Pasal te'n= iteel ding numei namte bang cinam te ahihiam?

[naalianzomi]

1. Nu leh Pa ong deihsak te teel zaw ding maw? ei Ngaihngait te teel zaw ding?
2. Ei sa'ng in U zaw maw ? nau zaw te koi tel zaw ding?
3. Amel hoih te bek tel ding maw?
4. Pilna nei te bek tel ding maw?
5. Ei ngaih te maw= ong ngaih te teel zaw ding?
6. Sum leh pai hau te maw? thudik, thu khaul te teel zaw ding?
7. Mizawng mahmah khat hi leh teel veve ding maw?
8. Apil te maw? ahau te maw? a melhoih te maw?
9. Akam tawm mahmah maw? akam tam mah mah khat koi teel zaw ding?
10. Ama cihbek a ci tentan khat teel teitei ding maw?
11. Lawm leh gual hau mahmah khat teel ding maw?
12. A ci lum heha te maw? a ci vot dekdak teel zaw ding?
13. Kam kum kawikawi nuam khat teel ding maw?
14. Thu dot bawl ding a ut khat maw? ei cih bangbang ong mang khat maw ?
15. Atawntung aa, ngekbawl ding autte deih zaw maw? akisap hun aa-maibiak siam deih zaw maw`?
16. Ongnung zui simsim leh na gamtat na khempeuh ong encik khat teel ding maw?
17. Innkuan nuntakna pen- khat kia tavuan hi a ci nuam te teel zaw ding maw?
18. Koi cidan numei te na mudah penpen hiam?
19. Koi ci numei te enpi thei zaw?
20. Numei khat pen- amel maw? apilna koi teeel zaw ding?
21. Amel asiat aa leh teel veve ding maw?
22. Arna ding ut te deihzaw maw? siang gen pahpah asang thei te koi deih zaw?
23. Pasal dang tawh ahun,amun tawh ki tuak aa ki thuah leh sangsiam ding maw?
24. Ahehbaih, midang tawh amuangmawh baih te teel veve ding maw?
25. Innkuan sung nasep Numei te sepding cih bek hi ci aa han ciam nuam te bek na deih hiam?
26. Thu ngaihsun mahmah te na deih semsem hiam?
27. Atawntung in na ki thuahpih zo den ding hiam?
28. Ong uk nuam lua mahmah leh ee?
29. Asep ding teng asep khit teh suangtumpi bang aa atu netnaat khat hi leh ee?
30. Kam tam mahmah khat hi leh nasangsiam zo diam?
31. Atawntung in na geiah om den ding maw`?
32. Lawmngaih hau mahmah khat na hi leh ee?
33. Innkuan sung nuntak ziah azo te bek maw?
34. Innsung nasep bek sem ding maw? apua lam ah nasep semlo ding maw?`
35. Ki zep uk mahmah numei hi leh deih zaw maw`?
36. Sum zat hang mahmah hi leh ee?
37. Ei sumtha lawhsa te, ong ngenngen khat hi leh ee?
38. Thu kawikaih pahpah khat na hi leh ee?
39. Atawntung in zolzol, mai biakbiak den kei ding khat hi leh ee?
40. Numei khoih khat ih cih pen- koi cidan te hiam hih atung aa teng na sim khit teh. ong gen kik dih ve maw????

naalianzomi

DK.

ဲ

[naalianzomi]

Lungdam ei. Siingpi ong dawn kik na te zong thupi thei mahmah. ahi vive hi ei. lungdam mahmah ei.

[Zomi Community Network]

Hih laite thupi mahmah hi. Ngaihsutna hoih leh, pilvai mahmah in mi tampi in phattuam lawh mahmah ding hi. A kuppih a kuamah peuh thupi mahmah tek hi. Lungdam.

