Ih Moipawi bawl dan di!

[Tg. Pau Khan Kap]

Guai te,

Khat vei biakinn puah in nungak hon khat tawh moipawi bawl dan ding vai ka ki kum kha dihdih hi.
" Moipawi nasia tak a bawl pen thupi sa masa kengh, moipawi limbawl sang' in ta khawng i neih zawh ciangin i ki ten zawh kum 5 cin, kum 10 cin.... Anniversary.... etc cih dan te limtak in pawl le hang ut zaw veng aw kei bang" ka cih le ka lawmte numei khat in," Paukap...nang bel na lungsim hoih kei ei..." hong ci mawk!

Khaiguai, Zomi nungak te moipawi pen limtak bawl ding a ut mahmah dan hi ding maw leh!


"Numei te moipawi ah apai nop hamtang na uh pen amau hun ciang koi ci dan in om ding cih " a en kholkhol hi ci! By, tt

A kiten lai in moipuan asilh kha lo te'n a veng te a ki teng aom ciang moipuan a ap kik ma-in kawm in, " ko nupa maan ( photo ) hong ki la vat nung, ka kiten lai uh lah ki la lo ka hih uh ciang" ci-in kawm liang uh ci! By, tt

Kei bangin koi ci dan ciangin pawl leng hoih ding cih ngaihsun thei kei mai ing.

Hong kuppih dih vo, ngaknu te leh zotaang te'n.....

By,
Paukap
4 November 2010

[Tg. Pau Khan Kap]

Numei te ut, deih dan leh kin dan anuai a i sim teng, ki cing mahmah mawk ei!
Kei bangin ki-it pih, ki ngaih pih nei in, zi anei ding bang hileng bel ka zi te ut dan, deih dan te, tun atel siam pan ding hi ingh...
Pha dawm ei mataw...ka zi neih ma ka tel khak...he...he...he..

"Nupa ding icih tatak ciang in thupitsak ki theihpih ding leh, ki hopsawnsiamtheih, kipuaksiampih (shared-value) kisam mahmah hi" cih laigual in ngaihsut khat hong nei sak dihdih in, ka ngaihsutna' lui khat hong khel leh kilawm sa ing!

Lia-ngak,
Taangpaal

[Taang Sianpu]

Numeite in bel a tamzaw mopawi thupi sak hi. A hang zong tampi a om ding ban ah puan silh linlen ding cih khong, nasia tak in kizem ding in, mipi in ong theih pih ding cih khong pen numeite' value (thupitsak, manphatsak) thute aih uh hi. Numei leh pasal i value pen kibang lo hi ci leng ki khial hetlo ding hi. Tua ban ah mimal khat ciat zong i value kibang khinlo hi. Numei leh numei ahi a, pasal leh pasal dang te kikal ahi zong in mimal khat in thupitsak kibang khinlo hi.

Tua ahih man in mopawi thupi a sa mahmahte pen khial hetlo leh khantawn a khat vei bawl ding cih ahih man in a thupitna a thei uh ahi hi. Tua ban ah mopuan zong pen khan tawn in khat vei bek silh nuam uh ahih man zong hi kha ding hi. Numeite' ngeina khat ah bel khedap tuamtuam, tampi deih ding, sambawl, sammet nuam ding, kizem, kipuah ding, puan thak nei ziahziah ding, shopping mall pai zeel ding (i lei kei phial zong in, va enen thapai ding) etc. ahi hi. Tua pen pasal pawlkhatte in thupi a sa hetlo zong ki om hi.

Tuate pen mimal khat i "value system" (manphatsakna, lunggulhnakhat, thupitsak khat) ahi hi. Gen. pasal pawl khatte in zong music a ukte bang in na dang sang, an leh tui sang music a tum nuam zaw a om hi. Tuate bang pen a lawmnute na tawm uh khat veivei phawklo zah dong in music tum nuam, tate ihmutsuak ta leh music gamlum ngeingai den, a zi/ lawmnu a bil am ta leh khiam nuam tuanlo etc. te zong pen tua pa' i "value, thupitsak" ahih man ahi hi.

Nupa ding icih tatak ciang in thupitsak ki theihpih ding leh, ki hopsawnsiamtheih, kipuaksiampih (shared-value) kisam mahmah hi. Kei a bek, ama a bek icih leh pen nupa sung ah zong i deih zah in lem khinlo thei hi. Tawm tuak khiam cih bang ahih kei leh tawm tuak mah akisap leh khan cih dan in adjust bawl kul hi.

Tua ahih man in mopawi vai khong ah zong tuadan mah ahi hi. Numei tetek zong khat leh khat kibang khinlo hi. Pawl khat in mopawi thupi mahmah a bawl ding, sum tampi leitawi liang ding in, dam loh kik zaw ding cih lunggulh uh hi. Pawl khat leuleu te in mopawi bawl in sum tampi a bei sang in a tawm bei thei bel in bawl in, tua a sum bei ding tang teng tawh honeymoon nopcitak, gamla pi ah pai in sum zang ziahziah ding cih a ut om hi. A dang pawl khat leuleute in honeymoon, mopawi etc. sum tampi beisaklo zaw in, tua ding tang teng tawh kiten khit, mopawi bawl khit ciang small business kipan or sum leh paai, nasep kician neihma in nek leh dawn ding in khol nuam zaw, zek bawl nuam zaw cih bang zong a om leuleu hi.

Tua ahih man in mi khempeuh a ding in tua hoihpen hi cih theih omlo hi. A hangin mi khempeuh i deihdan leh hoih isak, i value kibang khinlo ahih man ahi hi. Tua hi leh nupa nih kopkhat, pumkhat a sung dingte monu ding leh mopa ding in amau i deihna tuak uh kikum in, a hoih thei pen in vaihawm ding ahi zaw hi. Tua pen monu leh mopa' value a kibang om thei a, akinai om in, aki lehbulh zong om hi. Tuate bang ci manage/ handle ding cih pen a mimal tung ah kingah hi. Mi khempeuh a ding in tua hoih pen, tua hoih kei cih theih khit omlo hi.

A tawpna ah bel kuakua in mopawi i bawl a, anniversary i bawl zong in ei Zomi.Net sung a teng buang bel ki sam in, ki uap, ki lungdam pih in, pawipi kham ziahziah leng hilo dia leh :)

Ngaihsutdan a tuamtuam hopsawnna bek hi a, a tung a ka gen teng a dik pen, a hoih pen cih zong lah a hi ding in ka um tuan kei hi. Muhdan tuamtuamte kaikhawm leng tua pen thupi in etlawm kasa zaw lai hi. Hong hawm sawn lai un leh. Lungdam.

[moemangsen]

Mopawi lah nasiatakin bawlziahziahin, tuabanah Anniversary zong kumsim bangin lawmlegual teng samzihziahin ankuang umkhopna neihzoleng ut huaipen lodingmaw?

[jack ka]

dim buah nang' thei o!