Gongtatna (violence) ah Lungdaihna (peace) omlo

[Taang Sianpu]

Gongtatna (violence) ah Lungdaihna (peace) omlo cih leh Zom makai khat a ding hoih in ka upmawh thu pawl khat

“The greatest day in your life and mine is when we take total responsibility for our attitudes. That's the day we truly grow up.” (John C. Maxwell) a cih mah bang in minam vai ah I sepnop zia, I sep zia leh I kalsuan ding dan
pen I lungsim puak tung ah tampi kingah ahih man in Zomi makaite in hoihtka in
by-laws ahi a, policy ahi zong in lungduai zek mah in i kikup toh leh I ngaihsut
tohtoh ding thupi in kaum hi.

“Policies are many, Principles are few, Policies will change, Principles never do.” (John C. Maxwell). I Zomi kipawlna pi a ding in zong policy i suah tohtoh laitak, I kikup laitak leh by-laws I ettoh toh laitak ahi hi. Tua
sung ah a tung a siapa’ gen dan mah bang in Principle leh Policy I khen theih
ding thupi ding hi. Gawm zau lo in, kikupna a om ciang zong sidetrack (melsiah)
loh ding zong thupi in kaum hi.

Gtn. Nung nipi kal sung in NDL te meeting khat ah upmawhloh pi in kihel kha in thugenna leh thu kikupna kanei kha seisai hi. Tua sung ah dotna leh dawngna tuamtuam om a, tua lak ah NLD in Kawlgam suahtak na ding in amau upna ah “suahtkana
leh lungdaihna pen gongtatna tawh ki ngahlo hi…” cih upma Principle a sang uh
ahi i. Ahih hang in amau Policy pen a tuamtuam in a hunzui in laih toto uh a,
mipi na tawm in a muhkhialh dek hun tuma kha 5 lai bang om ngei hi. By-laws amendment
bawl ding cih te, I vaipuakzia ding ngaihsutpiakna tuamtuamte ah zong I lungsimpuakzia
mah hong thupi mahmah ding hi.

“We choose what attitudes we have right now. And it's a continuing choice. “ (John C. Maxwell)

President Barack Obama i thugen ka thangah khat leh ciapteh huai ka sak khat in…

“I don't care whether you're driving a hybrid or an SUV. If you're headed for a cliff, you have to change direction. That's what the American people called for in November, and
that's what we intend to deliver.”

Minam sung ah hi ta leh, innkuan sung ah DEIHSAKNA, KONG DEIHSAK MAN, ZOMI TE A DING KHUALNA etc. paulap in “keima mimal muhna cih kidalkholhna tawh” thu kigen in,
kam kipau hi. A tatak in tuadan pen ahi tatak leh ahih tataklo ahihna,
deihsakna taktak leh pholakna, selphonopna (ill intention) ahih leh ahih loh
pen I laimal I thu gen lel hi. Laimal a simte I a theih hi lel hi. Tua ahih ma
in Obama gen dan mah bang in direction a manlo ah a paipai makai khat, mawtawi
hawl khat I zuih khak leh koitak hong tunpih ding cih, ken ah hong kiat pih
ding cih mipi in kimu khin theilo thei ahih man in direction a man ding thupi
mahmah cih phawk ingh. I kideihsakna ci a paulap pong a I utut, ei gen nop teng
naupang vai tka in I pum genna pen bang tawh kibang hiam cih leh “…kong it luat
man a kong satsat hi…tu a sang hong it zaw lecin si ta lo ding ka hia…” acih
tawh kibang hi.

Makaipu’ gen Leadership is influence cih hong gen kik ciang in ka phawk mahmah khat ah nidang lai a beisa kum 9 lai in John C. Maxwell I leadership seminar leh
workshop sung ah kava kihelna a John thu gen ka phawk mahmah hi.

-“Leadership is Influence” cih ka zak ciang in tu sung teng ka lungsim ah bang hong suak hiam cih leh, tua kammal tawh akizom in “How to Influence” cih hong suak pah a, tua ban ah “What
to Influence” cih hong suak kha hi.

Leitunb ah Influence nam (2) om a:

1) Good Influence leh

2) Bad (ill influence) cih ka phawk hi.

Tua bang mah in kidembawlna cihna sung ah zong nam (2) om a:

1. Healthy Competition leh

2. Unhealthy Competition cih thu namnih Zomi sung ah zong aom lak ka phawk kik hi.

Hih lai tawh aki thuza tuah teng pen I omomna ah Zomi makai kihi tek hi (one way or another, small or big). Tua sung ah Influence pen a thupi mahmah ahihzah khat in, “Bang thu, bang
tawh mipi Influence ihi hiam?” cih thupi zaw kan in ka lamen hi.

