Zomi.Net Your Network, Empowered by YOU!
ZOGAM MOTOR LAMPI DINMUN (ZRDP MABAN) & Photo
Dear Zomi Akuamapeuh,
Tutung April kha sunga Zogam Motor lampi ding hawlna tawh kisai pawlkhat hong zasak nung in, na hunngah danin na simsak le uh teh ci hang. Hong tamsim kha in teh....
18/04/2011(Mon), ni-in H.Vum Nang, Ngalbual hausapa, En Thang leh Peter Khampute in Zogam lampi vaan dingin, Kawlpi pan Zrdp motor cycle nih tawh ding khia uh a, Tedimah Pa Thang Khup te'n zingan limtak tawh hong vaitut uh hi. Tua khit ciangin pa Thang Siingte'n niangtui leh moh tawh hong vakbeh lai uh hi. Tua pan Tuithang, Tungzang lam tawnin paisuak uh a, Tungzang panin Rev.Thang Za Suan (Senior Pastor, Shalom AG, Ygn.) te' in a pawi-an uh hong leep a, nek khit ciangin kipai suak hi.
Ngalbual tunciangin Vum Nang tawh a kigensa bangun a hausa pa, En Thang in zong hongzui a, mi thum kipha hi. Tua ni-in Zampi delhin Dr.GKKhual te' sanginn, Sophia Mission School-ah hong tungsak uh hi. Tuatak a Vaisaipi ahi, Siapi Hau Siam in limtakin zin hongdo hi. A zingsang ciangin breakfast kiciantak hong nesak uh a, Dr.Khualno leh
Siapi Hau Siam tawh mailam Zogam leh Zomite' khantoh theih nading thu laigil tampi kikum thei uh hi. Pai ding ciangin Dr.Khual naupa, Pa Khaino in datsi thawl 4 hong thunsak hi.
19/04/2011(Tues) - Zampi pan dingkhia-in Zampi gam, Saihataang ken gei-ah Rev.Pau Khai te Haiciin crusade bawl hong ciah tawh kituakin tawm kikhawl hi. Sia Pau Khai in, noteng Zogam a ding nasem kiciante himawk lo na hi uh hiam, ci-in a sum honpikhat hong pia khia a, kilungdam mahmah hi. Tuimangah Zingan kidelh a, Pa Kam Ngaih (hausa lui) te'n an hong vaak uh hi. Tua ni-in Tuimui kitung hi. Tuimui gamah Tuimui lui leh akhua kikal lampite etsakin, luitunga lamkhak singluangte nisa tangpi lakah kihepsak hi. Kituahpih zindangte'n zong hong seppih uh hi. Tuimui hausapa Pautawng pen misi gaalin khual na zin a, Sia Lian Do Thang te'n kitung hi. Huasa pa zong kisamsak a, tua ni sivui khit teh inn hong tung kik pah hi. Nitakan pen Pastor Lian Thang (A.G) te'n aksa tawh hong vaak uh hi. Nitakin khua hausa leh lampi lam committee teng tawh zintunna-ah meeting thupitak kinei hi.
20/4/2011(wed)- Zingsang guahciin ta leh Am.11:30 panin Vaikhuatang leh Tuimui kikal motor lampi sial nading khua hausa leh lamlam committee teng tawh kihawl a, khe tawh kipai-in ciangkhutah kiluai keei hi. Vaikhuataang pan Tuimanglui/Tuimui tawh kikal gamgi lui ciang motor tungkhin a, Tuimui lam tunsak ding geelna ahi hi. Tuimui khuate' hanciamna tawh khuapanin tai nih ciangbang to khin uh hi. Tuimang lui ah sunsiah ne-in, ngasa beng siamte'n hong beng uh a ki-lawhcing mahmahin tuateng kimeh pah hi.
Tuimui leh Vaikhuataang kikal gamgi lui paina-ah, Tuimui panin pawlkhat ahih leh, Pawnzaang, Thanglui leh Tapidaw lui cihte kikantan hi. Ciah lam ciangin lampi sauna pi/Feet phazah tehsak toto-in, Tuimui ciang pi 20000 val deuh pha hi. Tai 4 dektak pha hi. Nitak-an zong hausa lamte'n hong nekpih uh hi. Tua nitakin biakpiak kikhopna hunkhat kizang a, Vum Nang in sermonna pia hi. Hun man ciangin khangnote' min tawh niangtui leh moh limtak hong vaak lai uh hi.
