Pilna leh Sum koi thupi zaw?

[Tg. GT]

Pilna thupi zaw maw, Sum thupi zaw?
Bang ci nasa a lawm?
Khat veivei ciang in Pilna lo tawh sum i neih hang a khiatna om lo tawh kibang.
Khat veivei ciang lah Pilna i sin nopna pen sum i neih nop man leh nuntak nuam i ngah nop man ahih man in, zum omlo pilna lah a khiatna nei tuanlo cih dan khat in om hi.

Hih thu te geel pen tel hak mahmah in, theih hak mahmah hi. Bang hi zaw ding hiam? Mimal muhna tek zong kibang lo thei ding hi, bang hi zaw ding a?

[Taang Sianpu]

Hih dotnapi pen theihsa tawh kibang mah ta leh hih dan dotna pen a hoih mahmah leh zong kikup tak mahmah in ngaihsun ingh. Bang hang hiam cih leh i Zomi bup sung ah Mipil hi icih or mipil icihte sum hau (hauhna tawh) a thuah ki omlo hi mai hi. Tua mah bang in Mihau icihte lah mipil ci in minthang, kigen khollo zaw hi (mihai cihna hilo, mipil in minthanglo cihna bek hi).

Zomi community sung bek hilo leitung bup ah en leng zong Billionaire ci-in i theih Bill Gates bang en leng sum hau mahmah himah hi. Mipil, misiam in zong i kithei mah ta leh amah a sang (college) pen man zolo in, sang pan aki tawpsak nahi gige hi. Tua ahih amn in mipil icih lian zong bang hi mawk ding hiam, pilna icih zong bang hi takpi ding hiam cih zong khat veivei theih hak tawh kibang kik leuleu hi.

Gamdangte leh midang zong bel thukhat ci ni, a diakdiak Zomi sung ah Mipilte sum hau, mihau ki omlo icih pen keima upmawh na pong khat leh i kisap kasak khat ah "Business mind or Business skill" ki neilo khat ahi diam cih huai hi. Pilna pen Sum a suah theih na ding bang cih laih/ convert theih ding cih siamna khat kisam lai leh kilawm a bang hi. Pilna - Siamna - Hauhna cih om ahih man in PILNA pen HAUHNA a suah theih na ding in pilna pen CASH a pian theih na ding in SIAMNA or Converter dan nam khat kisam leh kilawm maw? Bang ci isa hiam? I muhnate kikum khawm lai in, ki hawm sawn lai ni?

[Chin Kim]

Pilna bek zong toto ahih man in sum zon man hun ding omlo a, a sihlawh, a tei lawh, a vuai lawh zong om hi. Pilna a neih sese loh hang in mipilte sum leh paai tawh cial in, a deih dandan in sawl ziauziau thei leuleu hi. Sum hau te in mipilte cial in, a deihdeihna uh ah zang thei ziauziau hi. Mipilte in mihau te a deihdeihna ah zang theilo tawh kibang. Sum leitawi leh zong ngah khin tuanlo thei lai. Hih ngeigai te bang cih ding?

[moemangsen]

Apil manin sumneite'n ahauhna sauveipi nuntakpih zawhdeuh a, sumzat kicingmahmah innkuansungpan pilnasinte'n pilnataktak ngahding hamsathei. Sumneilo a pilnazonzonglah baihtuan hetlo. Apil manin ahauhlawhzong tampi om a, ahauhmanin apillawhzong tampi mahlah omzel. Mihau pipilah haigamtatthei kiciven, mipilpipi lah zawngmahmahthei zelven.

Tualeh bangcih mawkding? "Apil khempeuh haulo a, sumnei khempeuh pillo hi" cihding mawleh?

[Cingbawi]

Pasal te a ding in, pilna. Numei te a ding in sum kisam masa zaw leh kilawm :) Hehe... A pasal in pil ding in a lawmnu hau leh e ahih kei leh aki lehbulh hi leh e.

[§ʋѦ¶♪Δиɢ]

Pil na zong cihzong sum ngah theih na dingmah, Sum zong ten zong pilna mah kisam ci zel... nang or kei(mimal) tung ding sa ing. {depend one each of person} Khawl lo a khat peuh peuh sepding hi lel e, ih neih/theih bang bang zat siam kisam sa ing.

[T.K.Khual Gualnam]

@GT's Pilna thupi zaw lou ding maw, chih ngaihsut na ah hong lang pah biambuam mawk veh aw, ahang bel, pilna zangin sum-leh-pai ki-zong in ki-thaloh thei ahih man ken bel Pilna mah thupi zaw chi'ng... nou bang na chi ngaih uhiam?? ken bel pilna tel masa ning in, azom in sum ka pilna toh zong ding hing....

[naalianzomi]

LST sungah zong na khangno lai in pilna zong in ci buangsam hi ven..atawpna ah- keibang, nidang kawlgam pan aa pilna hoihtak aa kazon loh leh- tu aa ka tuah khak thu ka ngaihsut man kong dawnkik hi. pilna zonding pen ahun aom leh, kum 17 pha khat tan½ va kah hanhan leh ki nuihsan in, tua ciang amah atha dah in, sangkah nuamnawnlo tawh ki bang hi.. Hun om hi.. a hi ciangkhom maw... ahun om ka cih!

[Tg. GT]

kawlte in Pilna na deih leh, kum tam cih om ngeilo ci. Mangte in zong a pau nak khat ah never too old to learn ci. Tua pen bang cih ding? Ka cih ciang hong nial hi lo zaw in, ka lung a kham hi mai. Koi zaw cih mahmah thei zo lo. hong huh lai dih un. A tuamtuam in hong gen pih un.

[naalianzomi]

sum pen- khan tawn ki zong thei, na dam lai teng ki zong thei, nadam hang! pilna na zo'n thei loh hun ong om ding, na ut hang! na khuak in azawh loh hun ong om ding hi... atel siam ding Topan thu pha ong piata hen.