ZIUSA Thupulakna : Zomi Khawmpi USA 2012

Zomi Innkuan USA

Oklahoma, Florida, Washington DC, Illinois, Texas, Ohio, Oregon, Iowa, Indiana, Utah, Georgia, Arizona, Missouri, Kansas, Michigan, New York, W. Virginia, Pennsylvania, Nebraska
 
ZOMI KHAWMPI USA 2012
 
1.       Zomi Innkuan USA kipawlna vaihawmna tawh ahong tung ding July 6~7, 2012 ni (July 4th Week-end, Friday ~ Saturday) sung tengin Oklahoma State, Tulsa khuapi ah “Zomi Khawmpi USA 2012” kibawl ding hi.
 
2.       Zomi Khawmpi USA 2012 pawipi asiim dingin US gam sung a om Zomi khempeuh itna tawh kisam hi.
 
3.       Zomi Khawmpi USA 2012 pawipi pen Zomi Innkuan Oklahoma kipawlna innteekna tawh kibawl ding a, zin tunna ding a kipan annek tuidawn tawh kisai vaihawmnate Zomi Innkuan Oklahoma kipawlna Makaite in hong taangko ding uhhi.
 
4.       Zomi Khawmpi USA 2012 sung ah anuai a kidemna leh pawi tuamtuamte kibawl ding hi.
(A)   Zomi Innkuan USA Soccer Tournament 2012
(B)   Zomi Idol USA 2012
(C)   Zomi Concert USA 2012
(D)   ZoLia & ZoTaang 2012
(E)    Kumcin Khawmpi Thukikupna
 
5.       Zomi Khawmpi USA 2012 pawipi hun-geelna pen anuai a bang ahi hi.
 
Zin tun’ ni
: July 5 (Thursday)
ZIUSA Soccer Tournament
: July 6 & 7 (Fri & Sat); 8:00AM~4:00PM
Zomi Idol USA
: July 6 & 7 (Fri & Sat); 1:00PM~5:00PM
 
 
: July 7 (Sat); 8:00PM~9:00PM
Zomi Concert USA
: July 6 (Fri); 7:00AM~10:00PM
 
 
: July 7 (Sat); 9:00PM~10:00PM
ZoLia & ZoTaang USA
: July 6 (Fri); 7:00PM~8:00PM
 
 
: July 7 (Sat); 7:00PM~8:00PM
Khawmpi Thukikupna
: July 7 (Sat); 7:00AM~11:00AM
Zin ciah ni
: July 8 (Sunday)
 
6.       ZIUSA Executive Committee in Zomi Khawmpi USA 2012 sung a kibawl ding kidemna leh pawi tuamtuamte tawh kisai in a vaihawm ding, a tanu ding, a vaan dingin anuai lam a pulakna bangin Committee tuamtuam sehkhin hi.
 
7.       Zomi Khawmpi USA 2012 sung a kibawl ding kidemna leh pawi tuamtuam tawh kisai geelnate, thukhunte, vaihawm dan dingte leh kidem zia ding a kipan thu leh la khempeuh a kicing in a Committee-ciat in hong taangko ding uhhi.
 
8.       Kidemna leh pawi tuamtuam tawh kisai thu leh la khatpeuh a kan nuamte in a Committee sung a panmunlente tung ah kikan, kiko, kidong thei ding hi.
 
9.       Zomi Khawmpi USA 2012 sung a kibawl ding kidemna leh pawi tuamtuamte tawh kisai Committee-te leh a mabante anuai a bang ahi hi.
 
A. Zomi Innkuan USA Soccer Tournament 2012
           
(1)      Zomi Innkuan USA Soccer Tournament 2012 bawlung kidemna pen US gam sung mun tuamtuam panin Zomi Innkuan kipawlna min tawh ahong kuan Soccer Team teng kimawl in kidem ding hi. Zomi Innkuan kipawlna a omlohna mun panin ahong kuan nuam Team-te in Sports Committee tawh kithuza ding hi.
(2)      ZIUSA Soccer Tournament pen a khuakhua, a munmun a om khua leh tui (Community) siksan in a ding, ahihkei leh khua leh tui tang’in a kiteel Zomi Soccer Team-te kidemna hiding hi. Club tuamtuamte kidemna hilo ding hi. (Hilhcianna: Kawl gam a State & Division kidemna dan, leitungbup huam a World Cup kidemna dan hibek ding hi. Khua leh tui cihciang in Kawl gam lam a kham khuate hilo a, US gam sung a ten’na khua leh tui cihna ahi hi).
(3)      ZIUSA Soccer Tournament 2012 bawlung kidemna a vaihawm dingin Sports Committee khat anuai a Makai teng tawh kiphut hi. Sports Committee in ZIUSA Executive Committee tawh kikum in ma ahong panna dingun muanna leh zahtakna tawh kicial hi.
 
Sports Committee
(a)    Rev. Thang Cin Pau, Columbus, OH (614-625-6233)             : Chairman
(b)    Pa Thang Suan Gin, Tulsa, OK (918-442-7731)                     : Member
(c)    Pa En Lian Pau, Miami, FL (954-274-7761)                          : Member
(d)    Tg. Lian Khaw Za Tuang, Chicago, IL (269-420-2541)          : Member
(e)    Pa Nang Sian Suum, Tulsa, OK (918-814-0864)                    : Member
(f)     Tg. Khup Za Khan, Tulsa, OK (918-978-0693)                      : Member
(g)    Pa Go Sawm Khup, President, ZIUSA                                 : Ex-Officio
(h)    Dr. Do Khan Khup, General Secretary, ZIUSA                    : Ex-Officio
 
(4)      ZIUSA Soccer Tournament 2012 bawlung kidemna sung a zuih ding thukhunte leh sep dan bawl dan ding khempeuh a kicing in Sports Committee hong taangko ding uh a, hih vai tawh kisai thute a thei nuam, a kan nuam, a dong nuamte in Sports Committee panmunlente tung ah kiko thei ding hi.
 
