Zomi-te a ding a ngaihsut huai tulai khuahun paizia pawlkhat

[Taang Sianpu]

Zomi-te a ding a ngaihsut huai tulai khuahun paizia pawlkhat:

1. Aung San Suu Kyi (NLD) leh Galkap Kumpi Koi na mudah/ muang zaw?

     A. Kumpi te huhau in ahi a NLD huhau in hi ta leh Zomi kipawlnate leh mipi pawl khat in a zui a, akipawl uh ahi hi.

     B. NLD pen opposition party hi nawnlo in kumpi tawh ma pangkhawm ding in akiging, akithawi hi ta hi.

2. Kawl kumpi te leh CNF/A te koi na mudah/ muang zaw?

     A. Tuate beel in Zomi pawl khat, Zomi kipawlna pawl khat kipawl khawm in ma a pangpang uh hi ta.

     B. Chin State puah ding in Kawl Kumpi tawh ma pang khawm ding in kilemna suaikai khin a, Kumpi tawh kop in Chinland zuun ding hanciamna nei uh hi.

3. Kawl Kumpi leh Karen (KNU, DKBA) leh Kachin (KIO/A) gamnuaimi (tapongte) kua na mudah/ muang zaw hiam?

     A. Kawl kumpi leh gamnuai mi kuate in Zomi, Zogam leh Kawlgam bup hong puah zo pen ding in na lamen hiam?

     B. Kawl kumpi tawh nasep khop loh leh kilemloh tawh hun mawk bei in, bang mah kisem zo tuanlo cih ngaihsutna tawh haksatna a thuak mipite' khualna in kilemna a bawl khin om a, a bawl nailote in zong a sawtlo in bawl ding thukimna nei khin ta uh hi.

Dotna: 

I. Zomi leh Zogam a khantoh mengmeng theih nading in a tung a group (3) teng koi pawl tawh ma pang khawm leng Zogam hong khangto thei pen ding hiam?

II. A tung a kipawlnapi teng kuamah tawh kipawl khawm vetlo in, lang do in, leh pan leng Zogam leh Zomi hong khanto baih zaw ding hiam?

III. A tung a teng khempeuh tawh kipawl khop theih a om ding hiam?

-I pawl khop theih ngeingai a om bang hi zenzen leh inn veng, gamveng te tawh kipawl khawm khin tek leng Zomi leh Zogam hong khangto masa zaw ding hiam?

Na muhna dan picing tak in kikum suk ni.