ZIUSA Palai Pawl leh CNF Central Committee Kimuhkhopna

[Zomi Center]

ZOMI INNKUAN USA, Inc.

ZOMI COMMUNITY USA

...............................................................................................................

Oklahoma, Florida, Washington DC, Illinois, Texas, Ohio, Oregon, Iowa, Indiana, Utah, Georgia, Arizona, Missouri, Kansas, Michigan, New York, Pennsylvania, Nebraska

 ............................................................................................................................................

Thu Pulakna 

ZIUSA Palai Pawl leh CNF Central Committee Kimuhkhopna

 

Chin National Front/Army (CNF/A) in Tedim  gamsung aom Zimpi leh Bukphil khua-te ah Base (Phual/Sakhan) hong phuh ding cih thu leh Tedim khuapi ah Liaison Office (Kizopna Zum) hong hon ding cih thu-te ah, Tedim, Tongzang, Cikha gamsung aom Zomite, Kawl gamsung aom Zomi-te leh Kawl gampua aom Zomi-te ki lunghimawh mahmah hi.

 

Zomi Innkuan USA(ZIUSA) Thukhunpi sung aom,  ZIUSA Ngimna Bulpi khat ahi “Zomi taanggpi taangta buppi tawh kisai phattuamna ding vaite pankhop theihna ding in Zomi Innkuan USA kipawlna kiphut hi” cih tawh kizui-in, hih Zomi tang’pi, tang’ta lunghihmawhna thu-te CNF tungah thusung, pulak khiat ding in, ZIUSA kipawlna sungah thuneihna sangpen anei ahi Zomi Innkuan USA Board of Directors (ZIUSA-Board) in Meeting Thukimna ki nei hi. ZIUSA-Board pen USA gamsung, amunmun aom Zomi Innkuan kipawlna (29) pan in kipawlna Tangmi-te (Representatives) leh ZIUSA Makaipi Pawl (Executive Committee) tawh akilam ahihi. ZIUSA-Board in, hih thusung, pulak khiat ding vai tawh kisai in Zomi Innkuan USA Executive Committee (ZIUSA-EC) in thu avaan ding leh thusung, pulakna anei ding ZIUSA Palai Pawl sehna a neih ding leh sawlna a neih ding in ap-na nei hi.

 

ZIUSA-EC sawlna tawh ZIUSA Palai Pawl in CNF Central Committee tawh Kimuhkhopna ( Meeting)

anuai-a Mun leh Hun te ah ki nei thei hi.

 

Kimuh Ni:            February 16, 2012 (Thursday) Kimuhna Khua:   Indianapolis, Indiana, USA Kimuh Hun:                      3:00 PM – 6:45 PM

Kimuhna Mun:     Meeting Room, Courtyard Indianapolis South (Marriot Hotel), 4650 Southport

Crossing  Drive, Indianapolis, Indiana 46237, USA

 

 

Kimuhkhopna (Meeting) ah akihel ZIUSA Palai Pawl:

 

1.   Dr. Chin Do Kham, Chairman, ZIUSA Palai Pawl; Vice President, ZIUSA

2.   Pu Go Sawm Khup, President, ZIUSA

3.   Pu Do Khan Khup, General Secretary, ZIUSA

4.   Rev. Vungh En Thang, Florida Zomi Innkuan (USA)

5.   Pu Ngo Cin Thawng, President, Zomi Innkuan DC

6.   Pu Nang Lam Thang, Vice- President, Tongzang Association, USA

 

(Note: ZIUSA Pawllai Pawl sungah Pu Kham Go Pau leh Major Thang Lian Thawng (Retired) te vai tuamtuam hang tawh hong kihel thei lo- a, Pu Nang Lam Thang hong tonpih Sia Siam Khaupe, ZCF, Iowa, hong kihel thei ahih manin lungdamna ki ciamteh hi).

 

Kimuhkhopna (Meeting) ah akihel CNF Central Committee Makai Pawl:

 

1.   Pu Zing Cung, Chairman, CNF; Secretary General, Central Committee, CNF

2.   Dr. Salai Ngun Cung Lian, Chairman, Central Judiciary Department, Central Committee, CNF

3.   Salai Daniel Sakhong, Foreign Affairs Department, Central Committee , CNF

4.   Salai Thla Hei, Foreign Affairs Department, Central Committee , CNF

5.   Pu Thang Nang Lian Thang, CNF SC

 

Kimuhkhopna (Meeting) nai (3) val hun sungah, ZIUSA Palai Pawl pan in thusungna ki nei masa-a, CNF lam pan in ZIUSA Palai Pawl thusunna tung ah dawng kikna, thu pulakna leh CNF/A leh Kawl Kumpi kikal Ceasefire agreement tawh kisai pulakna hong nei hi. Tua zom ah ZIUSA Palai Pawl leh CNF Central Committee Makai Pawl kikal dotna leh dawnna hun ki nei tek hi.

 

ZIUSA Palai Pawl in, CNF Central Committee tungah ZIUSA Palai Pawl akisawlna thu ahi CNF/A in Tedim  gamsung aom Zimpi leh Bukphil khua-te ah Base (Phual/Sakhan) hong phuh ding thu leh Tedim khuapi ah Liaison Office (Kizopna Zum) hong hon ding thute ah abeisa hun in CNF/A in Zomite pawlkhat hong thahna, hong bawlsiatna , akilawmlo in sum hong donna te hangin, CNF/A tungah Mipi lungsim

nalai mahmah ahih man in,  Tedim, Tongzang, Cikha gamsunga om Zomite, Kawl gamsung aom Zomi-te leh Kawl gampua aom Zomi-te in kideihlo, kithukimlo (kikankuat) ahihna thu leh Tedim, Tongzang, Cikha gamsung teng ah CNF/A Base (Phual/Sakhan) leh Liaison Office hon ding limlim kithukimlo (Kankuat) ahihna thu bulkiptak leh kiciantak in CNF Central Committee tungah thu kipulak, thu kisung thei ahih man in ZIUSA Palai Pawl in akisawlna thu ah lawhcing in ki ngaihsun hi.

 

Kimuhkhopna (Meeting) thu tawh kisai in, asawt lo in ZIUSA Palai Pawl Chairman Dr. Chin Do Kham leh ZIUSA President Pu Go Sawm Khup in ZIUSA Palai Pawl tangin Mipi tungah pulak ding akilawm thute leh Mipi tungah theihsak ding a kilawm thute pulakna hong nei ding uh hi.

 

ZIUSA Palai Pawl, CNF Central Committee in Indianapolis khuapi sunga om ansai thupi khat ah ni-tak an nekpihna hong nei uh ahih man in lungdamna ki ciamteh hi.

 

 

Information and Media Department                                                                   February 18, 2012

Zomi Innkuan USA, Inc. U.S.A.

 

Photo: ZIUSA Palai Pawl leh CNF Central Committee Kimuhkhopna akihel Makai-te

Back (L to R): Rev. Vungh En Thang, Pu Do Khan Khup, Salai Thla Hei, Salai Daniel Sakhong, Pu Nang Lam Thang

Front (L to R): Pu Ngo Cin Thawng, Dr. Chin Do Kham, Dr. Salai Ngun Cung Lian, Pu Thang Nang Lian Thang, Pu Zing Cung, Pu Go Sawm Khup

ZIUSA Palai Pawl leh CNF Central Committee Meeting Thu Pulakna.pdf