B. Zomi Idol USA 2012
 
(1)      Zomi Idol USA 2012 lasak kidemna pen dawl (3) suahin kibawl ding hi.
(2)      Lasak kidemna dawl khatna pen a munmun, a khuakhua ah kibawl ding a, akiciangtan mimal phazah tawh kituak lasiamte kiteelkhia ding hi.
(3)      A dawl masa panin a kiteelkhia lasiam teng in a dawl nihna ding in Khawmpi sung ah hong kidem ding uh a, tua kidemna panin lasiam mimal (10) kiteelkhia ding hi.
(4)      A dawl thumna ciangin a kiteelkhia lasiam mimal (10) teng hong kidem ding uh a, tua sung panin a siam pen leh a nihna, a thumna cihte kiteel ding hi.
(5)      Lasak kidemna dawl khatna pen US gam sung a om Zomi Innkuan kipawlna khempeuh sungciat ah kibawl thei ding hi.
(6)      A munmun, a khuakhua a om Zomi Innkuan kipawlna Makaite in Zomi Idol lasak kidemna dawl khatna ahong bawlsakciatna dingun kicial ding hi.
(7)      Zomi Innkuan kipawlna Makaite in Zomi Idol lasak kidemna dawl khatna a bawl dan ding, teelkhiat ding lasiam mimal phazah, la leh music cihte tawh kisai thute Zomi Idol Committee in hong zasak ding, hong hilh ding hi. Zomi Idol Committee panmunlen tengin Zomi Innkuan kipawlna tuamtuam teng hawmbawl in hong vaan thei ding uhhi.
(8)      Zomi Innkuan kipawlnaciat panin a kiteel lasiam teng pen Zomi Innkuan kipawlna Makaipi (President) in Zomi Idol Committee tung ah 2012 kum May kha beima in hong puak ding hi.
(9)      Zomi Innkuan kipawlna a omlohna munte panin Zomi Idol lasak kidemna a lut nuam Zomi a om leh Zomi Idol Committee in a kilawm bangin vai hawmsak thei ding hi.
(10)   Zomi Idol Committee sung ah mapang dingin anuai a Makaite muanna leh zahtakna tawh kicial hi.
 
Zomi Idol Committee
(a)    Rev. Kap Khan Mang, Jenks, OK (918-813-3308)     : Director
(b)    Lia Suih Lun, Tulsa, OK (817-495-6128)                   : Secretary
(c)    Benjamin Lianpi, Tulsa, OK (918-442-7180)              : Member
(d)    Nu Vial San Lun, Chicago, IL (630-748-9710)           : Member
(e)    Rev. Nang Gin Mung, Atlana, GA (678-644-3962)     : Member
(f)     Sia Lian Sian Mung, Chicago, IL (847-433-2640)       : Member
(g)    Dr. Chin Do Kham, Jenks, OK (918-409-3963)         : Member
(h)    Pa Go Sawm Khup, President, ZIUSA                     : Ex-Officio
(i)      Dr. Do Khan Khup, General Secretary, ZIUSA        : Ex-Officio
 
C. Zomi Concert USA 2012
 
(1)    Zomi Concert USA 2012 pawipi ah lasa dingin anuai a Zomi lasiamte kisam ding hi.
(a)    Lia Gloria Chiinlianniang, Kolkawta, India
(b)    Lia Nem Khan Niang, Tamu, Myanmar
(c)    Tg. JK Kam, Norway
(d)    Sia Vum Nang, Kalemyo, Myanmar
(2)    ZIUSA kipawlna Secretary of Music Pa Thang Suan Mang (Florida) makai in Zomi Concert 20122 Committee khat kicial ding a, asawtlo in hong kitaangko ding hi.
(3)    Zomi Concert USA lasak pawi sung a Music tum ding siate leh vaihawmna khempeuh a kicing in asawtlo in hong kitaangko ding hi.
 
D. ZoLia & ZoTaang USA 2012
 
(1)    ZoLia & ZoTaang USA 2012 kiteelna thupi takin kibawl ding hi.
(2)    ZoLia & ZoTaang USA 2012 kiteelna tawh kisai a vaihawm ding Committee asawtlo in kicial ding a, vaihawmna khempeuh hong kitaangko ding hi.
 
E. Kumcin Khawmpi Thukikupna
 
(1)    Zomi Innkuan USA kipawlna 2012 Kumcin Khawmpi limtak in kibawl ding hi.
(2)    Khawmpi akah dingin US gam sung a om Zomi khempeuh kisam hi.
(3)    Khawmpi ah peello akah dingin US gam sung a om Zomi Innkuan kipawlna (32) panin Makaite, Tangmite leh ZIUSA kipawlna Board Member khempeuh kisam hi.
(4)    Khawmpi sung ah ZIUSA kipawlna kum khat sung kalsuannate pulakna leh kikupna, mailam maban kalsuanna ding kikupna kibawl ding hi.
(5)    Khawmpi sung ah Zomi-te’ gam leh minam vai tawh kisai mabante Zomi Innkuan USA kipawlna min tawh mapanna ding kikupna kibawl ding hi.
(6)    Khawmpi tawh kisai thute a kicing in hong kitaangko ding hi.
 
 
Executive Committee
Zomi Innkuan USA
 
April 23, 2012. Tulsa, OK.

Views: 146

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service