Zomi it ingh ci a, Zomi makai khat hi ingh akici khat in tua Influence nam nih sung ah koi zaw zang hiam cih pen I mit tawh I muh, I bil tawh I zakna tampi a om ciang tak ciang in
Zomi it ingh akicihna pen bang ciang cih kitel muh sinsen thei hi.

Influence (for good) ah mite tawh kilem ding, kipawlna khat leh khat kilem ding leh kipawl theih ding aki hanciam mahmah laitak in, pawl khatte in, “hih kipawlna, tua kipawlna…tuaci
uh a, tua ci hi etc.” tuamtuam tawh ama mimal khat in a dang khat a et theih
loh, a muh theih loh man in, ama pawlpimi, a makaih a mipite tung ah midang
khat peuh, kipawlna dang khat peuh gen siat pih in, a huat theihtheih, a muhdah
theihtheih na ding in genpih in tua influence hang in a mite in hoihna lam leh
khantohna lam manawhlo zaw in, kiamsukna leh pawl kikhenna, kikhen thangna lam
manawh zaw thei hi. Ahih hang in tua zong Influence khat mah ahi veve bilbel
hi.

Tua mah bang in Muslim Extremists (a khengval upna nei a gongtatmite) in amau upna leh amau tung ah aki gen thute han gin gongtatna lungsim nei thei uh a tua hang in zong “suicide”
ci in leitung bup mun tuamtuam ah buaina tampi piangsak kawikawi in, midangte
nawngkai sak kawikawi uh hi. Tua zong pen a makaipite in influence na nak neih
mahmah bilbel in ahih hang amau influence pen bang hiam cih tung ah mipite
gamtatzia kimu thei hi.

Tua ahih man in “Leadership is Influence…” cih a thupit mahmah zah khat in “What to Influence or What do we (as leaders) Influence others” cih pen ei Zomi sung ah I ngaihsut phat mahmah
ding in hoih kasak thu khat hong hawmsawn nuamingh.

Zomi kipawlna khat veve in a dang khat dembawl, ko bawl, to bawl, gensiat pi in gensiat pih cih bang a tuamtuam kizaza a, kimumu mai hi. Kidemna (competition) cih pen a hoih mahmah
leh akisam mahmah khat hi. Competition om kei leh bang mah ki semlo mai thei a,
kuamah ki phalo in koimah kitung lo kha ding hi. Business ahi a, Organization khat
peuh ahi zong in kidembawlna (competition) pen akisam leh a thupi hi. Ahih hang
in tua competition sung ah Healthy leh Unhealthy cih om a I kim leh pam a om
Zomi kipawlna pawl khat in competition a bawlna ah unhealthy ahih loh ding
thupi ding hi. Makai khat in (extreme lua in) minam vai hi ta leh, biakna vai
hita leh balance lo in, a gongtat a, a makaih tak ciang in tua kipawlna sung ah
“Innkuan lungsim” om ngeilo ban ah Kigawmkhopna, kipawlkhopna sang in kikhen
thangna hong piak sak zaw thei hi.

Tua ahih man in Zomi makia khat ihihna tawh I kiim I paam, I seppih, I nuai a te, I lawmte tung ah bang influence ihiam…mi dang khat, kipawlna khat peuh gensiat pih tawh nitum
den ihi lel hiam cih ngaihsut huai mahmah hi.

Mi gensiat pen sia khinlo napi in, tua tawh hun I bei tak cing eima sep ding, thu hoih bang mah ki sem man nawnlo in mi khat, kipawlna khat peuh gensiatna tawh I mailam tampi
kikhak thei ahih man hi.

Democratic movement, Freedom, Rights, Freedom of Speech etc. a thupit mahmah na Zomi tampite in I thei a, nop I sa ziahziah mahmah hi. Ahih hang in tua Freedom of
Speech (suakta tak a gentheihna) pen moderation or discipline tawh akithuah loh
ciang in mimal khat leh khat ki cihcihna, ki kamtamna leh ki mukhialhna natawm
hong tun thei hi. Tua hih man in Zomi it ingh, Zomi makai khat hi ingh akici
khat ihih leh Freedom of speech a om mah bang in tua I practice/ exercise na
hang in a mi dang khat peuh in or a dangte in phattuampihna leh hoihna lam, ki
pumkhatna, ki lomkhatna lam a manawh hiam cih ngaihsut masak huai mahmah hi.

“What do we Influence others?” cih ngaihsut kawm in Zomi leh Zogam a ding ma pangkhaw m ciat ni cih tawh hong khup nuam ingh.

Lungdam mahmah.

Na khat peuhpeuh ah I sep masak ding a thupi I kikupna ah hong nawnkai sak ding leh a thupi masa lo (a thupi nihna, thumna) te a ma mun leh a hun tek thei in
thusunna leh pulakna I neih ding in kong thum nuam hi. Kei a kipan maw J

Taang Sianpu

[Naulak Dim]

Sim nop leh sim tak thei lua. comment piak ding bang thei keng.