Yangon, Bahan Township a Yuzana Hotel ah S.Korea numei khat ki that

[Zomi Center]

Yangkong khua Bahan Township a om Yuzana Hotel room sung ah South Korea numei khat tem tawh mun tampi ki dot in si hi.

June 20, 2012 in S. Korea te Mr. Kimhyeong-Taek kum (57) leh a zi Mrs. Kimpun-Nan kum (55) Yuzana Hotel ah giak  uh a Mrs. Kim Bun-Nam pen a sisa in hotel room sung ah ki mu hi. Police te in a kan uh ciang in a thu hi bang dan ahihi.

Hih numei nu ih sihdnan pen khasiat huai mahmah leh mulkim huai mahmah hi. A pumpi tung ah liamma tampi om in, a gawl ki meek gawp, a gilpi ki sui, ki tuan gawp in agil pen tam tawh ki kui gawp in a liamma pen T lim dan in tem tawh ki aat gawp in si hi cih police ten gen uhhi.

Police te in Korea kamphen siam te sam in a pasal ahi Mr. Kimhyeong-Taek(57) thu dong uh a, a mau pen June 16 ni Vietnam airline tawh Yangon ong tung uh hi. June 17-18 in Pagan mundang ah va zin uh hi. A pasal in tua a zinna lam uhkhuaneu khat pan in temta a zumzeza khat $20 tawh lei in mawtaw tung pan a zi in tua temta amuh the kul kei a cih hang in a pasal in pua sim teitei in June 19 ni in Yuzana Hotel Room 805 ah tung kik uh hi.

Mrs. Kim pen nitak nai 10 in lum a, a psal in a tut kawm in en gige in zing lam nai 1:00am pawl in a pasal zong ih mu thei hi. Zinglam nai 2:00am pawl ih daileng in a pasal tho a 3:00am ciang dong  ih mu kik thei nawn lo in awng gawp a hih man in a zi zong khang vatin a pasal omdan amuh teh lamdang sa, lau a hih man in apua lam a taikhiat sawm leh a lawmpa’n na man cip in temtawh dawt gawp in tua lai ah a zi sih pah hi.

Thukan te ih genan ah hi Mr. Kim Hyeong Taek pen nidang in zong hi bang dan in lungsim man lo in om ngei hi cih uh hi. June 20, 2012  a kipan thunei te in mii that pa limtak in kem hi cih thu..News Watch 26-6-2012 leh Weekly Eleven in gen hi.

Peter Mangpu

ZAG

[Müãñg Pü Zomi]

mawk peuh mah aw baih mawk ding maw