Political Campaign ah bangthu genleng vote kingah ding!

[Zomi Center]

Dear Political Campaign Bawlding te,

Politics tawh kisai campaign bawlnuam, vote ngah nading thugenna(speech) i piak ding le bangteng in mipi lungsim kaizawn zo pen hiam cih theih kul hi.

Gam khangtosa te bek ki engta ahih manin kuamah gamsungah lokuan singphuuk cihpeuh mah a ut khatzong ki om nonlo hi. Hibang hun pen Suang Hun (Stone Age) kici in, Zomi a tamzaw pen, gamdang ah i taai ngeingai na, hih Stone Age sungpan i suahtak nop hang ahi hi.

Tuhun ah gamkhangto sate bang ci nuntak cih pen theihkul a, genteh kul hi. I thugen ngiimna(goal) pen tulaitak a sipuazi hoih penpen USA te' economy khawng mah ngimkul hi. Midangte' party teng gen siasia leng mi tawh kihauh kul a, tuate sukkhak vetloh ding hoih hi. 

Hih ZNC party in bang teng sepsawm a, kei ading le katu katate ading bang ong sepsakthei ding hiam cih atel nuam uh ahi hi. Tua ahih manin, political campaign khat pepeuh ah tulaitak a Kawlgam  le ZNC constituency sung a nuntak zia ahak satdan gen kul hi. Bang hang hiam cihleh haksatna i tuah hangin tuahaksatna bang hiam, bang hangin ong piangkhia cih zong a theilo kitam mahmah lai hi. Tua khitteh ZNC in Chin State sungah makai ong ngahin hileh mipi bangzah in employment icih nasep kho ngahtheih nadingin bang company, industry le plantation cihte bangzah phuankhia ding cih genkul hi. Tua teng asum koi pan ong paiding a, bangzah in kimuan huai hiam cih gen tektek kul hi. Tuzawh kum 5 sung ah bang sepsawm a, tuzawh kum 10 ciang Zomi khempeuh motor deihlo te lobuang in motor bek tawh khuasung kivak zo ziahziah tading hi cih tepawl ngiimna neihkula genkhiat kul hi. Budget mi mawkmawk khat in khasum bangzah sang ding a, bang ciangah tawp ding cih le mipil master tung siah ngahte in khasum bangzah ciangsang thei ding cih ngimna zong gen huai hi. Democracy ahih taktak nakleh mikhat ai ding khasum a kithoh ngekngek hilel in patauh omlo lel hi. Mipil te zong a pilna uh le a min uh i piaknakleh Federal Government ahih keileh Central Government in ong thoh ngeingei kul hilel hi. Ahih hangin economist te in, nang tuazah ci a ong piapah hilo in nasep na tungtawn in tuateng ong hawmkik hi lel hi. 

American Government i Goals of Economy Policy cih hoih kasak khat ong gen ning. "To maintain a strong economy, the federal government seeks to accomplish three policy goals: stable prices, full employment, and economic growth. In addition to these three policy goals, the federal government has other objectives to maintain sound economic policy. These include low or stable interest rates, a balanced budget (or at least a budget with a reduced deficit from the previous budget), and a trade balance with other countries."

Hih na tel theih le zong i economy bangzah in hoih ding cih ki genthei nonlo hi. Hih zong nasim lai in. "Absolute full employment is impossible to achieve; at any given time, people are quitting their jobs or are unable to work for a variety of reasons. An unemployment rate, the percentage of the labor force that is out of work, of 4 percent or less is considered full employment." mi 100 khat lakah 4 sang a tawmzaw in nasep a neihloh hangin full employment mah in kiciamteh veve ding hi. Na sepneilo mi 4 sang a tamzawk aleh economy  a kiamkiam ki hipah hi cihte gen leng vote kingah pan ding hi. 

Education lamtawh zong mi ki kaizawn thei hi.  Leitung bup a zattheih ding in bang cih education system hoih gel ding cihte ahi zong genthei hi leng ong huh mahmah ding cih tua teng ong gen nuam ing. A zangthei khat peuh i om leh Pasian in mapai daupai lawhcinna ong pia ta hen!

Professor Dr David Ngin Sian Pau

The UN Refugee

Kuala Lumpur, Malaysia.

http://www.ciuac.org/MyCV.php