Banghang in!

[Tg. Pau Khan Kap]

 

 

Tuhun leitung zelh in mun khempeuh ah aom Zomi te-in a ta te min, a tu te min uh Zo min bek mah phuak lo-in, Mikang dan ci-in, Mikang min hel sese uh ahi tam!

 

Mi namdang lak ah Zomin tawh ih min hong ki lawh valval pen maizum pih uh ahi tam?

Mi namdang ten ih min hong lawh ciang haksa sa lua uh in amau min dan in a phuak peuh ih hi tam?

Mi namdangte mindan phuak le'ng amau zong hong pimuh tuampah zaw ding ahi tam?

 

Zo min mah phuak in Zo min mah tawh kisam ( mi namdang te ) sak leng ei hong ki mawh sak ding maw leh!

Zomi nam it taktak ing i cih leh bang cidan in min phuak le'ng Khang tampi Zomi i hih na i lak khia thei tam?

 

Mi namdang min i phuak sese e leh Zomi te i zunna maw  Zomi te a ci bei nadingin kiu khat pan i sutmai na, koi zaw ci ding?

 

Sangmang te Zogam ah hongpai lai-in, a tate uh Zo min phuak sak in um kei( a thei lo ka hih kei leh ) ingh.

Zogam hongpai Sangmang te in Zomin anei tam?

Zogam pan apiang Sangmangte' ta te'n Zomin anei tam?

 

Banghang in Zo min bek a ki hel min i phuahna pan in tawmtawm in ki hem khiakhia i tam!

Tu laitak a i tate khang ah a tate min ding uh, John Chin King Cope, Jame Lyan Swan Jong peuh hong phuak mawk uh leh bel....

i vaisah mahmah mawk in um ingh.

 

By,

Pau Khan Kap

19 December 2010

 

[Tg. Pau Khan Kap]

Eimi te ( pawl khat ) pen namdang te thupi ngaihsut lua, namdang dan pen pi-et pha deuh in a mau hih dan, amau om dan in a om theih na dingin hamciam ciam leh ki lawm sa ingh.

Ei' Zo min pen namdang ( Kawl, Sen, Mikhang, Mivom...etc ) te'n hong sap takciang in lawh (sap ) hak sa-in, tua hang in Kawl min, Mang min anei pawlkhat om le ki lawm sa ingh.....

 

E'n zong  Lusei te, Sen te, Mikang te hita leh amin uh i muh cial, a sap cil in bel hi bualbual mah sa ingh. Ahi zongin hun khat khit ciang amin mah un ki lo thei in ki sam thei veve sam......

Bangbang hita leh, namdang te'n i min lawhhak hongsak na hang tawh namdang min phuak sawm pah zaw lo-in, hong lawh theih dong in hilh zaw leng kei bangin lunggulh zaw ingh!

 

Va-ak pen Utong suak nuam lua in, Utong mul teng tawh a ki zeem liatluuat hangin va-ak pen va-ak mah hi veve hi.

[naalianzomi]

keimuhna ah bel, Zomi min khat zong ki hel lo aa Mangmin bekbek te sa'ng, King tawh zomi min tawh agawm te hoih sa veve ingh.

[Tg. GT]

Zomi min King cih na tawm a omta hi ei guai. Bang cih mawk ding ihia? Nidang gen loh tun zong King tampi mah om ta dan hi.

[mannuam]

kei bel bang zah ta in nuam sa in democracy gam ah i om zong pen dei dan na om tawn tung sa ing. lei tung buai na a tam zaw pen mi nam ki dei dan na, ki ha zat na ve va sa ing,kua mah in zong hong don khol lo na pi in i lung sim khat ah ki suang na khat om den pian mawk ai ve.a thu pi pen ah mi pil mi thu ngait sut siam leh thu sia thu hoih a khel tel thei ding mi ki sam sa ing.

[naalianzomi]

Kei muhna ah, hih thu pen thulianpi khat in mu ingh. eimi min mah bel thupi sa ingh. ahih hang ahaksat na khat ah, gamdang mi te in, ih min ong lo(sam) theih loh uh teh, hia Nu, hia Pa ong ci thei uh hi. tua pen ei leh ei ih ki theih ciang, nuam vangvang khol lo hi.

LST min, gentehna: David cih te pawlbel thukhat in, amangkang te min dan khawng aa phuak te bel kei muhna ah tawm lamkhial pian in mu ingh. LST min te bel bang mah ci ngam keng ken zong deih ingh. aih hang, ei Zomi te in, amangkang min ih puah sese bel.... uhmmmmmm