Mi Khat Suah Na Ding Kal (17) te

[ngalliam]

1.Tupna kip khat neih teutau-na
* I kipatcin mah-in zawhngaap pah in, i zuih ding lampi siang theih sensan ding.

2. Ngaih sutkhaak/khingkhai theihna/ lungtangh paaipi khat nei ding.
* Mi nih leh thum pan a tungsiah tawh kipawl khawm-in amau huhna leh ki pawlkhawm-aa lung kihualna zong ding.
3. Ki muanngam-na nei ding
I lungsim sung-aa i ngimna, i lunggulh, ih-geelna teeng, sumtangh bang in ngaih sun-a, kung lam manawh-aa taai ding. Muituum bang-aa ngim khawm ding.

4 .Ei mahmah ki thalawp-suahna
* Ei mahmah ih lawp vanvan-na in, ih maailam-ah a-kithuak theilo gualzawhna I ngah na ding lah hi-in, mite tawh kizop na–ah maaineu na ding pan zong hong daal sak hi.

5.Kalsau sak diatduat lel ding.
*Na a-hoih lam vive in ngaihsun-in, ngahzah ding lamen kawm-in sepna nei pah-in, ih sep tanhtanh ih lawhcingh na in ngaihsun pahpah ding.

6. Ei mahmah ki pan pah tenghtengh ding.
*Ih sung-a akimu theilo a thahaat mahmah "Na" khat om-in tua-in ih gualzawh na ding–aa thazaa hoih mahmah khat hi "muhkholh theihna" ahihi.

7.Kua mah-in hong theihpih loh thubullet khat nei gige ding.
* Ei leh ei ki khalzawhna limhphatak-in keemcing den-in, tua tawh ih ngaihsutna leh ih lungsim ki phawng sak tawntung ding.

8. Lunglutna leh ukna khat nei ding.
*Lungsim khempeuh-i ki gawmtuahna leh ih ngaihsutna thagui citeeng peen ngimna saang peen-ii "lim leh meel leh ngaihsuttawp-na" hi sak ding.

9. Lungtup mahmah na/uk vanvan na ( Ui meei kanng bang)
* Lungtup mahmahna ih neih teh tua in hong huh bek hilo in,ih maailam geelna teeng hong mutel sak hi.

10. Ih sunmangh-in ih uk khat geelgeel/ ngaihsutsutna
* I lungsim ngaihsutna tawh ei tumtak-in na semsem in, tupna khempeuh ah, gaal-maai, sa-maai aa om bang-in ki ging deen-aa, i ngaihsut ngei khat taw-phah kawm-in ngaihsutna thak lala ding.

11. Haksatna hong tunteh koici nan ding cih ki ging kinkeen ding.
* Haanciamna leh lutang phumngam-aa na sepna peen mikim neih hi in, tuate tungtawn aa na thempueh ii paaizia ki theitoto ahihman-in tua bangsa kawmkawm-aa, damdam damdam-a ih zuih tohtoh kei leh picing dihmun kitung ngeilo ding.

12. Hun leh sum na zeekna daan ding geel-in
*Migualzo nuamte–in, na khat peuhpeuh-ah ama geel bang-in hong hih siah saplo ding cih thei uh hi. Tua ahih man-in, thu khat peuhpeuh–ah thuneuno khat hang peuh tawh amai vaaite kipelhsak tualloleuleu uh hi.

13.Khuasakzia leh lungsimsiangthona
*Ei pumpi ki uk zawh nang-in ih lungsim ngaihsutna tung-a kinga–in, tua peen hauhna kipat na hipah hi.

14. Kiciantak-aa ngaihsutna
*Ki ciantak-aa ngaihsutna nei mi-in hih ih leeitung nuntakna-ah thuhoih leh thuhoihlo ki kalhelh ahih lam tel mahmah ahih man-in a tawntung-in thukhingkhai–in thu leh la paai zia te ah sazawi-aa sa pang bang-in ki ging kinken uh hi.

15.Lungsim pumpi cidamna
*Ngaihsuttheihna leh thu hoihnono ih muh zawh na peen ih lungsim pumpi cidam na tung pan bek hong luang kia thei hi.
16.Kikupkhopna
*Sep zawh bawl zawhna leh picing dinmun cih peen khat leh khat kikum khawmkhawm–aa, tawmtawm tawmtawm-a ki hawpsawnna tungtawn pan hong piang khia na hihi.

17.Leeitung khua hun paai zia lungngai ding

*Leeitung khuahun ki heekzia peen leeitung vaannuai-ii zuih thuthun hi-in, tua dung zuui-aa ih mihing te zuih ding thu om te aki sam bangbang-aa, amunmun ahunhun-aa, bulh thei mengmeng-aa, ih leen leklek theih ding ki sam hi.

“Hih daan lampi ih zuih ding peen acil-lam bel ki ngaploh nena–in, om ding hi mahta leh damdam damdam, tawmtawm tawmtawm, themthem themthem-in ih kaalsuan zawh leh lah, nuam kisa toto ding-aa ih theihloh kaal-in ih masuan tampi nana ki hial beengbaang ding-a, tua pan na nung na leh et kik teh, na tha honglawp san-in vill vill vill vill nasa ding hi.”

Translated: Nepollian Hill- 17 STEPS FOR RICHES

ngalliam
Seoul

[man nuam]

hi bang a thei huai thu te nong at thank.Hong at kik zel o maw.

[ngalliam]

Tua bang nong cih teh, ka lungdam mahmah eei , Cinglek bang-aa Pasian it, Minam it, khantohna deih Zomi tuai laai momno, Lia leh Taang tampi hong piang kia ta heen ciin, thu ka ngeen hi.

[cinglek]

Hihbang a lai thupi leh theih huai te nong post khiat man in lungdam mahmah ei.
Topa thupha!!

[mung pi]

U ngalliam aw na laiat hoihtak ei ka sim ciang maw nuamsa ngiat mai ing hih bang dan in ka nuntak tak zawh na'ng in na hanciam tong ei nuntak pih ing lai hoih nono leh lai thupi nono ong atat zel o maw lungdam mamah ing ei Topa'n thupha ongpia ta hen maw.

[Naulak Dim]

U NgalLiam, thupi leh man nei post khat hi. Tua bang lian in han ciam pah lian ning. Hih bang aa nong share Lung dam mah mah ei. Topa' thupha maw.