Thupulakna : LZI Kipawlna Kumcin Khawmpi leh Kiteelpi vai

[Zomi Center]

Leitungbup Zomi Innkuan Kipawlna (Zomi Communities Organization)
USA, Canada, UK, Denmark, Norway, Sweden, Germany, India, Singapore, Malaysia, New Zealand, Philippines, Korea

 

Thupulakna (Press Release)

 

A Thu             : 2012 Kumcin Khawmpi lawhcing takin kibawl zo, Kiteelpi kibawl ding

A Simna           : LZI/Press/EC-06; March 11, 2012

 

1.       Leitungbup Zomi Innkuan (LZI) Kipawlna, 2012 Kumcin Khawmpi pen March 10, 2012 (Saturday) ni in Zomi Innpi (General Assembly) in Teleconference zangin lawhcing takin bawl zo hi.

 

2.       LZI Kipawlna Zomi Innpi (General Assembly) sung ah LZI Kipawlna tawh a kizom, muntuam gamtuam a om Zomi Innkuan kipawlnate leh Zomi-te khua leh tui kipawlnate panin akah Tangmite (Representatives) leh LZI Kipawlna Executive Council sung a panmunlente akihel ahi hi.

 

3.       Kumcin Khawmpi sung ah abeisa kum (2) sung a LZI Kipawlna maban kalsuannate pulakna leh etkikna kibawl a, mailam maban kalsuanna ding kikupna tuamtuam kinei hi.

 

4.       LZI Kipawlna Thukhunpi tawh kituak in 2012~2014 kum sung LZI Kipawlna a makaih ding Executive Council (EC) panmunlen kiteelna (Kiteelpi) bawl ding vai tawh kisai kikupna zong kibawl hi.

Kiteelpi tawh kisai in anuai a bangin bawl ding kikhensat hi.

 

(i)             Thukhunpi leh Dante zui-in Kiteelpi abawl ding Kiteel Tanupawl (Election Commission) sung a mapang dingin anuai a Makaite kiseh hi.

 

LZI Election Commission 2012

·         Dr. Do Khan Khup	New York City, NY, USA	: Chairman
·         Pa Go Sawm Khup	Tulsa, OK, USA	: Member
·         Pa Anthony Gin Khan Lian	Frankfurt, Germany	: Member
·         Pa Hang Khan Lian	Singapore	: Member
·         Pa Khup Khan Suan	New Zealand	: Member

 

(ii)           LZI Kipawlna tawh a kizom, Zomi Innkuan kipawlna leh Zomi-te khua leh tui kipawlna khempeuh in Kiteelpi sung ah LZI Kipawlna EC panmunlen kiteelna atuh dingin Candidate (Kuanglui) dingte March 31, 2012 ni lap-in Kiteel Tanupawl tung ah puak thei ding hi.

 

(iii)          Kiteelpi pen Online Voting System zangin kibawl ding a, a masa LZI EC panmun (15) kiteelna pen April 9, 2012 (Monday) ni in kipan in, April 15, 2012 (Sunday) ni zankim (US-CDT) hun in kikhak ding hi. Aban panmun tuamtuam kiteelna pen Kiteel Tanupawl in hong taangko ding hi.

 

5.       Kiteel Tanupawl in Kiteelpi lawhcing takin a bawlkhit ciangin LZI Kipawlna Executive Council panmunlen alui leh athak panmun ki-apna leh thupha kipiakna kibawl ding hi.

 

 

Executive Committee

Leitungbup Zomi Innkuan Kipawlna

 

Tang’in;

 

Sd. xxx

(Go Sawm Khup, Pa)

Thuvaanpi

 

Tulsa, OK.

March 11, 2012