Tangthupha!!!

[T.K.Khual Gualnam]

Ei ZOMITE' I gamah Pasian thu honglut lou hileh tu a i dinmun bang hiding hiam??

[Cingbawi]

Pasian' thu hong lut zong a thu tuam ci ni. Eimah mimal khat kim ciat in Responsibility nei tek hi hangh. Tua ahih kei leh bel Thupha tatak zong hi khin zolo lai mai thei tak maw.

[Taang Sianpu]

Zomi-te pen biakna (religion) in hong lamsang hi masa lo a, i biak Pasian (God) in hong lamsang ahi masa hi kaci nuam hi. Hih ciang i tun theih na ding pen Pasian' hang mah hi. Tua sung ah biakna (religion) hang in zong lah i nuntakna a ki khangto hi veve hi kacihna khat om hi. Zomi-te nuntakna sung ah khenpi (2) ahih kei leh (3) bang in kikhen thei ding in ka lamen hi. Khenpi masa ah bel tanglai i pu leh pate hun...Bang hang hiam cih leh Tapidaw biakna Zogam ah hong lut ciil lam in Biakna bek hilo in Pilna leh Siamna (Education & skills) zong Sangmangte (Missionaries) in hong guan a, cidamna leh nisim nuntakna tawh kisai thu leh la hoih tampi mah hong guan uh hi. "Na guallelhna lampi, gualzawhna tawh na tawn ding...tha hat inla hang in hong ci..." cih la bang phawk mahmah hangh e.

Tuhun leuleu ciang in Kawlgam ki-ukna lemlohna leh Tapidawte, minam neute ki simmawhna hang tawh tampi tak in a nuntakna a bei lawh, a zawn lawh, a sup lawh, a tai lawh tampi mah om hi. Emotional torture pen om den hi. Zomi te pen galtai ci-in a diakdiak in gam 3nd ah ki tai khia ziahziah mai a tuhun ciang in gamdang tung a tamzaw pen Refugee tawh a pai khia ki tam zaw ta hi. Tua ahih man in Zomi sung ah zong a diakdiak gam hoihlo leh kiukna hoihlo ahi Myanmar (Burma) lam pan in gamdang tung ki tam zaw pah hi. India pen gam hohi zaw leh gam kician zaw ahih man in Zomi-te omna a diakdiak North East lam pan refugee ki tawm mahmah hi.

Pasian' thu tawh en kik leuleu leng pen i la sung a i sak zeel ahi, "Na guallehna lampi, gualzawhna tawh na tawn ding, thahat inla hang in hong ci..." A diakdiak in Kawlgam sung ah minam dangte' hong simmawhna leh i biakna (Tapidaw) hang in galtai inki pai khia zengzung a hi mah ta leh tua i guallehna pen mah Pasian in hong hehpih in gualzawhna leh minam khantohna tawh hong laihtoh sak kik a suak hi.

Tua ahih man in Zomi te koikoi ah i om a, koi gam koi gam ah i om zong in Pasan manghilh ngeilo in, i omomna pan i www.zomi.net dan mah in online tungtawn in khat leh khat ki thapia in, i ki panpih theih ding leh Pasian' hoihnate mah i pulak zeel a amahmah i phawk ding kisam mahmah hi. Tua hi leh hong makaih Topa in a maban hong zomto ding a, namdangte, midangte' leh gamdang mite' lah ah mi mangthang kihi ngeilo ding a, minam picing leh a khangto te ihi ding hi.
Hih pen keima muhna bek hi a, lawm dangte in zong i muhna ciat kaikhawm in, kikum in kaihkhop ding thupi mahmah a, manpha mahmah ding hi. Lungdam mahmah.

[T.K.Khual Gualnam]

kei ngaihsut na ah pen, i gamah Pasian thu ong lut lo hileh:-
1) Africa gama tribal te bangin ki-om lai dingin um mawk veng e....
2) Globalization huihkhi diik kha mahleng, hibang tela kikhang haat dingin um ingh kei veng e. Ahang bel, i kithoihna, leh dawi-leh-kaute i hawlkhiak na in ih hunteng a zangbei ding hi hangh...
adang zong tampi omlai, kikum touzel nihang..

[naalianzomi]

Pasian in, ong lamto hi lo aa, ong lawnto ( Pastor) te thu gen ngei mahbang in, gamkhangto na tuamtaum ah Pasian in ong puak a hih man in, Pasian i upna hang mah aa tu aa i din mun a ki tung hi ci-in mu ingh ei ken. na khempeuh pen Pasian ong vai hawmsak vive hi aa- Zomi te'n Pasian a tel hi lo aa- Pasian in Zomi te ong tel- ong it masa zaw cih mangngilh kei ni maw..... ih siamman i pilman aa ongit, ong lam to hilo aa, mong neilo ih Pasian in- hi ciang ong domto ih Pasian a hih lam mangngilh kei ni maw. Zomi te'nn..

[Cingbawi]

Ngaih sut na khat mawk ah bel globalization om lel ahih teh Pasian thu hong lut kei zong in ki khangto veve thei mai maw. Leitung bup ah gam tuamtuam ah Pasian' uplohna ahih hang a khangto zong om veve hi. Tua hi in Pasian zong hi mah na ven, amah hi kei leh zong leitung khantohna tawh kizui in ki khangto veve diam cih huai siam khat a bang?