Zomi nam a ding Vei man a Sem leh Sep man a Vei

[Taang Sianpu]

Leitung ah Minam icih in aki nial theilo leh aki pai theilo hihna (identity) khat hi.
Gam khanto gam a tuamtuamte leh minam a tuamtuamte lak ah Zomi- zong kha in aki hel ihi hi.

Private sector, NGOs, Government leh Community Service tuamtuam a semte sung ah "Vei man a sem maw, Sepman a Vei" cih
thu tawh tawm i kikum nuam hi.

Gam leh minam a ding a sem tampi te in a Veiman un a sem uh himasa khin lo uh hi. Ahih hang Zomi sung i et ciang a tamzaw pen
a vei man a a sep ahi zaw hi.

Zomi sung i et ciang in Minam leh Gam vai bek ahilo, Biakna lam en leng zong a tam zaw in Khan mangthang vei man in Ministry kipan mah t aleh a dang lom khat te in a Sep man in nung veih lawh uh hi. Minam khangto leh gam khangto gamte ah NGO khat peuh ah a sep hun na ngawn uh ciang in nasem ding sapna (staff recruitment) bawl uh a interview hoihtak in bawl masa phot uh hi. NGO tuamtuamte ah "sum ngah na ding" masuan lo ding cih genpi in nei uh a, ahi zong in khasum a sang ciatciat, OT natawm a om thei nasepna ahi hi. Deihsakna bulphuh in khasum sanna cih min tawh na kisem hi.

Ahih hang in Zomi sung ah, i minam, Zomi vei hang, i gam Zogam vei hangh icih hang in tua hang in nasep (career) ngah lawh leh tua tung tawn in nuntakna pianlawh zawh dong in ki khangto nailo ahih man in tua thu pen Zomi sung a Music uk/ siam, La uk/ la siamte tawh hong ki bat na mun zong om hi. Gam khangtonate ah music/ la, fotball etc. a uk leh a siamte pen kivakna in ki neizo bek thamlo in nasep nam (career) hoih mahmah khat hi kawi lai mah ta leh, Zomi sung ah pen minam vei, gam a veite cimawh dongtuak in, nasep leh sinna/ pilna kician na tawm a neihloh lawh liang ki tamzaw tham lai hi.

Tua ahih leh bang “motivation” tawh sem kha hiam cih thupi hi.
Biakna lam en leng zong Ministry akipan biakna makaite lak ah veiman in a sem, kha mangthang veina tawh a sem tampi om hi. Tua kawmkal ah a hang khat peuhpeuh tawh (veina masuan hi masalo) in Ministry kipan zong om hi. Ahih hang in Ministry hong sep tohtoh kawmkal in hong vei toto a, a tawpna ah Veina masuan, Veina tawh a semte sang bang hong picing zaw thei hi. Pawl khat bang pen biakna lam ah “sponsor” a om man in veilo napi in kipan khia pong cih zong om thei hi. Tua sponsor neite in hong sem toto uh a, a sawtna ah hong vei uh ahih man in “veina bek masuan” a “sponsor” neilote sang in veina leh sponsor tawh hong ki kop khop ciang in hong khauhpai zaw cih bang zong om thei veve hi.
Minam sung leh Gam lam kipawlna ah zong veiman in a sem hi masalo napi, hong sepsep ciang in leh aki tangsapna hang in hong vei toto a, a tawpna ah thu dang te sang in thupi sazaw, veizaw in hong picing mahmah lel thei veve hi.
I gen nopna ah I minam a ding ahi a, bang a ding ahi zong in I veiman in a sem ihi a, I sep man in a vai kik ihi zong in I sep leh bawlna khat peuh ah “lungsim sianthona tawk tawh” sep khop ding thupi mahmah hi. “Sincerity” kisam in, tua a om nak leh I sep theih sunsun, I veina ciangciang hong picing sak ding leh a daupai thei ding a hong huh theiding Zomi-te Pasian’ a neite ihi hi.

By Tg. Sianpu

[ngalliam]

Hoihmahmah ei tha ngah mahmah ing.
Maai lam-ah hi daan hong suak sak zeel in.