[siingpi]

“Nong dotna te thupi sa mahmah ing ei. Ahiang na dotna pawl khat ki nai huai leh tel cian phat loh om mawk in na deih dan a kong dawn theih kei leh na puah o nong dotnate hoihtak in decision zang thei leng zi hoih bel ngah mawk ni”Na dotna lah tam lua laiphi kawm tawh hun ki pia zo kei mawk ei…….na deihdan in kong dawng thei mawk tam maw,,,,,,

“ LO ZONG KHIAL LENG KUM KHAT KI ZAWN LAWH AA, ZI ZAWNG KHIAL LENG KHAN TAWN” KI CI EI ZO PAUNAK


1.nu leh pa ong deih sak te teel zaw ding maw? ei Ngaih ngait teel zaw di?
Nu le pa thumang a nah lawh peek a cih bangin nu le pa awi tawh ki teng le cin hoih pen ding hi. Nu le pa awi tawh ki teng leng innkuan sung nuam ban ah lei tungah khan sau ding ci lai hi (Exo20:12).
2. Ei sang in U zaw maw? Nau zaw koi teel zaw di?
ciamnuih leh cih tak a ki zang, “ A guh peh ding hi kei” ii cih tei hang a u zaw zi pen hoih lo zaw hi. Numei u zaw ahih leh cidamana ki kim lohna hangin nupa kalah ki kam tamna piang thei hi. Tua ahih manin, zi ding pen kum 2,3 bang nau zaw leh hoih zaw hi.
3.Mel hoih tebek teel zaw ding maw?
Khang lui ten, Melhoih ning tui kidawn thei lo a cih mah bangin melhoihna sang lungsim hoih thupi zaw hi. Pua tham mel hoihna, ki zepna sang lungsim Topan deih zaw hi (Ipet3:3-5), lungsim siangtho va bang pil na ci hi.
4. Pil na nei te bek teel maw?
Nang tungah ki ngasa pen ing. Eg. M.A khat in lai tan nei lo zi hong la leh lamdang hong ki sa ding hi. Zi cih pen haksat na mun leh nopna ah hong huh thei den ding thu pi mahmah hi. Eg. Na ci na lu khat na leh zatui neng bang neng khat peuhpeuh ah lai thei zek ki sam ding hi. Na zi pen midang sang na muan zawk ahih kul hi. Laitan nei lo khat in ZI degree nei khat tawh hong ki teng leh lamdang ki sa leuleu hi. Nang tungah ki nga sa zaw ing.
5.Ei ngaih te maw? Ong ngai te teel zaw di?
Hi thei hi leh nang lungkimna pen nang ngaih te tung bek ahih manin, nang ngaih pen na ngah zaw leh hoih pen hi. Ahizong khat ii ngaih zawkna tawh ki itna pen tulngei lo ding hi. Itna ki kim (same balance) hoih pen hi.
6.Sum leh pai hau te maw? thu dik, thu khual te teel zaw di?
Neih leh lam cih pen khualzin bang hi lel hi. Huih seem bang a leng mang thei hi lel hi aa, a diakdiak in Zomi te pen khang khat kan a hau ki tam lo a hihmanin, ahau khat na teel sang thudik, thukhual tee l zaw le cin hoih pen hi. Nang zong hau thei lua hi teh.
7.Mi zawng mah mah khat hi leh teel veve ding maw?
Mizawng khat hihna tawh tenpih ngam lah ken. Na lawm it pen zawn na (poor experience) sin khin ahihmanin hau le cin hauh dan siam ding hi. Na ngaih leh tenpih ngam lah kei ni cia. Zawn leh ngau a thupi masa hi kei.
8. A pil te maw? Ahau te maw? A mel hoih te maw?
“Na tangvaal lai tak in na mitnih hongin zi zong in” Hih zong nang tungah ki nga sa ingh, Mipil degree nei khat na hih leh degree nei khat mah deih ding hi the, ahau na hih leh ahau mah deih ding hi the, a melhoih na hih leh melhoih mah deih ding hi teh, nang lung tung pen mah tel in. Laisiangtho in Zi hoih pen (Paunak31) bup ah gen hi. Simin.
9.A Kum tawm mah mah maw? A Kum tam mah mah khat koi teel zaw ding?
Nupa sungah kum tam ki khai lua pen hoih lo hi. Nu pa kalah ki lungkim sak zo lo buai na lian pen khat hi. ( Nu leh Pa ki kal (sex) vai ah pen kum ki khai lua hoih lo hi. A U zaw a hi aa, a nau zaw ahi zong kum ki khai lua hoih ngiat lo hi. (Book: Life and home value)
10.A Mah cih bek a ci ten tan khat teel teitei ding maw?
Ama thu a sa zi pen hoih lo hi. Nupa cih pen lutang nih a hih hang pum khat ding ahihmanin thu kimang siam ding mah hoih pen hi. Ama cih bek a ci zi pen et in zong nei ken. Ki kam kum thei lo zi pen lak loh ding hoih zaw phial sa ing.
11. Lawm leh gual hau mah mah khat teel zaw ding maw?
