Zomi.Net Your Network, Empowered by YOU!
Korea Airport mah ahoihpen hizel
Korea Airport mah ahoihpen hizel
ZomiDaily :: South Korea gam Seoul khuapi aom "Incheon International Airport" in leitung vanlengtual lakah ahoih penpen Airport Award ngahkik leuleu hi. Hih ahoihpen kitelna ah 2005 pan kipanin kum 6 sung akizom sitset in angahtoh hi-in, hihdanin kum 6 kizomin a ngah Airport khatzong leitungah omnailo hi ci'n North 
Korea te'n kipaktakin genkhia uhhi. Singapore leh Hong Kong gamte inzong ki lemen takin asimdem thapai uh himah taleh South Korea ii Incheon Airport mahin kum 6 kizomto in ongngahzel ahihi.
Canada gam aom Montreal khuapi phualpi-in anei "Airports International Council (AIC)" cih kipawlna pan "Airport Service Quality" ci-in leitung muntuamtuam pan Airport 1700 bang kipawlkhawm in, tualak ah kumkhatin khatveita ahoih asiangtho azekcing penpen akitelkhia zelzel ahihi. Dubai Airport inzong 2001 pan 2003 dong ahoihpen ngahngei a, ahihhang kum 3 ciangbek ahihi.
Incheon Airport pen leitung Airport agolpente lakah akihel hi-in, Airport sungah Golf Course, Spa, Casino, Indoor Garden cihteleh khualzinte luptheihpak nadingin Private Sleeping Rooms khawngzong om hi. Tuaban ah Korea te ngeina tuamtuam lahna ahi "Museum of Korean Culture" cihzong Airport sungmahah koihzo uhhi. Kumkhat sungin khualzinmi 40 Million bangin hih Incheon Airport nawk uhhi ci-in thuneite'n genkhia hi. Zomi Daily
Comment
© 2024 Created by Zomi Community Network.
Powered by
You need to be a member of Zomi Community Network - Your Network to add comments!
Join Zomi Community Network - Your Network