Topa aw, ka pa vui masak nadinginah thu hong pia in

[Taang Sianpu]

Leitung ah bang mi bang mi hi ta le hang paulap ki zong thei ciat hi. Ih pau ngeina leh ih paulap gen zia pen minam khat leh khat kibanglo hileh kilawm hi.

Paulap icih pen a taktak in zuau thu zakdam ding in akigen thu namkhat hi kici thei hi. Gtn. Sangsia khat in sangnaupang pa kiang ah "nalai na man nai hiam, hong ap ta
in" ci in a gen leh leh tua sangnaupang pa in "ka ui in/ ui in hong
tuah sak" ci hi. Hih bang dan mah in Topa Zeisu' hun lai in ih Topa'
sapna a zuih noploh man in paulap a zong tangval khat i thu Lai Siangtho sung
ah ih muthei hi. A mau minam te paulap zonna kammal pen ei a te dan tawh teh
kak leng a tuam pian sim tham hi.

===

"Topa aw, ka pa vui masak nadinginah thu hong pia in"
(Mattiu 8:21; Luka 9:59)

"A nungzuite khat in, Topa aw, ka pa vui masak nadinginah thu hong pia in ci-in a gen hi. Zeisu in Misite in amau misite na vui ta hen. Ka nung hong zui
in aci ve." Hih bang ki dawngkikna kam khauh ih muh ciang in hehpihna omlo
tawh kibang hi. Hih Lai Siangtho mun ih sim ciang in ih mitkha ah tangvalno
khat a pa si vui man nailo in Zeisu in a sap ciang a nial dan mah in ih mu pah
zung zung hi.
Palestin
mite in hih bang paunak pen paulap zonna bek in a zat uh kammal khat ahi hi. A
pa pen a ci dam seusau mahmah ding hi mah ta leh,
Zeisu' nung a zuih noploh man in paulap zong in
"kappa hong vui masa sak in" aci pong ahi hi.
Tu hun in
zong mi pawlkhat te in a sep noplohna khat pan aki peng nop uh leh "hong
mang zo kei ningh, ka ci dam kei, ahih kei leh hun nei keng" ci-in tang
gen lo zaw in "kappa si ahih man in hong vui masa sak in" hong ci
diing uh hi. Ngeina khat in a zat uh hih paulap omlam Zeisu in thei ahih man in
"Misite in amau misite na vui ta hen. Nang na hih leh, pai in la, Pasian'
Gam' thu na hilh in" ci-in a sawl teitei ahi hi (Luka 9:59).

Pai nuam leng naicik hi a, pai nuam kei leng gamla pi acihdan man ahi diam?