RM 30 (bek) tawh Malaysia ah Debit Card (ATM/ Visa) card bawl dingte May 23, 2011 ni bawl ding

Dear Innkuan pih teng,

Nung in Bank Card bawl ding a lunglutte in na min uh hong pia khin nahih man in lungdam hi. Pawl khat in email tawh, pawl khat in SMS tawh ahih man in na vek un na muh ding cih deihna tawh email tawh hong khak kik ingh.

Tutung a i bawl ding pen Hong Leong ban hi a, ATM ban ah, internet (online) pan van lei theihna, phone, top up bawl theihna, software lei theihna, gamdang ah sum khakna leh, sum khakte kaihkhopna, paypal account activatena etc. akingah ding, local Malaysia gammite' credit card lian mah bang in a functionality teng a kim ding, ebanking (online banking) and mobile banking om ding ahih man in thupi mahmah ding suak hi.

A lunglut a om lai leh biakpiakna pawlpite leh i kipawlna Newsletter te ah nana suaksak thei uh teh. Bank ah pai ngeingai ding in card bawl ding hilo zaw in, bank pan in nasemte hong pai ding hi zaw ahih man zingsang 9:30 peuhmah in ki muhna ding mun Petaling Jaya ah tun ding ahi hi.

Requirement (Bang teng kisam):

1. UNHCR Card (Original)
2. RM. 30
/ (bek)- hi. Nung in 40 hong ci kha ingh in, 40 hilozaw in, 30 hi zaw lai hi.

Theihding: UN zumpi lam pan in U Lian khat peuhmah in thukimpihna lai a thuh kul ahih man in, U Lian hong kihel theih na ding aki vaihawm laitak ahi hi.

Tua ahih man in a lungluteng in a pai na ding, a pai dan ding a thei nuamte in SMS hong khak un.
A pai ding eimi makai a om leh tuate tawh tonkhawm thei ding hi.

Refugee te a ding in computer a thei, a siamte in zong online pan in sum ngah theih na ding, sum khak theihna ding vaihawm theihna ding deihsakna tawh hong ki bawlsak ding ahi hi.

Galtaite' a ding in hih vai pen quality a hoih thei pen leh, sum a tawm bei thei pen ding vaihawmna hi a, sumbawlna ahih loh ban ah, deihsakna leh veina bulphuh in panpihna hi ding hi. Keima mimal min tawh zong hilo a, UN zum i makaihna lian ahihloh hang, Zumpi' theihpihna tawh a ki vaihawm ahih man in man in keima mimal min tawh (volunteer) kong panpih theihna a om leh hong theisak un.

Galtai gambelte' tung Malaysia ah i nisim nuntakna a noptuam theih na ding leh phattuamna, etlawmna, (dignity) a om theih na ding deihnasakna tak tawh,

Lungdam.


Sianpu
017-2257149
sianpu@zomi.net

Views: 62

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service