Zomi kipawlna thak khat OKC

[Zomi Community Network]

Zomi uu leh nau a kuamah peuh,

           Oklahoma khuapi huam (Greater Oklahoma City) aom, ahi thei, aman' thei Zomi pawlkhat te-in, December 31, 2011 ni nitak lam zan-in, Pa Khupkhan Thang Taithul te inn-ah, kumthak muak ding leh Zomi kipawlna thak khat phuan dingin kikaikhawm hi. Tua a' kiphuanthak Zomi kipawlna min dingin, ahun tawh kizui a kiphuanthak ahi Global Zomi Alliance min, mipi-in lunggulhna neih ahih man'-in, Global Zomi Alliance Oklahoma City (GZA OKC) mipi thukim natawh kiphuak hi. Aban zom-in, kipawlna hong' makaih dingin, maakai kitelna kinei to aa, anuai aa panmun len (Mawhpua) dingin, hih mi teng kitel hi.

           Kipawlna phuatna leh kitelna man' ciangin, kumlui mangpha khakna leh kumthak muakna anungta Pasian mintawh kinei to pah a, telcing Secretary of Religion makaipi te-in hong maakaih pah hi. Kumlui bei li'an ciangin, Happy New Year la kisak kawm-in, losan kilawn ziahziah aa, khat leh khat Thupha kipia hi. Buhmaan ngaanhuan, aksa buhciim, niangtui leh avot tui tawh kumthak kimuak hi.

          Zomi kipawlna tuamtuamte leh Zomi mimal khat pepeuh-in, hong lampii hong makaih, hong thuhilh-in, Zomite abucing khantoh nading khut kilen aa nasepkhop ding kipawlna GZA OKC mintawh kong zawn uh hi. 

 

Global Zomi Alliance Oklahoma City, telcing makai teng anuai aa bang ahihi.

 

President:....................................   Pa Khupkhan Thang Taithul

Vice President:.............................   Pa Kap Khaw Vel Sang

 

General Secretary:.........................  Pa Tuang Khan Nang

Asst. G. Secretary (1):...................  Pa Suan Khan Kap

Asst. G. Secretary (2):...................  Pa Suan Cin Khai

 

Treasurer:......................................  Pa Thawng Thawn Mung

Asst. Treasurer:............................   Pa Vungh Lian Kham

 

Auditor:........................................   Pa Khup Gin Thang

 

Secretary of Music (1):................    Tg. Lian Suan Mung

Secretary of Music (2):................    Nu Cing Sian Muang

 

Secretary of Sport (1):....................  Pa Tual Za Khup

Secretary of Sport (2):....................  Pa Thang Sian Dal

 

Secretary of Media (1):................... Pa Gin Lian Thawn

Secretary of Media (2):................... Lia Cing Lun Nuam

 

Secretary of Religion (1):................ Pa Thang Lian Piang

Secretary of Religion (2):................ Nu Cing Sian Mang

 

Secretary of Social Services (1):......Pa Khai Suan Muang

Secretary of Social Services (2):..... Pa Kam Suan Mung 

 

Zahtakna lianpi tawh.

 

 

Thu taangko,

 

 

Khupkhan Thang Taithul

President

Global Zomi Alliance, Oklahoma City

5104 Ladbrook St.

Norman, OK 73072

U.S.A.

Home Ph. [phone]

Cell Ph.    [phone]

[Sia Khampeek(Tongsan Pu)]

Dear lawmte,

Tulsa, OKC, USA ah GZA Branch kipankhia cih i zak ciangin lungdam huai mahmah hi. Thukhat ah thukimpih pahpah ding hi khin lo hi.  GZA pen Zomi buppi huam a kiphuan kipawlna le kimakaihna lianpi khat ahih manin, Central Committee akipan Committee Department tuamtuam zong kineikhin cih i theihsa ahi hi.

Tua ahih manin, Branch neih ziahziah ding tawh kisai GZA Central Committee in thukhensatna kician a nei mah hiam cih ngaihsut masak huai hi. Lawp lua le thangah lua liang a, i kipumpei mawk zel le hun sawtpi a ding dik khin lo veve thei ding hi. Ut dan peuh tawh a munmun ah kipat ziauziauna tawh mai lamah bang thupiang ding cih ngaihsut masak huai lua hi.

GZA Central Committee in Thukhun le thumeilet kician mel a neih kei le bel thukhat hi dinga, tua lopi a ei omna ciatah Zumkhen (Branch) kipatsuk ziauziau ding ahih le hih kipawlna pen naupang(Tengta kineih) vai suak lel ding hi. Hih bang i gen ciangin, thunawngkai theithei ding lam a gen nuam hi loin, kipawlna khat peuhpeuh i kilamzia le a paizia akikum nuam hi za i hi hi. Central Committee thukhensatna om sa ahih le lah kei mimal muhna pen ahoih lam ngaihsutna hi cih tawh kitelsiampah dingin kong lamen hi. Lungdam.

GZA Media and Communication Department ah sawltak nasem khat,

Sia Khampeek (Tongsan pu)