Leitungbup Zomi Innkuan Kipawlna – Zomi Innpi Kiphut zo

[Zomi Community Network]

Leitungbup Zomi Innkuan Kipawlna

(Zomi Communities Organization)

USA, Canada, UK, Denmark, Norway, Sweden, Germany, India, Singapore, Malaysia, New Zealand, Philippines, Korea

Executive Council : Thupulakna (Press Release)

A Thu               : Leitungbup Zomi Innkuan Kipawlna – Zomi Innpi

A Simna           : LZI/Press/EC-03; April 20, 2011

1. April 16, 2011 ni in, Leitungbup Zomi Innkuan Kipawlna (LZI) in ahuam muntuam gamtuam a om Zomi Innkuan kipawlnate leh Zomi-te khua leh tui kipawlnate panin a kipuak Tangmite (Representatives),  leh LZI Kipawlna a makaih dingin a kiteel Makaipi Pawl (Executive Council) tawh Zomi Innpi (General Assembly) kiphut zo hi.

2. LZI Kipawlna Thukhunpi (Constitution) zui-in, LZI Kipawlna tawh kisai thu leh la khempeuh Zomi Innpi tung ah kinga a, Zomi Innpi pen LZI Kipawlna sung a kipawlkhawm Zomi Innkuan kipawlnate leh Zomi-te khua leh tui kipawlnate khempeuh tang’in a ding ahi hi.

3. LZI Kipawlna Thukhunpi tawh kituak in Zomi Innpi sung a panmunlente thuneihnate (Rights) zangin, panmunlente vaipuakte leh mawhpuakte (Duties and Responsibilities) asem, abawl, mapang dingin kipawlna tuamtuam pan Tangmite leh Makaipi Pawl panmunlente tung ah April 16, 2011 ni a kipan in thu kipia hi.

4. Leitung muntuam gamtuam a om Zomi Innkuan kipawlnate leh Zomi-te khua leh tui kipawlnate tung ah, LZI Kipawlna sung ah kipawlkhawm in Zomi Innpi sung ah Tangmi ahong puakna dingun Sept. 20, 2010 ni in amasa pen Tangmi Ngetna lai kipuak a, Feb. 4, 2011 ni in a nihna kipuak hi. LZI Kipawlna makaihna tawh kisai teelcing EC tung ah panmun a ki-ap zawh kum khat acin’ ni, April 10, 2011 ni ciang a hong kipuak Tangmi teng kaikhawm in Zomi Innpi dingsak in nasep maban a kipanta ahi hi.

5. Tu ni ciangciang, muntuam gamtuam a om kipawlna (19) panin Tangmi (29) hong kipuakkhin a, teelcing EC panmunlen (15) teng tawh kigawm in, Zomi Innpi ah mapang mimal (44) kipha hi. LZI Kipawlna Makaipite leh Tangmite pen gam (11) panin akah hi a, Zomi-te sung a taangpi kipawlna a lianpen ahi hi. Zomi Innpi sung a mapang panmunlente min khumna atuam in kisuaksak hi.

6. LZI Kipawlna sung ah kipawlkhawm in, Zomi Innpi ah Tangmi ahong puak nuam kipawlnate in ahun ciangtan omlo in Makaipi Pawl tung ah zasak in Tangmi kipuak thei a, Thukhunpi leh Dante tawh kituak in a kisittel khitciangin ahun zui-in kisang ding hi.

7. A masa pen Zomi Innpi Thukikupna pen ahong tung ding June kha kaal masa sung in bawl dingin kigeel hi. Zomi Innpi Thukikupna sung ah Makaipi Pawl (EC) in LZI Kipawlna Maban kalsuannate pulak in, mailam Maban kalsuanna ding geelnate tawh kisai thu sung ding a, Zomi Innpi thukimna bangin LZI Kipawlna kikalsuan ding hi.

Itna leh zahtakna tawh:

Executive Committee
Leitungbup Zomi Innkuan Kipawlna

Source: http://leitungbupzomiinnkuan.org