21/4/2011(Thurs) - Zingan pen Tuimui hausapa Pa Pautawng te'n hong nekpih uh hi. Tua khit ciangin ciah ding geelnasa om bangin van kithawi khin hinapi, Tuimui hausa lampan taamlai a, ki-lawmtakna khat bawl ding a lunggulhna uh tawh ui tal-mangpi khat golin hong kho uh a, taam hong kul kik suak hi. Tua ni sunin zong Tuimui leh
Lingthuk/Vaivet gamgi lam motor lam maban dingteng khe tawh pai-in va hawlsak kawm uh hi. Nitak annek khit khuamial ciangin Tuimui khuazangbup tawh kilawmtakna leh biakpiak kikhopna hun limci khat kinei a, A.G biakinn golpen ahih manin tuatak kizang hi. Vum Nang in sermon/hanthona pia a, Ngalbual hausapa, En Thang leh Peter Khampu te in zong tetti panna leh thapiakna tawmkhat ciat nei thei uh a, khua khangnote in lasa uh hi.
(Tuimui & Vaikhuatang kikal lampi tawh nading tawh kisai-in Vaikhuatangte' i a zat uh lamto setpi a kikawm dingin kigen khin hi).
22/4/2011 (Friday) - Zingan neek khit ciangin Tuimui pan kidingkhia a, Vaivet, Mauvom, Cikha leh Suanghoih dongah kipai hi. Tuavai tawh kisai-in tungsiah ulian lampanin Cikha-Khampat kikal motor lamtote'n zohak lua, a bangci dinmun hiam, hong en in cih sawlna ahi hi. Cikha panin Suanghoih hausa nu zong na om hi. Amah tawh kiton to pah a, a inn tun ciangin niangtui leh moh tawh hong vaitut hi. Tua munah lam tawhna Bulldozer pen a van pawlkhat na kisia ahih manin maban zomthei lo-in na khawl uh hi. A siatna munteng maanzaihsakin bulpi lamah
gensak ding ahi hi. Tua pan kiciah a, Cikha tawn kikin, Saipimual ah kigiak hi. Saipimual hausate in zong zintunna ah hong hawh uh a, lampi kiciantak a tun theih nading lunggulhnate gen uh hi.
23/4/2011(SAt) - Saipimualah hausa min tawh zingan hong nekpih uh a, tua khit ciangin innlam kiciah ta hi. Zampi panin Ohsuh lai-at, Sia Pau Za Gin in datsi galon khat hong thunsak hi. (Kawlpi pan zin ni dingin zong niangtui hong nekpih lai hi). Talek gampan guah tampi zu a, tawlpi khat kikhawlin innteek te'n niangtui leh vaimimcim hong
nesak uh hi. Ngalbual tun ciangin hausapa En Thang te'n kikhawl a, sunsiah hong nekpih uhi. Amah khawl a, ko ka paisuak uh hi. Tedim khuamial kuanin tungin nitak an kine a, tuapan azan zanin Kawlpi kidelh a, zan 12 khitin cidam takin inn kitung ta hi.
Tua khit a thailam ciangin Moreh ah Sia Vum Nang leh a lawmte nih va pai a, India te'n lamto setpi 2 hong piak ding uh va en leuleu hi. A zing ciangin Kawlgam uliante tawh ki-apna, piakkhiatna hun thupitakin bawla amau zong hong hawhphei uh hi. Mailam a maban dingte thungetna tawh phawkpih ciat ni, cih tawh hi ziaizuaiteng kong gelh hi.
NOTE: Tutunga khualzinna-ah nek-le-dawn a kipan, sum-le-paai hi ta leh datsi hong thunte akipan a tuamtuam hong kipia a, Tuimui bang panin buhman tang leh aktui-aktak a kipan vankhop liangin hong ciahsak uh hi. A dang pulak khaklohte zong komau laibu sungah kimtakin ka na ciamteh uh hi. Topa'n a tampi-in hong thukkiksak ta hen.
ZRDP NASEPNA TAWH KISAI DOTNOP NEITE IN DIRECTOR AHI, H.VUM NANG' TUNGAH A KICINGIN KIDONG THEI DING HI. Ama Email: vumnang@gmail.com, leh zrdp@gmail.com leh news@zrdp.org te ahi hi. MAILAMAH HIH ZRDP
NASEPNA TAWH KISAI THU SUAHSAK DINGTE PEN COMMITTEE MAKAIPITE LAMPANIN ALEM KHAT PEUHPEUH IN HONG GELH DING UH AA; news@zrdp tungtawnin hi ding hi, cih i kizasak nuam hi. Ka lungdam hi.
(Tutung Zogam Motor Lampi hawlna tawh kisai, Maan (Photo) pawlkhat hong khak ung).
ZRDP Committee' tangin,
Peter Khampu.
Kalaymyo
Tutung April kha sunga Zogam Motor lampi ding hawlna tawh kisai pawlkhat hong zasak nung in, na hunngah danin na simsak le uh teh ci hang. Hong tamsim kha in teh....
