Kawlpi, T.E.C Boarding pan (Tan 10) Ong, Pahtawina Kibawl (Photos)

[Zomi Center]

Kawlpi Pilna sawmte' lakah Zomite neih a mainawt pawl ahi, "Top Education Center (TEC) boardingte in  2010-2011 tan sawm laizawh pahtawina pen July 19,2011 ni-in Emmanuel Baptist Church ah limcitakin bawl uh hi.

Tukum tan sawm laivuan mi 28 lakah 16 in ong uh a, tuasungpanin 4D =1, 1D= 3 kihel hi. Percentage tawh cileng 58 % bang hi ding hi. Tu'n hih bawda pen a patzawh uh kum nihna hipanin, a beisa kumin zong laipi lakah a tamzaw in ong ahih manin Kawlpi ah a hoih pawllamin kigen a, a mainawt khat ahi hi. Tukum zong tan 6-10 dong hong uh a, sangnaupang 104 pha khin a; mun dangdang pan aphi kik nuam pawlkhat zong kahsawm lai uh, cih thu kiza hi.

Tua ni-in Pasian' tungah lungdamkohna leh laizote pahtawina a tuamtuam om a, Pastor tuamtuamte in makaih uh hi. Hanthotna pen Rev.Sian Za Mung (Pastor, Leipi Baptist) in muibuntakin hong nei a, tha kingah mahmah hi. Bawda nei innkuan sungah MBBS ongsa pasal nih bang om a, a dangte zong nurse cihbang hi-in, sangnaupangte cina-luna khat om leh nuamtuam sa mahmah uh hi.

 

 

 

 

 

 

 

 

 

 

 

 

 

 

 

 

 

 

 

 

Hun manciangin mipi a paikhempeuh aksa hulseu, zohuan tawh hong vaak zihziah uh hi. Hihbang gualzawhna in i minam adingin khantohna leh angtanhuai khat ahih manin i lungdampih ciat hi, cih hong kisapna leh ka kihelkhakna tungtawnin kong hawmsawn hi. Topa'n TEC thupha hong piaksak semsem lai ta hen, cih deihsak thu i puak hi.
(Service bawlna maan tawm hong khak ing).

 

 

 

 

 

 

 

 

 

 

 

 

 

 

 

 

 

 

 

Deihsak thupuak,

Peter Khampu
Kalaymyo.

[vincent TS Langh]

laivuan teng teng nak pi tak in ong lungdam pih ing,na mai lam hun vawh zong a tam zaw leh thupi zaw in pasian in thupha ong pia hen la,na siamna uh leh pilna Zomi te a ding in ong zang khe ciat un maw...

 

[vincent TS Langh]

kalaisai!kawlgam lam sanggam te a na nase mah mah mawk u tei,laisiam tampi ong om to zel un,na pil na uh sang thei mah mah ta veh eee......pan ong la tak tak un maw..

 

[L T Thang]

Lungdam pih mahmah hang ei sangam te hong mazang uh hen O