KALAYMYO "SANTA HAN" VAI TAWH KISAI ZAKSAKNA

Hih Santa (Satawm veeng pam a) Pinlong buppi zat ahi, "Santa Han" tawh kisai thu hong puak masate' genna ih Zomi group mail gol diak pawlkhatah ka muh loh ciangin net tungtawn a kikupna tuamtuamte la kikin, thu-lu thak guanin kong khahkhia hi. A thu-te makaiten kicingtakin hong gen khin uh ahih manin tua-ah na na en un.

Hih vai tawh kisai-in Hanlui donghu komiti kisehna leh zaksakna a om sa tungtawnin thai ciang, May 1, 2012 (tuesday) Am.7:00 hunin han-ah mipi a paithei zahzah pai-in thunget khopna leh lunggulhna, deihnate lahkhiatna hun khat kineih sawm a, makaite'n lai zong paisak khin uh hi.

Boihsen i dotnate keima muhna bang kong gen ding hi. Ei Tedim kampau Zomi bek hi lo-in hih han a zang i sanggam namdangte' tungah zong palai kisawl a, Revd Daniel Khen kipaisak hi, cih i ki pulak nuam hi. Tua tawh kizui-in Revd Daniel Khen pen Mizo leh Falam pawlpite-ah a thu va zasak kawikawi hi. (Siapa pen a nu le pa Falam hi a, Tedim
lakah khangkhia bek tham lo-in Agape AG akiphuh tunga kipan Sia Go Nang tawh nasemkhawm uh hi a, Tedim pau pen Tedim mi ciik a kisamahmahte bangmahin siam a, amau pau sangin zang zaw ahih manin siamzaw-lai ahi hi. Hun zat a siam banah i gam leh i minam vei ngiatin, Nipi zingsang kikhop sim phialin i Kawlgam ading, i minam
ading cih thungetna a neihpih thei zel Sia kician mahmah khat ahi hi). Tuzingsangin Agape AG ah hunzang a, hibangin gen hi.

Sangam namdangte bangin eimite i lungsim picingin kipawlsiam leng nak uthuai hi ven, ci bek hi. Hih han vai tawh kisai ka va pai kawikawi ciangin a dangdangte banah Lai Baptist leh Holiness cihte a kipan pawlpi tampite in, nomau hibang hong vaan thei na hih manun i lungdam lua hi, thupi kong sa lua uh hi. Nomau cih bangbang kong zui ding uh
hi, hong ci, ci hi. Eimi lak pen tuabang hamsa lai zek cih ding hi. Kuamah dang a mapang, a vaihawm thei, a vaihawm zo a om loh kawmkal ah hibangin mipi veina leh lainatna tawh hong mapang makaite thapia a, i mapanpih ding longal om lo hi.

MAY 1, 2012 "MAY DAY" NI-IN "SANTA HAN" AH THU-UM MITE THUNGETKHOPNA LEH LUNGGULHNA/DEIHNA SUAHKHIATNA OM DING AHIH MANIN HONG KIZAKSAKNA TUNGTAWNIN SIAMPI NGAHSA, SIAMPI PUAN NEITE'N SILH CIATIN, ZO PUAN (OR) LAI PUAN, MINAM PUAN A NEITE IN SILH IN, A NEI LOTE ZONG MI A TAM
THEITHEI PAI CIAT NI, CIH PEN COMMITTEE' LAMPAN HONG ZAKSAKSA UH AHI HI, CIH A THAKIN I IPHAWKSAK KIK NUAM HI.

"MAY DAY" (MAY), HIKHIN PAH LIMLIM AHIH MANIN I BIAK LEH I NEIH PASIAN' MIN TAWH I GUALZO DING HI, CIH I LAMEN HI.

Hih thu tawh kisai vai a teltheih nuamte in thu hong sung masa H.Vum Nang, Revd Dr.Lang Khan Khai leh Revd Go Za Nangte' genna na na sim le uh teh kitel pen ding a, Tg.Zam Thuam (Siamsin) in zong kawllai tawh kiciantakin hong gelh hi. Tua pen i group mail ah hong lut khin diam telpak keng. Groupmail sungah a om kei leh hong khakhia le uh ci hang. A kisamlai a om leh Committee te'n zong hong zasak beh leh hi ding hi).

Khazih sungah Sanggam,
Peter Khampu

Views: 115

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service