Tangval te'n lawmnu te kiang ih gen lohding thu te:

[naalianzomi]

Tangval te'n ih lawmnu te kiang ih gen lohding kam mal hoih pawlkhat ong let leu leu ingh.Copy mah hi zeel lo dia guai...Zomi te ih zat zeel te pawlkhat tawh zong aki tuaklo, aki bang lo omkha ding aa- ahoih te na lasiam, na zanghsiam tek un maw

naalianzomi.

1. Ngai aw, na suahni( birthday) mangngilh ta vengh aw.
   
   Suahni genloh, ih kingaih cilni na ngawn ih mangngilh leh zong dot kik ding ki awi huailo hi. numei te in pen tua dan te pawl alawmpa te in aphawk den( mangngilh loh ding deih mahmah uh ci hi.)
2. Ngaihno aw- hih puan nasilh teh a thau deuh tawh ki bangteh!
   
   Na lawmnu te pen- thau teh, gawng teh! cih kam mal zangh kei in. numei te pen, thau lua teh! or gawng lua teh- cih kam mal pen za nuam khollo uh hi.
   
3. Ngaih aw, za ni kalawmte khat in ong gen- nangpen- ka U nu ongsa uh.
   
   Hihbang kammal pen genkha kei in. na U nu cih teh- nangsang uzaw cihna hi in, na lawmnu pen- midang khat in nangsang uzaw a cih ding pen, ut masa lo ding hi. na nau cih zong ut tuanlo ding uh aa unau sang gam leh lawmngaih te pen- ki bang lo a hih man in, tua bang dan aa gen teh na kammal te zang kha kei in.
   
4. Pha mawh kei ei. telzo kei ni teh!
   Hihbang kammal na cih teh- na lawmnu aneu et tawh kibang ta aa, nangsa'ng in amah hai zaw cihna kammal hi ta a hih man in, nalawmnu in sangtheilo ding hi. ahih kei leh na lawmnu pen- thulian pi angaihsut zawh loh hang a hi zong - tua bang kammal zat loh limlim ding hoih zaw hi.
   
5. Bangmah hi kei ee!
   Hih bangkam malte pen- ih lawmnu tekiang zat luat ding hoihlo hi. ih lawmnu te in, ei ngaihsutna teng- ei thuak khak thu te telnuam, thei nuam uh a hih man leh haksatna a hih leh zong ong thuakpih nuam ahih man in, en bang mah hi kei ee i va cih teh, thu ong imm nuam or ongthupi simlo cih lungsim leh thu ong kuppih nuamlo cih lung sim nei thei uh ahih man in, tua bang kammal zat ding hoihlo hi.
   
   
6. Ngaihno aw- kapkap kei ve- nalugnsim neu lua!
   Hihbang kammal zong zatloh ding pawl mah hi aa- numei te pen- khitui luangbaih, khitui pen- agalvan uh cih bang hi tuanlo aa-( galvan aa azang numei te bel thutuam khat maw) alungsim sungah- thuak takpi ahih man aa akhitui aluang a hih man in, amau zong a kap lialua khawng aut masa hi lo uh aa- kah neh cih khawng zong amau zong ut tuanlo ding uh hi.
   
7. Ngaih aw- tua nalawm nu tuni hoih deuh veh aww!
   
   Alawm ahi zong anau,a u, ahi zong numei dang khat hoihsak na kammal pau kei zaw in. ka mittang ah- nanglo dang kua mah dang mel hoih om kei na cihcih ding pen- ut uh a hih man in- tuabang aa- numei dang hoihsak na kammal na pau ciang alungsim uh naumlo hi.
   
8. Ngaih aw- na maitang ah tangsiat ong dim kei hilo maw!!
   Hihbang kammal pen gen lohding namkhat mah hi aa, numei te pen- amaitang uh atawntung aa azeemnuam, ahoihsak nuam ahih man in, tua bang aa- tangsiat gollua na cih leh- maizum na in nei ding uh hi.
9. Ka pianna ka Nu mah ngai pen ingh.!!
   
   Na lawmnu in, leitung ah kua itpen na hiam ci-in ong dong leh, ka Nu it pen ing ci kei in, numeite pen- alawmpa un leitung ah kong it pen hi teh! cih kammal pen azaknop penpen kammal a hihi.( Nu te itna leh- lawmnu itna atuamtek khenthei ding)- nalawmnu in, kei zong, leitung ah ka it pen- ka Pa ong ci mawk leh- nang zong ama tung ah- bang cih ngaihsut ding na hiam?
   
   
10. Na lawmngaihlui( X-girlfriend) te min gen kik kik kei in!
    Numei te in, azak nop loh penpen uh kammal hi aa- tua pen- atawntung aa na ki dop mahmah ding thulian mahmah khat a hihi.
    
    ::ka khelhna te- ngaihdam bawm ah na khiat sak un maw....

[naalianzomi]

gen lohding pipi ong gen kha ka hih teh, na zangpah vo leh:D

[Tg. Thangno]

haha...gen lohding teng genmasa in nungak te'n simmasa lailai...man hangei leh..

[naalianzomi]

lungdam ei. nongsimsak uh.

[gracemungno]

hoih ei tua ka sim teh pawl khat phawk ing e he he lungdam ei  mai lam ah hong at zel o maw

[siingpi]

haha hi lua ey hoih mah mah ey lungdam

[Lianpu]

Hoih mah mah ei.

Thu cinthutang teng hi in lungdam peuhmah ei.

[Chin Kim]

Thupi thei mahmah ei. Hong behlap toto lai in mo.

[Cingbawi]

Hih thute kidop ding hi in lungdam huai hi. Hong zomtoto lai un leh.

[Taang Sianpu]

No. 10, A photo khong zong kem kem nawn se lo ding. Na lawm ngaihlui nu ong letsong piak zong kem lo mai ding. Seel cip ding. Zawlluinu i photo khong online ah mun khat peuh ah a om khak leh zong lakhia ding :p

Na deih tentan, na kep nop ngaungau lai leh zong hard copy in kemlo ding, scan ding in na email sung ah kuamah muhloh in inbox sung khat ah ciaptehna nei in kem cip ding :)

[Gin Munsong]

Pilhuai mahmah ven...ong hawm zelzel aw...