Bersih 2.0 leh Gamdangmi, Galtai gambelte' (Refugee te) mailam

Hi mah ta leh a mat thuakte pen lau kingkeng hetlo lel uh a, paulap a om thei zaw lai ding in, sawt zaw deuh bang mancip le uh ut lai mawk uh hi. Bersih 2.0 akici, siansuahna leh siansakna lungphona a nei, NGO (62) pan pan mipil, misiamte i hanciamna tungtawn in KL khuasung ki buai khengkhang mahmah hi. Tua sung ah mimal (1500) val kiman hi. A kikha kik zong hong om toto ding a, a ki mat beh zong hong ki behlap toto kha lai ding hi.

 

Party khat bek bulphuh ahilo, NGO leh Kipawlna nam khat bek hailo, minam khat bek ahilo, Malay, Indian, Chinese (Islam, Christian & Hindu/ Buddhist) tengkihel kipawlna a lian, Malaysia a ding in a vekpi phial ahi NGO 62 teng kipawlna sung ah Bar Council, Suaram, Tenaganita te cih bang, a mimal in ci lengKawlgam refugee te hong nak panpih mahmah Irene Fernandez, Tamme Lee cihte a kipan a makaipi ahi uh hi.

Human Rights tawh kisai Refugee te a ding in nakpi tak in hong panpih gige den hih NGO (62) sung ah Bar Council te a kipan, UNHCR tawh kizom mi mawkmawklotampi i makaihna ahih man in kumpi' tung ah a deih uh gen zo kisa mahmah uh a, tu a pen a akipatna hi pan hi cih na tawm a gen om lai hi.
Malaysia- Australia Deal akici Srilankan galtaimi 800 val Malaysia ah hong leh puak ding in, Malaysia a refugee te kum (4) sung in mi (4000) a lak ding vai zong,a sian nailoh kawmkal ah tu a thu piang teng paulap kawm in, Malaysia kumpi kiteel kikna ding ah (reform) a om theih na ding a nak hanciam mahmah laitak uh
ahi hi. Tuni a vaipi tungtawn in a makaite in "Gualza hi hangh, i deihna ngah hi hangh..." ci uh hi.
Kawlgam suahtakna tatak a ngah ding a lamen leh a lunggulhte i tuni Malaysia thupiang tungpan in tampi tak etteh huai mahmah hi.
Mipil, misiam (educated professionals, lawyers, doctors) teng i makaih ding mah in om in a sepna uh picing mahmah hi. Kumpi langpang in kigen lo zaw uh a,kiteelna sung ah ki siansuahna, sum leh paai vai ah siansakna leh gam uk thak ding ah (transparency) a om theih na ding in hogn nak hanciam mahmah uh hi.
Tutung a Bersih 2.0 (a nih veina) makai sung ah zong UN lam pan in U Lian pawl khat in zong thapia thei uh a, gamdang nasemte leh galtaite a ding in nasepnaa lem na ding, khasum a tawmpen (minimum wages of workers/ foreign migrant workers) a kipan nakpi in hanciamsakna hong neihsak uh ahi hi.
Mailam ah Refugee, gamdang nasemte leh a gammi te mahmah uh in khasim kician a ngah theih na ding leh nasepna ah boss te in a nasemte thupi sim in, kintak in a khoi bawl na ding in zong hanciamna tampi tak maban nei to lai uh hi.

-- 

 

Views: 83

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service