Paunak Proverbs 18:24; 17:9, 17; 27:6, 9, 10, 14, 17; 26:18-19; 25:8-10, 17, 19; 19:22; 20:6; 14:22, a paak tatna tawh lawm hau ahih kei nak leh bel lawm haut e hoih sa ing. Lawm hoih ii cih pen “A friend in need is a friend indeed”
12.A ci lum he ha te maw? A ci vot dekdak te teel zaw ding?
A ci lum nam ngiat om aa, ci vot nam ngiat zong ki om hi, hih te gel ki leh bulh lian leh hoih lo dia..hehehheeh
13.A kan kuat kawi kawi nuam khat teel zaw ding?
Ki it ki ngai cih te ki mang zo leng ah hoih pen hi. Sarah in zong a lawmpa Abraham thu gen na te mang den in “Katopa” ci lai hi. Hong zah tak hong thupi sim tem ah tel in.
14.Thu dot bawl ding a ut den khat maw? Ei cih bangbang ong mang khat maw?
Nang cih dan hong mang den ZI zong gina cih pah ding zong hilo aa, ama tungah thu dawt ut den khat zong Zi gina hi khin lo hi. Tua ahihmanin ki mang diamdiam ding thupi pen hi.
15. A tawn tung a ngek bawl ding aut te deih zaw maw? Aki sap hun aa-mai biak siam zaw maw?
Kam siam ngai dah leh lam phei tawndah om lo a cih mah bang in ngek bawl leh mai biak ki deih tek den hi. Nupa kal ah kammal hoih veve zang siam leng innkuan sung nuam zaw ding hi.
16.Ong nung zui sim2 leh na gam tat na khem peuh ong en cik khat teel zaw ding maw?
Nu pi pa pi khit the ki muan mawh na ding in om loh ding thupi hi. Na nungak, na tangval lai dan in kamsiam lua ken, na kamsiam luat leh na nung hong ki zui simsim ding aa hong ki encik ding hi. “Na zi zawn lai tak na mit tang nih tawh zawng in la, na zi neihkhit teh alang bek ha king”
17.Inn kuan nun tak na pen khat kia ta vuan hi a ci nuam te teel zaw ding maw?
Khat kia ta vuan ci a, a tha dah tenpih vet ken, Nupa ki lung tuak khua khat in zo lo a cih mah bang in khat ta vuan a ci tentan te bang kuasung nuam ngei lo ding hi. Sem khawm pang khawm mah thupi pen hi.
18. Koi ci dan nu mei te na mu dah pen2 hiam ?
A nuak hat te leh a kin geek sak te mu dah zee ling. Pasal te om loh kal aa a ki nungak sak te zong ka muhdah mahmah pawl tak khat hi.
19. Koi ci nu mei te en pi thei zaw ?
Pasian lam ah ki pia aa, a masang a lian zaw a uzaw a zahtak siam te enpi thei ing.
20. NU mei khat pen a mel hoih na tel zaw di maw? A pil na koi teel zaw ding?
Nu leh pan pen melhoih sang a pil mah hong deih sak zaw ding hi. Melhoih cih pen tu lai dan bang leh limlang ah hong ki en nuam ding aa, khedap tul sang mah deih in ki zep lam zong model nuam ding hi. Nu leh pan hih dan te deih masa kei, nu leh pa tawh na ki lem na ding zi tel in.
21. A mel a siat leh tel zaw veve ding maw?
A melsia pen ngai masa in hong um keng hi.Ngai kei le cin lah ten pih veve ding maw ci kei ni teh, nang tung ki nga ei. Na neih loh sang hoih zaw ve.hehehhe
22.Arna ding ut te deih zaw maw? Siang gen pah2 sang thei te koi deih zaw?
Siang gen pahpah ding te hoih zaw buang ke lawm………
23.PASal dang tawh a hun,a mun tawh ki tawh ki tuak aa, ki thuah leh sang siam di maw?
setsanzii hong val luat leh bel tai zek kul ve,a hizong amun ahun na theih siam kul om ding aa, san siam loh ding om ding hi. A ma lungsim puak zia na theihkhit sa ahih teh nang khensat na thupi lo dia.
24.A heh baih, mi dang tawh a muang mawh baih te teel veve ding maw?
Mi tawh hong muang mawh baih lua pen nang ngaihna sang na lawmnu ngaihna lian zaw cih tel in la, tenpih ngam lah ken.
25.INN kuan sung na sep Nu mei te sep ding cih bek hi ci aa han ciam nuam te bek na deih hiam?
Tua dan lungsim a pua numei pen deih huai mahmah hi. A hizong tua dan hong cih zenzen hang numei te sep ding bek hi lo hi. “Pasal ten zong an huan thei ding, puansawp thei ding, anseep thei ding numei te sep theih teng sem kim thei ding in a mau dam loh te a hih kei leh huh ding a kulna ah huh thei ding thupi hi” EGWhite
26. Thu ngaih sun mah mah te na deih semsem hiam?
