Rev. Mang Kam Tangthu

[Tg. Thangno]

WHO'S WHO IN SIYIN. No.15 

Revd. Mang Kam 

(G.78-21)

That Laang suan Khup Thang tu, Pu On Sing(G.78-20) leh Naklak tu Pi Awi Luan te ih ta lian bel hi a, 1 July 1901 kumin Thangnuai khua ahsuak hi. Mintap nei ngawl a, mun leh ngam tapin Mun - Mang kam ahi hi. Ama tawh unau (10)pha hi.

1.  Mang Kam
2.  Ciin Hau
3.  Hum Ko Cing
4.  Khup Ko Thang
5.  Ngul Cin Thang
6.  Suan Ngo
7.  Awi Za Dim
8.  Mang Ngin
9.  Dam Za Lian
10.  Khai Cingh

1906 kumin apu Hang Suan in a-u anaute tawh Christian suak ahi hangin Pu On Mang (G.78-20) in Sahang khat man luilam a, ainuam ahi kom"dawi" biakna sungah mang kam sim ngawl kile kik hi. Revd. Cope in thakhat in Rs.2/ tawh enin Khuasak mission sangah 1914-1919 sungteng Kawl lai tan 5 a zawk dong lai sin hi. 1925 kumin tan 7 ong hi. 1917 kumin Revd. Cope in Khuasak khuataw luipi ah tuiphum hi. 3.8.1919 kumin "The Chinhill Battalion Burma Military Police - Falam ah tum a, Coporal dong min le za nga man hi. 1921 kum ciangin Revd. Cope in tawpsakin 1922 dong Thongphila mission school ah sang sia leh thu hilsia seamsak hi. 1922 kum May tha in suangpi khua pan Pu Suan Lam leh Pi Hung Ngin te ih tanu Nu Kim

Ngoih tawh in Revd. Cope in thiangtho kiteenna neisak hi.

1923 kumin Mawlaik ah sangsia training pai hi. 1924 kumin Khuasak mission sangah sangsia

seam hi. 1925 kumin Tedim kumpi sangah sangsia seam hi. Boys Scout Movement zong Tedim

ah a pan masa phit bel ahi hi. Tedim ah sangsia  a sep sungin Sia Thang Ngin thasum pia a, Sukte

Gungal tengah Pathian na seamin paisak hi. (Bo Pau Cin (G.60-20)= Rs.5/- Revd. Cope= Rs.5/-, Sia Mang Kam = Rs.2/- Rev. Lian Zam (G.74-21) Tedim Pastor = Rs.2/-)

1929 kum ciangin Phunom kumpi sangah sang siapi hong nga to hi. Zomi (All Chin) sung

pan Head Master masa phit bel ahi hi. Pathian  nasep tawh zong thuah kawm hi. Revd. Thuam

Hang leh Revd. Lian Zam te tawh kopin 16.2.1934 kumin Khuano Baptist Church (Thangnuai,

Phunom, Zung, Vangte, Dimpi, Suangpi, Dimlo,Laibung, Tuisau, Tuivial, Pimpi, Tuizang,

Ngalzang) phuan hi. 1936-1938 Mualbeem khua ah sangsia a sepsungin Revd. Cope, Revd. Thuam Hang te tawh kopin Mualbeem Circle Baptist Church(Mualbeem, Paakzaang, Buan, Zaangzawl)

phuan hi. A phusa pawlpi tatuamte ah pawlpi keam  sia kisam mama ahi kom 1942 kumin kumpi

nasepna pan tawlnga hi. 10.3.1942 ciangin Chin Hill Christian khawmpi, Thuklai ah hunbit

Pathian naseam in hong ki-ap hi. Tua ni ma-in Falam ngam Khuangli bulphu-in, Khuadak, Saihmun, Bocung, Khuaphual, Congthu,Thlacing, Ngaizaang, Dihai, Khuangli, Inggal, Relsing, Suunthla, Hrangsawn, Khumhmun,Bualmin leh Cicai khuate ah Pathian na seam

hi. Mualbeem khawk leh Sukte ngunngal (Sia Thang Ngin paina teng) teng zong van hi.

16.6.1946 kumin Revd. Cope leh Revd.Nelson te lampuina tawh Tedim Sub-division khawmpi ah Sia Cin Kho Gin tawh Tuiphum sia,thiampi kipia hi.

1954 kum ZBC panmunlen kiteel cilna ah amasa phitbel ZBC sum kempi seam hi.

Hi bangin Tuiphum Pawlpi na phut hi. 1929 kumin Khuano Baptist Church (Khua 13), 1936 kumin Mualbeem Circle Baptist Church (Khua 4), 1945 kumin Vangte Baptist Church, 1946

kumin Khuangli Baptist Church (Khua-16), 1958 kumin Laibung Baptist Church.

Pathian na asep sungin nupaa kop 118 vufxyf hi. Burma Baptist Covention ih Sesqui-

centennial (kum 150 cin khawmpi ah) Kawlngambup khawmpi ah thuson (thuhill) thiam mi(5) ateelna sungah ama zong hong teelsak hi. 11.12.1946 ni-in Khuaphual hausapa in thatoa, ih kibuantu hi. Kong zo leh hong that tu khi hi. Kong lel leh la, ka khua thingin Christian hong suak tu khi hi, ci-in a kibuan leh Sia Mang Kam in thungetna tawh pang ahi kom zo hi.

Mihing 107 tua ni ziingin tuiphum pai hi. "Kapian zawh ka lungdam bel ni hi" ci-in ciamte hi.

23.9.1962 kumin ama in leitung nusia a, a it mama a zi in, 29.3.1981 ni-in leitung nusia hi.

Azi tawh ahin a tawite in a nuai a bang ahi hi.

1) Nu Luan Za Cin

2) Capt. Mang Kho Lian (Revd. Isaac ZenThawng, the first General Secretary of Tedim Baptist Convention ih apa hi.)

3) Pa Lam Hau

4) Sing Za Pau

5) Nu Ngin Za Dim

6) Sm. Thian Hung

7) Sm. Hau Nuam.

Note: Revd. Mang Kam min tawh in Tedim Association of Baptist te in 15-18 March

06 sungteng Tedim Christian Centenial ci-in Thangnuai khua ah poipi khamtu ahina, angtanpuina toh ama thu kong atuh hi.

SRBA record pan kitom lak hi.

*TO DAY SIYIN laihawm No.15 pan kila kik ahihi.

Note: Sihzang pau na telkei leh natellohna mun nongdongthei hi.