Zomi-te' tenna dingin ahoih pen Gam leh Mun

[Taang Sianpu]

Zogam pualam ah Zomi-te' ten nading in a hoihpen leh a nuampen gam leh mun tampi aom ding hi. Tua sungpan in US gam Oklahoma State, Tulsa khua i en ding hi.

Tulsa pen Zomi-te' ading in zong OK hi. Oklahoma (OK) sung ah aom man bek hilo a, adang hang tampi kihel lai hi. Anuai ah pawl khat ensuk ni. Khuavot ahih man in:

1) Nisim kisil kullo hi

2) Khuadam ahih man in Nupate bang kikawikawi zo uh a, ta zong kinei ziahziah zo ahih man in Zomi ki behlap hi

3) Maiphiatlo natawm in zong khualak ki vak thei lel a, sabon phatuam in, lunilh sathau phstuam hi

4) Khuadam ahih man in nisim in puan laih kullo a, silh leh ten nin hak mahmah ahih man in puansawpna nete ading in meitha, hun leh puansawpna za phatuam hi. Puansawpna kawm azangte ading in zong hun leh sum phatuam hi.

5) Zogam mah bang inkhuadam mun bang ciang in puan tampi neih kul tuanlo ahih manin sum phatuam mahmah hi

6)Zogam khuadamna pen i pianna hizaw ahih man in kisekzaw limlim in, mehtui sa, zasan a thak hawp hithit nading in nuam mahmah hi

6) Khangham nupi, papi leh piteek, puteek te in a cim uh ciang in a vengleh paam Zomi vive hi zaw pian ahih man in, Zogam mah bang in veng leh pam kikawm phei ziauziau thei uh a cimphawng mahmah hi. (Zangkong lian sang bang duh leh leh deih a kicin zawk ban ah, khanghamte' adingin ki cim ngeilo hi).

7) Pawlpi tampi om ahih man in pawi tuamtuam tampi om a, minam leh Pasian ading li piakkhiat theih nading lampi tampi a om suak hi. Pawi pai leh mipi lak nuam asa phadeuhte' ading in zong lunglen khakun a, cin cihbang om ngeilo hi.