Kuhkal cihtakna hang in pahtawina a ngah Zomi ki behlap

A tung a pahtawina ladal pi pen Tg. Cin Lal Lian [Lalpu], TX, US in February kha sung in ana ngah ahi hi.

A facebook tung ah agenna ah:

Ka na sep na JBS Company (USA) pan February 2013 in hong ki pia hi puan khat tawh. na sem mi mivom mikang Asian mi tawh mi nam tuam tuam mi 3000 val lak pan mi 20 kim ki tel in Topa ompih na leh Topa thupha tawh ka na ki hel kha a zomi 3 bang ka na ki hel uh hi.

Tg. Lalpu pen Zomi leh Zogam ading in, Zomi Innkuan ahi a, biakna lam hi ta leh a thalawp mahmah leh a mapang gige den khat zong ahi hi. Pahtawina hong ngah lailai ciang in ki angtan pih mahmah hi. Amah leh a lawmteng Topan' thupha hong piak sak beh lai ta hen!

Zomi-te in mivom, mikang te' lak ah sep leh bawlnate ah gen bang, minsiatna leh min daina sang in, gualzawhna leh pahtakna thute i zak ciang in ki lungdam a, ki angtang mahmah hi.

Zomi leh Zogam a it nang leh kei in zong i sepna mun ciat ah hanciam kuhkal in, pahtawina ingah a, i ngah kei zong in, kuamah in hong thei a, hong theikei zong in a gual Zomi (victor) ihihna kem den ding hi hangh. Mailam ah hih bang thu hoih, la hoih a tam theithei a za thei dingin tung Sianmang in hong siam ta hen. Mimal kim in zong hanciam ciat ni!

Views: 132

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2022   Created by Zomi Community Network.   Powered by

Badges  |  Report an Issue  |  Terms of Service