihsakna tawh kizawn hi.

 

Zolai Taangkona pen Online ah Live Webcast in kisuaksak ding hi a, a hun ciangin a mun (Link) kipulak ding hi.

 

Tulsa khuapi leh akiim apaam a om, Zolai a it, Zolai tawh lai a gelh laizom u leh nau khempeuh itna tawh hong kizawn hi.

 

 

Executive Committee

Zomi Innkuan USA, Inc.

 

Tulsa, OK.

December 9, 2012