Ngal hapak dawksa, khentum kik ni

[Taang Sianpu]

Ngal hapak dawksa, khentum kik ni
Khanglui Zomi makaite in zua leh sa pen khat leh khat ki lawmtakna ding, khat leh khat kinai zawk theih na ding leh mawhmaisakna ahih kei leh, khat leh khat ki theihsiamna ding in zang uh hi. Tua ahih man in amau a ding in zu leh asa a nek a dawn ding uh pen bang mah siatna om tuanlo bek thamlo in, a hohi zaw tawh kibang ahi hi. Ahih hang in tulai khangthakte in ahih leh zu leh sa pen ki khenna, ki telkhialhna, khutkhialhna, kamkhialhna suaksak uh ahih man in tu hun a ding in zu leh sa pen a hoihlo hong suak hi.
Paunak khat ah “zang siam leng zatui, a khengval in zang kha leng gu” naci uh hi. Tanglai Zomi masate in “Nal hapak dawksa tumkik ngeilo” ci napi uh in bang hang in “ngal hapak sawksa kehn tum kik ni” ci zenzen ihi hiam? Hhi kammal pen I pu I pate’ paunak, I Zomi paunak tawh ki lehbulh hilo ahi hiam? I pu I pate in zu leh sa a zat ngei zia leh tu lai I zat zia ki lehbulh ahih man in, zatloh ding hoih zaw hi icih mah bang in, ngal ha pakdawksa tum kik ngeilo cih pawunak pen tulai a awl khat ten’ I zat zia tawh ki lehbulh ahih manin, a hapak dawksa khet tun kik ding hohi zaw hi aci ihi hi.
Tua ahih leh koi mun leh bang hun ciang khen in tua hapak dawksa khettum kul hiam cih thupi ding hi. Tu lai Zomite’ nuntak, kimakaihzia leh paidan paqwlkhat; biakna, minam leh gam kipawlna cihte ah aki vaipuakziate I et kawikawi tak ciang in “ngal ha paksa dawksa tum kik ngeilo’ cih kammal I a deihna tawh ki lehbulh in mapaizia tuamtuam imu thei hi Pawl khat leuleu in “na san sa thu lenkip in” ci-in la natawm ah om hilo ahi hiam aci om thei ding i. A taktak in ci leng tua I sansa thu bang hi a, a deihna bang hiam cih kantello pi paunak khat peuh, kammal hoih khat peuh mittaw sialkhau/ mei let bang in a len om thei hi. I nisim nuntakna ah I letkup ding thu tampi a om mah bangin, I khah suak ding akisam thu zong pawl khat a omna mu nom thei hi.
Gnt. In nupa kop khat a heh mahmah tuak laitak un kam tampi pau khial thei hi. “Nang kong tanih khak kisik lua ingh, nang hogn taisan, ma ding ka hi, hong vua ding kahi etc.” cih bang dan lungsona tuamtuam tawh a paukhak thu om thei ding hi. Tua akitot hun uh a veng khit nugn in khat in a lawm kiang ah “hong ma ning kacih sa, ka kampau pan a pusuaksa, a piang ma teng…” ci-in hah hanciam bawl tentan henla, a kaht in zong “hogn vua ding kong cih khitsa, a tangtun ma teng…” ci mawk leh tuate gel I mailam ding pen ki tapkhapna leh kisiatna lo ngala dang omlo ding hi. Pasal hi tangh, ka khialh a leh ka khialh, ka kam in ka gensa khat dokkik lo ding… takkheh…ngal hapak dawksa zong tum kik ngeilo hi e...vaci tentan leh thusia lo buagn a lemlawh ding uh omlo ding hi. Tua ahh man in hih bang dan thute ah I ngal hapak dawksa, I tum sak theih kul kha ding hi.
Zomi te’ ki makaihzia a tuamtuam, kipawlna tuamtuam ahi a, minam sung ahi zogn in tua bang dan in ama kampan pusuak kha ngei thu khat “sorry” acih kik ding sang in tua a gen thu khat, a sanngeisa thu khat adik in agen kik zawh ma teng khiamlo ding, laihkik deklo e, Pasal… aci tentan om kha thei hi. Hih bang hun leh munte ah I ki kheltheih (flexible) kul a, a hoih zaw ding ahh nak leh I pau,gen,geelsa, gelhsa khat ahi zong in lakkhiat kik theih ding thu hoih ah zaw hi.
Mihing makai gen loh Pasian mahmah in a lungsim a khekikna mun tampi ah kimu thei hi (mite hoih na ding lam ahih nak elh). Lai Siangtho sung mun tampi te ah kimu thei hi. Hezekiah kumpipa (?) asih ding ni Pasian in a gensa ni a tunma in kisikkik ahih man in tuani sawtto kik cih kimu thei hi. Moses in a mipihte tang in a thumsakna hang in Pasian in ngaihdamna pia kik hi. Nenaveh khuapi kihal na ding pan in Pasian kammal pan a pusuaksa kikhel kik in khuamite in kisialo in nuntakna ngah kik hi. A hoih ding lam ahih nak leh Pasian na tawm a lungsim akhel kik thei Pasian ahi hi.
Aki tangsapna dungzui in I kikhel theih kei leh thu sia in hong zo ding a, I ngalha pak dawksa ei leh ei in I khet tum kik ding a kul hiam, mite in I hapak hong muh ciang in hong lawu ahih man in hong ki bawh sak hiam, hong ki sattan sak hiam, hong ki bawh sak hun om thei kha ding hi. Na khat peuhpeuh ah ahoih zaw ding ahih nak leh kikhelna a kisapna mu nom thei a, I kikhelna ding a kisapna mun zong om thei ding hi. Hong khel hun zong a om thei ding a, hong kikhel hun zong a om thei ding hi. Khantoh nading leh, mipi’ hoih zawk na ding thu kha tpeuh ah a hoh lam in zat siam kei kha leng, akisap mun ah, akisap hun in I NGAL HAPAK DAWKSA I KHET TUM KIK THEIH DING thupi ding hi.
Zomi leh Zogam a ding in,
Tg. Sianpu
Zophualvate’ tuallenna mun…