Thu ngaih sun mel lo aa lungnuntak cih zong om mihing te lak ah a om thei lua hi. Paunak sungah Ngimna gelna om lohna ah khuami te kisia acih mah bangin, thungaih sun nuntak zia ding khantoh zia ding vision a nei te ithuai, ngaih huai semsem hi.
27.A tawn tung in na ki thuah pih zo den ding hiam?
Na itna ngaih nak leh thuah pih den zo ding hi teh. Na gaih loh khat pen cimtak baih thei ding hi teh. Atawntungah na ki thuahpih ngam pen na itpen na zi hi ding hi. A tawn tung in na ki thuahpih ngam kei ding leh zi nei kei le teh …..
28.Ong Uk nuam lua mah mah leh eee..?
Uk nuam cih zong pen, nang na tei loh luat man hi ding ahih teh, ong uk luat theih loh na ding in zahtak kai hisitset den in. Pasal a ki cian lo te pen zi ten uk zaw deuh hi. Ki ciat sawm in.
29. A Sep ding teng a sep khit teh suang tum pi bang aa tu netnat khat hi leh ee?
Sep ding a om kei leh bel a khawl ngak kul mah ding hi. Sep ding om lo phawt ahih man, a hizong zihoih pen tawl ngak hun nei lo khawl man hun nei khol lo zaw hi. A ma khawlna lel bel maban tun a hih teh mawh sak pah ding hi sam kei.
30. Kam tam mah mah khat hi leh na sang siam zo diam?
Amun a hun thei lo aa a theu thei lo guah bang aa paupau bel vang hong pia lo a hih manin hilh kul ding hi. Tua hong mang kei leh lah nang thu ci ni. Kamtam pau ten tampi khial a pau ip thei te mipil hi.
31.A tawn tung in na gei ah om den ding maw?
A tawn tungin na om sak den zawh leh bel ahau lam na hih teh na zi pen a hampha suak ding hi. Numei gina khat pen na sep hong zong hamtang ding hi. Atawn tung in bel na gei ah om hong um nuam thei mah ve, na sep thadah man lel tak a hih leh ngaih sut huai………….
32.Lawm ngaih hau mah mah khat na hi leh ee?
A nungak lai takin lawm ngaih ahau ahih a na lung akiat ngap leh na ki teen ma in kan tel masa in, tua na theih pipi tawh hong it a hong zui ngam khin ahih nak leh lawm dang ngai dingin patauh huai lua kei
33.Inn kuan sung ah nun tak zia a zong te bek maw?
Nu pa hih khit teh pen khat bek sep ding cih na hi lo hi. Ki huh khawm liailiai ding hi aa, nuntak zia bel tham lo in nung leh mai lam ah zong na nih un ki zop siam kul ding hi. Innkuan sung nuntak na bek thupi sa in setsanzii na nih un siam lo aa na nung na mai uh na ki kei uh leh hoih khin lo hi.
34. Inn sung na sep bek sem ding maw? A pua lam ah sep sem lo ding maw?
Inn sung nasep bek sem ding hi pah sam lo aa, apua lam ah zong na sem ding hi lel hi. A hun zuizui dan hi mai hi…”Sum kuang in a lii khuat numei in a man nawt”
35.Ki zep uk mah mah nu mei hi leh deih zaw maw?
Numei pawl khat pen a nupima ki zem cih tak ki zem in a hizong a nupi khit the ki zem nuam nawn lo cih zong om thei lua hi. A kizem mah deih huai zaw ee..Melbek tham lo in um leh bel siangsak den ding aa, veng leh pam etteh tak cing in om ding hi. EGWhite
36. Sum zat hang mah mah hi leh ee?
Innkuan sung hong ki tawng sak den pen sum le paai vai mah hi pen hi. Sum zang siam lo khat pen nupi cing papi cing hi nai lo ding hi. Sum ngah na zong ngaih sut kul hi. A bei sak pah pah sang a zawng lam siam zaw leng hoih sa ing.
37.Ei sum tha lawh s te ong ngen2 khat hi leh ee?
Nupa na hih man un sum tuam neih thei lo hi uh teh, sum tuam kep a leh lungsim ki muan zawh lohna hi. Tua ahih manin na sum muh sunsun kemsak in la na zi muang mahmah le cin hoih hi.
38. Thu kawi kaih pah2 khat hi leh ee?
Lungsim kawi kaihkaih khat pen na ki teen ma in theih sawm in.
39.A Tawn tung in zolzol mai biakbiak den kei ding hi leh ee?
Mai zolzol biakbiak ut pen zi ding in deih huai masa lo hi. Mi muhna ah zong ki lawm lo tua ahih teh ki ten ma thukhin khai masa in.
40.NU mei hoih khat ih cih pen koi cih dan te hiam hi a tung a teng na sim khit teh ong gen kik ve vua guai
ZI HOIH PEN NGAIH DING HAKSA MAHMAH HI, ZI HOIH MUTE NA HOIH MU HI, SUANGMANPHA SANG MANPHA ZAW HI. PAUNAK31 SUNG NA SIM O LAWM………

