GCCF tawh kisai ZIS dinmun taangkona

[Zomi Center]

Zomi Innkuan (Singapore) dinmun taangkona

December 10, 2012

Athu: Global Chin Christian Fellowship in member ding zotna

 

Hih atung aa thulu tawh kisai in Global Chin Christian Fellowship (GCCF) pan General Secretary a seem Rev. Dr. Hla Aung (Pricipal, Chin Christian College) leh Rev Za Mang (Malaysia)tenih December 08, 2012 (Saturday) ni-in Singapore ongpai uh aa, GCCF’ ngimna, tupna, sepnopte ong genkhit ciang nasep khop ding, pawllut nopleh lutding ong zawn uhhi.

Hih ongzotna tawh kisai in December 09, 2012 (Sunday) ni-in Zomi Innkuan (Singapore) thukikupna kanei uh aa, anuai aa bangin dinmun pulaak ding kakhensat uhhi.

1.      Tutak Global Zomi Alliance (GZA) leh Global Chin Christian Fellowship(GCCF) cih kalsuanna namnih ihneih laitak, ei pen GZA tawh kalsuan ihihman in mun nih aa kihel ding akisapna omlohi ci-in kikhensat hi.

2.      GCCF inzong nasep khop ding lunggulhna a omleh hihbang in a neuneu kipawlna dungzui in ong dok, ong zawnlo in, Global Zomi Alliance tawh ong kizom aa na ong sepding uh hoih, ngaihsutna kipiahi.

3.      Minam (origin) kibang, tenna mun kibang, biakpiakzia kibang, nasep nop kibang, kung (goal) kibang, ong sawlpa (commander) kibang, sawlna (command/commission) kibang hinapi banghangin na semkhawm theilo, banghang in C(L) leh Z kikaakna lian semsem hiam cih kankhia masalo, thei masalo in nasepkhop ding (cooperation) piangtheilo ahihman in kikaakna ahang kankhiat masak ding lunggulhna zong kipulaak hi.

4.      Nasepkhop ding gelma in, khat leh khat kizahtaakna (mutual respect), kithupi simna (mutual regcognition), kisansiamna (mutual acceptance), ki-itna (agape) a omlam kilat khiat ding thupi masa zaw ahihman in, tua akilat nading hanciam masa zawni ci-in kipulaakhi. (Tua kilat nadingin adang takei leh mipi tul 70 val deihloh CNF te ong hemkhia masa un)

5.      Kikaakna (Lai leh Zomi) agol semsem na pen, ii kantansa tangthu tungtawn in ih leh etkik ciang, apualam gal (Kawl, Vai, Mangkang) sang in a sunglam pan hizaw ahihlam zong ZIS muhna kipulaakhi.

 

Zomi Innkuan (Singapore)