Kalay ZCLS & ZOMUS Concert Nuamtakin Kizo Ta

Zanitakin ZCLS, Kalay makaihna tawh Thusinna leh Zomi Concert pen Kalay ZOMUS makaihna tawh nuamtakin kizo thei ahih manin hunnuam leh gualzawhna hong pia, ih biak Pasian' tungah lungdamna i ko hi.

Lasak Pawi kipat madiakin ZCLS lampanin Revd Lian Khen Pau (GS, ZCLS) in lungdamkohna a tuamtuam pulakna hong nei a, pahtawi nop tampite' sungah a lo thei lo pawlkhat letsongpiakna hun hong nei hi. Tutung i thusinna nuamtak a i zawh theihna pen Pasian' hong panpihna leh akuamapeuh in i mapan khop manin nuamtakin a zo thei suak hi hang, cih mipi' tungah tangkona hong neih khit ciangin vekpi-in khut kipeng ngeingai a,  tua khit ciangin Zomus tungah hunteng ap hi. ( Seminar ah mipi 200 val bang kipha hi).



Find more photos like this on Zomi Social Network

Zomus hun kipat ding ciangin Sia TuaMung' thusiamna mah tawh Kalay Zomi sungah Music lam a ukmasa pawl tak a kigen ahi, Upa Hang Lian Khupte hunlai phawksakna in Introduce na nei-in, Pa Khup in zong khangnote a deihsakna leh thapiakna thumanpha pawlkhat gen a, Cowboy lukhu mah khupahin tha kingah mahmah hi.


Tua khit banah Revd Suan Khen Mung (A beisa a ZCLS ah GS a sem) pen amau tangval no lai a, guitar a uk a deih dante leh a kikhaktana panin tuhun khangnote suahtakna etsakna-in introduce na hong nei leuleu a, thuthak honkhat hong hawm sawn hi.

Revd Tuan Khan Mung (a) TuaMung (President, Zomus-Kalay & President, KSCM) in hun hong makaih hi. Tutunga Zomus Concert ah Music Band 2 in hong makaih uh a, (1) KSCM leh Altar Band (Music tum pen Agape Khangnote & Keyboard Cinpi) in tavuan la uh a, ih phawk kim khol loh kalin khangnote na khangto mahmah ta uh a, ngaihtak muhtaak tham uh hi. Lasate zong siam thei uh hi.

La dawng 16 bang kisa khia a, hunman kuan ciangin Sia Khen Mung' lungdamkoh thungetna tawh hun kiman bawl hi. Biakpiakna la makaihna pen innteek te in tavuan la den uh a, nek-le-dawn, sep-le-bawlte a kipan picingtakin tavuan hong la uh ahih manin lungdam i ko hi. Inntek panin Upa Hang Lian Khup hong kihel theih manin zong vaipuak tampi
hong lemtang tuam ahih manin kilungdam phadiak hi. Nitak pen kikhop ni tawh a kituah hangin biakinn huangsung dim mahin mipi kipai ciat ahi hi.

Hiteng awh tutunga i pawi i mahial bawl phot ding a, kihopsawn huai thu pawlkhat leh movie tawmlai te pen a lem hun ah i hanciam ding hi. Piakkhiatna te leh vai kisam lai te ZCLS lampan zong hong zasak ding uh hi. (Maan pawlkhat kong khak ung, na na etsak un). 


Deihsak Thupuak,
Peter Khampu

Views: 115

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service