[naalianzomi]

Tg.Thangno- lainong at kik te hoih thei mahmah ei. tha ngah huai thei mahmah ei. lungdam.

[Tg. Thangno]

Nu leh pa' hongdeihsak te i deih/ngaih/it theih leh bel hoihpen in um ing. A hizong' nu leh pa in a mau deih bek ci lo in a ta te' it leh ngai te mah hongdeihsak leh zong hoihzaw sem lai in um ing. Tu hun ah galte cih bang a om hi nawnlo a hihteh maw..

Kei bangbel ka nu in ka neu pan a kei kata te zi dingtawh buaikeng...Ka tate thungaihsun thei loding in ngaihsun keng, nam bat khat ah a mau ki-it mahmah ding leh a nu leh a pa hongit pih mahmah ding hongci ziau lel..vaisiang sa peuhmahing...hahaha..

Tua ciang...leuleu ah maw..Nupi, Papi te in bel nosang in anauzaw hihamtang leh hoih pen hi..ci leuleu hi..
kumbangzah bang kikhai leh a hoih tam ci lenng atamzaw in bel kum 5 kikhaai ciang banghi leh hoih pen..ci hi..

A hizongin bel kei zong kingaihpih cihdan a nei/thei nai hisam keng..a hizong ciamnuih/kheltat uuk pian pawl ka hih cia...tuadan khawng hongki gen leh bel ciamnuih cihtak a adongdong pawl hi leuleu ing..huhuhuuuu...

Kaikhawmkhawm in gawm tuahtuah leeng ai ve!!!!hmmm