18/04/2011(Mon), ni-in H.Vum Nang, Ngalbual hausapa, En Thang leh Peter Khampute in Zogam lampi vaan dingin, Kawlpi pan Zrdp motor cycle nih tawh ding khia uh a, Tedimah Pa Thang Khup te'n zingan limtak tawh hong vaitut uh hi. Tua khit ciangin pa Thang Siingte'n niangtui leh moh tawh hong vakbeh lai uh hi. Tua pan Tuithang, Tungzang lam tawnin paisuak uh a, Tungzang panin Rev.Thang Za Suan (Senior Pastor, Shalom AG, Ygn.) te' in a pawi-an uh hong leep a, nek khit ciangin kipai suak hi.
Ngalbual tunciangin Vum Nang tawh a kigensa bangun a hausa pa, En Thang in zong hongzui a, mi thum kipha hi. Tua ni-in Zampi delhin Dr.GKKhual te' sanginn, Sophia Mission School-ah hong tungsak uh hi. Tuatak a Vaisaipi ahi, Siapi Hau Siam in limtakin zin hongdo hi. A zingsang ciangin breakfast kiciantak hong nesak uh a, Dr.Khualno leh
Siapi Hau Siam tawh mailam Zogam leh Zomite' khantoh theih nading thu laigil tampi kikum thei uh hi. Pai ding ciangin Dr.Khual naupa, Pa Khaino in datsi thawl 4 hong thunsak hi.
19/04/2011(Tues) - Zampi pan dingkhia-in Zampi gam, Saihataang ken gei-ah Rev.Pau Khai te Haiciin crusade bawl hong ciah tawh kituakin tawm kikhawl hi. Sia Pau Khai in, noteng Zogam a ding nasem kiciante himawk lo na hi uh hiam, ci-in a sum honpikhat hong pia khia a, kilungdam mahmah hi. Tuimangah Zingan kidelh a, Pa Kam Ngaih (hausa lui) te'n an hong vaak uh hi. Tua ni-in Tuimui kitung hi. Tuimui gamah Tuimui lui leh akhua kikal lampite etsakin, luitunga lamkhak singluangte nisa tangpi lakah kihepsak hi. Kituahpih zindangte'n zong hong seppih uh hi. Tuimui hausapa Pautawng pen misi gaalin khual na zin a, Sia Lian Do Thang te'n kitung hi. Huasa pa zong kisamsak a, tua ni sivui khit teh inn hong tung kik pah hi. Nitakan pen Pastor Lian Thang (A.G) te'n aksa tawh hong vaak uh hi. Nitakin khua hausa leh lampi lam committee teng tawh zintunna-ah meeting thupitak kinei hi.
20/4/2011(wed)- Zingsang guahciin ta leh Am.11:30 panin Vaikhuatang leh Tuimui kikal motor lampi sial nading khua hausa leh lamlam committee teng tawh kihawl a, khe tawh kipai-in ciangkhutah kiluai keei hi. Vaikhuataang pan Tuimanglui/Tuimui tawh kikal gamgi lui ciang motor tungkhin a, Tuimui lam tunsak ding geelna ahi hi. Tuimui khuate' hanciamna tawh khuapanin tai nih ciangbang to khin uh hi. Tuimang lui ah sunsiah ne-in, ngasa beng siamte'n hong beng uh a ki-lawhcing mahmahin tuateng kimeh pah hi.
Tuimui leh Vaikhuataang kikal gamgi lui paina-ah, Tuimui panin pawlkhat ahih leh, Pawnzaang, Thanglui leh Tapidaw lui cihte kikantan hi. Ciah lam ciangin lampi sauna pi/Feet phazah tehsak toto-in, Tuimui ciang pi 20000 val deuh pha hi. Tai 4 dektak pha hi. Nitak-an zong hausa lamte'n hong nekpih uh hi. Tua nitakin biakpiak kikhopna hunkhat kizang a, Vum Nang in sermonna pia hi. Hun man ciangin khangnote' min tawh niangtui leh moh limtak hong vaak lai uh hi.
21/4/2011(Thurs) - Zingan pen Tuimui hausapa Pa Pautawng te'n hong nekpih uh hi. Tua khit ciangin ciah ding geelnasa om bangin van kithawi khin hinapi, Tuimui hausa lampan taamlai a, ki-lawmtakna khat bawl ding a lunggulhna uh tawh ui tal-mangpi khat golin hong kho uh a, taam hong kul kik suak hi. Tua ni sunin zong Tuimui leh
Lingthuk/Vaivet gamgi lam motor lam maban dingteng khe tawh pai-in va hawlsak kawm uh hi. Nitak annek khit khuamial ciangin Tuimui khuazangbup tawh kilawmtakna leh biakpiak kikhopna hun limci khat kinei a, A.G biakinn golpen ahih manin tuatak kizang hi. Vum Nang in sermon/hanthona pia a, Ngalbual hausapa, En Thang leh Peter Khampu te in zong tetti panna leh thapiakna tawmkhat ciat nei thei uh a, khua khangnote in lasa uh hi.
