ET-LAWM

En un mite

sanggam pumkhat bangin, atutkhop uh ciang,

bangzahin nuama, hoihin, etlawm ahi hiam?

 

Ki pumkhatna sungah,

Kei ka hoiha, Nang na kilawm hi.

Eite i et-lawm hi.

 

Et-lawmna i cih in, pum khatna hi,

Pumkhatna i cih in, ki-lawmtatna hi,

Kilawmtatna i cih in, kha kitenna hi,

Kha kitenna i cih in, itna ngaihna hi,

Itna ngaihna i cih in, dikna leh hehpihna hi,

Dikna leh hehpihna i cih in, lungkim huai-nate hi,

Lungkim huaina-te i cih in, deihhuai-na hi,

Deihhuai-na icih in, thupi na hi,

Thupi-na i cih in, vang neihna hi,

Vang neihna i cih in, sun nitang batna hi,

Sun nitang batna i cih in, ciimna, lungvakna hi,

Ciimna lungvakna i cih in, pumkhatna hi,

Pumkhatna icih in, et-lawmna hi.

 

Oh! Ciimnuai Vontawi

Hongpai in et-lawm khawm ni

Nang na hoiha, kei ka kilawm hi.

Eite i kilawm hi.

 

Oh! Zomi lia leh tang aw

Hong pai un, et-lawm khawm ni,

Aron sathau manpha bangin, namtui khawm ni.

 

Oh! Phualva no aw,

Hong pai in Zion mual ah

Hermon daitui bangin taak khawm ni

Zion lono bangin hing khawmni

A hing tawntung lono bangin et-lawm khawm ni...

(Late 133:1-3)

mncinpu

Views: 66

Comment

You need to be a member of Zomi Community Network - Your Network to add comments!

Join Zomi Community Network - Your Network

Comment by Taang Sianpu on November 20, 2011 at 11:21pm

Thupi mahmah ei. Hong gelh toto lai ou leh.

© 2024   Created by Zomi Community Network.   Powered by

Badges  |  Report an Issue  |  Terms of Service