DAHPIHNA: Gamthumna len'madeuh innkuan tuahsiatna tuak

[Zomi Center]

Malaysia gam Klang veng a om Pa Dal Za Khup (Joseph) in April 11, 2012 7:30 PM in (Ngalbual Khua, Suante Beh) mawtaw in taih kha in tuahsia a, vangam hong zuat san pah hi. A innkuan un lampi tung ah a pai laitak uh hi a a zi, Cingpi leh a tate kum nih gual apeng nih tawh a om uh ahi hi. A innkuan un mawtaw in taih kha a a zi zong gam mahmah in zatopi khat ahi Sunggai Buloh ah kipuak suak hi. A tano khat ahih leh zato tuak zo ta hi.

Hih bang tuahsiatna tawh mual hong liam san Zomi Malaysia ah tampi om khin zo in, ki dah mahmah ciat hi.

Pa Dal te innkuan pen USA gam ah April 18, 2012 in a pai ta ding in a sehsa hi a, gamdang pai ding a tha lawp mahmah laitak un hih bang tuahsiatna hong tuak vat tak ciang in mipi in ki dahpih mahmah ciat hi. Hong nusia Joseph Dal Khup hi ta leh, liamna gim tawh zato a lum Nu Cingpi leh a tano khat a ding in thungetna ah a kuamah peuh in phawk ciat ding ahi hi.

Mihing nuntakna pen eima khut sung ah a omlo ahihna leh mailam ah kidop siam ding leh, lauhuaina tampi a om lam zong mipi hong phawk thak sak suak hi.

A nungta lai a innkuan pih teng a manlang thei pen in cidam in gam thuma hong tun theih nading un thungetna tawh ma pang khawm ciat ni.