(Tuimui & Vaikhuatang kikal lampi tawh nading tawh kisai-in Vaikhuatangte' i a zat uh lamto setpi a kikawm dingin kigen khin hi).
22/4/2011 (Friday) - Zingan neek khit ciangin Tuimui pan kidingkhia a, Vaivet, Mauvom, Cikha leh Suanghoih dongah kipai hi. Tuavai tawh kisai-in tungsiah ulian lampanin Cikha-Khampat kikal motor lamtote'n zohak lua, a bangci dinmun hiam, hong en in cih sawlna ahi hi. Cikha panin Suanghoih hausa nu zong na om hi. Amah tawh kiton to pah a, a inn tun ciangin niangtui leh moh tawh hong vaitut hi. Tua munah lam tawhna Bulldozer pen a van pawlkhat na kisia ahih manin maban zomthei lo-in na khawl uh hi. A siatna munteng maanzaihsakin bulpi lamah
gensak ding ahi hi. Tua pan kiciah a, Cikha tawn kikin, Saipimual ah kigiak hi. Saipimual hausate in zong zintunna ah hong hawh uh a, lampi kiciantak a tun theih nading lunggulhnate gen uh hi.
23/4/2011(SAt) - Saipimualah hausa min tawh zingan hong nekpih uh a, tua khit ciangin innlam kiciah ta hi. Zampi panin Ohsuh lai-at, Sia Pau Za Gin in datsi galon khat hong thunsak hi. (Kawlpi pan zin ni dingin zong niangtui hong nekpih lai hi). Talek gampan guah tampi zu a, tawlpi khat kikhawlin innteek te'n niangtui leh vaimimcim hong
nesak uh hi. Ngalbual tun ciangin hausapa En Thang te'n kikhawl a, sunsiah hong nekpih uhi. Amah khawl a, ko ka paisuak uh hi. Tedim khuamial kuanin tungin nitak an kine a, tuapan azan zanin Kawlpi kidelh a, zan 12 khitin cidam takin inn kitung ta hi.
Tua khit a thailam ciangin Moreh ah Sia Vum Nang leh a lawmte nih va pai a, India te'n lamto setpi 2 hong piak ding uh va en leuleu hi. A zing ciangin Kawlgam uliante tawh ki-apna, piakkhiatna hun thupitakin bawla amau zong hong hawhphei uh hi. Mailam a maban dingte thungetna tawh phawkpih ciat ni, cih tawh hi ziaizuaiteng kong gelh hi.
NOTE: Tutunga khualzinna-ah nek-le-dawn a kipan, sum-le-paai hi ta leh datsi hong thunte akipan a tuamtuam hong kipia a, Tuimui bang panin buhman tang leh aktui-aktak a kipan vankhop liangin hong ciahsak uh hi. A dang pulak khaklohte zong komau laibu sungah kimtakin ka na ciamteh uh hi. Topa'n a tampi-in hong thukkiksak ta hen.
ZRDP NASEPNA TAWH KISAI DOTNOP NEITE IN DIRECTOR AHI, H.VUM NANG' TUNGAH A KICINGIN KIDONG THEI DING HI. Ama Email: vumnang@gmail.com, leh zrdp@gmail.com leh news@zrdp.org te ahi hi. MAILAMAH HIH ZRDP
NASEPNA TAWH KISAI THU SUAHSAK DINGTE PEN COMMITTEE MAKAIPITE LAMPANIN ALEM KHAT PEUHPEUH IN HONG GELH DING UH AA; news@zrdp tungtawnin hi ding hi, cih i kizasak nuam hi. Ka lungdam hi.
(Tutung Zogam Motor Lampi hawlna tawh kisai, Maan (Photo) pawlkhat hong khak ung).
ZRDP Committee' tangin,
Peter Khampu.
Kalaymyo
Comment
-
Comment by naalianzomi on May 8, 2011 at 3:10pm
-
Hihbang thu hoih,lahoih,lim hoih ong post zeel vo. sim nop leh thupi sa ingh ei.. lungdam.
© 2024 Created by Zomi Community Network.
Powered by
You need to be a member of Zomi Community Network - Your Network to add comments!
Join Zomi Community Network - Your Network